جمعيه الرجاله المفتريه ...........مقر الجمعيه هنا... ادخل فضفض شويه و شارك في التنظيم

**A.Saad** · 20-03-2009 04:48 AM

ايه ده
الموضوع قلب جدال عن الرجل والمرأة
انتوا نسيتوا تأسيس الجمعية ولا ايه

لا جدال مع العضوات او الاعضاء عن الرجل والمرأة

**nazaryia** · 20-03-2009 09:56 AM

تمام ياباشا كمل ..............متهيألي بالنظام ده مش هيكمل ل 20 سنه اخره 10 سنين و نموه هيقف من كتر القهر

**eslam_wega** · 20-03-2009 10:55 AM

هكمل ان شاء الله بس لما اكتب واقلف الجزاء التانى
وكويس انه عجبت ان هعملها موضوع عشان الناس تشوفها ان شاء الله

**Mohamed.Raafat** · 20-03-2009 02:30 PM

أنا معااااااااااااااااااكوااا اااااا انا جاهز للمعركة
( الاستاذ الامين العام "أنا عايز استمارة الالتحاق بالجماعة بسرعة")

و على فكرة انا ملاحظ كده ان فيه ناس ابتدوا ينفخوا في النار و بياخدوا العدة و بينشروا الفتنة بين اعضاء الجماعة و بيشككوا في نوايا الجماعة و ذلك عشان يمنعوا انها تتكون أو يمنعوا اي اعضاء جدد إنهم ينضموا

بقلهم إنسوا

**nazaryia** · 20-03-2009 03:41 PM

تمام يا ايها السيد الامين بقينا 3 غيري
هه منتدي طويل عريض مفيش فيه مشجعين ؟

**mab** · 20-03-2009 06:13 PM

[QUOTE=nazaryia;731142]تمام يا ايها السيد الامين بقينا 3 غيري
هه منتدي طويل عريض مفيش فيه مشجعين ؟[/

QUOTE]

انا معاكو بس بشرط
تغير الصورة الى فى توقيعك

**nazaryia** · 20-03-2009 08:13 PM

[quote=mab;731405]

المشاركة الأصلية كتبت بواسطة nazaryia

تمام يا ايها السيد الامين بقينا 3 غيري
هه منتدي طويل عريض مفيش فيه مشجعين ؟[/

QUOTE]

انا معاكو بس بشرط
تغير الصورة الى فى توقيعك

اشمعني ...ده شعار الجمعيه؟

**Bossy_Fadl** · 20-03-2009 09:08 PM

المشاركة الأصلية كتبت بواسطة mohammed_raafat

أنا معااااااااااااااااااكوااا اااااا

انا جاهز للمعركة
( الاستاذ الامين العام "أنا عايز استمارة الالتحاق بالجماعة بسرعة")

و على فكرة انا ملاحظ كده ان فيه ناس ابتدوا ينفخوا في النار و بياخدوا العدة و بينشروا الفتنة بين اعضاء الجماعة و بيشككوا في نوايا الجماعة و ذلك عشان يمنعوا انها تتكون أو يمنعوا اي اعضاء جدد إنهم ينضموا

بقلهم

إنسوا

ناس زي مين بقىىىىىىى؟؟؟؟؟

**nazaryia** · 20-03-2009 11:18 PM

طبعا موضوعى دة للى بيفكروا يتجوزوا

عشر طرق عشان تساعد على مراتك

1-

اصحى يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللي عندكم فى المطبخ و 10 كوبيات لاعداد طبق بيض وسندوتش جبنة

طبعا يُراعى ترك آثار سمنة على الارض مع ترك التلاجة مفتوحةوقشر البيض فى الحوض
*****
2-
اذا كنت بتتفرج على التلفزيون وهي عايزة تغيّر القناة .. قولها معلش الحلقة دى مهمة جدا واحد صاحبي شافها على القناةالفضائية وقالي ان الحلقة دي هى المسلسل كله

ولو كنت بتتفرج على ماتش كورةهيبقى الموضوع اسهل .. كل ما حد من اللاعبين من أي فريق يمسك الكورة قالها معلش ثوانى بقى انا حاسس ان الكورة دي جون حتى لو كان حارس المرمى ماسك الكورة والماتش واقف لان فى واحد مصاب

ملاحظة : اغلب النساء ذوو ثقافة كروية ضعيفة
*****
3-
الصبح وانت رايح على شغلك وهى نايمة تعمد اسقاط اى شئ او خبط الباب بصوت عالى علشان تصحيها هى كمان..اشمعنى انت ؟ ولو حاولت ترجع تنام تانى قولها مادام صحيتى حضري الفطار بقى
*****
4-
فى عيد ميلادها زيّن ليها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟! اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة
*****
5-
لو عاملة ريجيم اجري على السوبر ماركت ومحلات الحلويات واملى التلاجة شكولاتة وحلويات وجاتوهات .. يُراعى التجول وانت مستمتع بأكل الجاتوة امامها
****
6-
ماتنساش رأيك فى طبيخها لو عاملة لحمة قولّها حلو اوووى الفراخ دي .. ولو طبخة بامية .. جميلة اوى الملوخية ديياحياتي حطّة عليها ايه ؟؟ ولو عملة كيكة قولّها انا بحب اشرب شاى مع البسكويت الحلو ده
*****
7-
لو طلبتْ منك تنشر الهدوم قولها حاضر مع ابتسامة حنينة وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت مني فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك
*****
8-
لو الزوجة قررت مسح الأرضيات فى البيت حاول انك تروح وتيجي على المناطق المبلولة متحجج بأنك محتاج تتصل ضرورى بواحد صاحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية
*****
9-
لو كانت مشغولة فى نظافة البيت او مع الاولاد وطلبت منك تغسل كوبايتين الشاي بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوباية من الاتنين وهي مكسورةواسألها فى براءة : ارمي دي فين ؟؟
*****
10-
وانت قاعد تتفرج علىالتلفزيون وهيّ طالع عينها فى تنظيف البيت وبعد ما تخلص وتيجي تقعد تستريح جنبك بصلها وقالها حبيبتى معلش ممكن كوبية ميّة علشان ضهري بيوجعني
*****

..بس خــلاص

الولد مظلم طول عمره -

الموضوع: جمعيه الرجاله المفتريه ...........مقر الجمعيه هنا... ادخل فضفض شويه و شارك في التنظيم

LinkBack

أدوات الموضوع

عرض

-

-

-

-

-

-

-

المواضيع المتشابهه

ادخل على الاجتماعى نضحك شويه يا هونداوى ^_^

لمحبى لانسر شارك شويه صـــــــــــور لتعديل الشارك ...

طريقه حلوه للمعايده ادخل شارك

plz ادخل شارك دلوقتي

هل جربت انك تعدل صندوق سيارتك ادخل واتعقد شويه

الكلمات الدلالية لهذا الموضوع

المفضلات

المفضلات

ضوابط المشاركة