الولد مظلم طول عمره
نفترض ان اسم الولد احمد
وهو لسة صغير اخته الكبيرة بتبقا مشغلة مرمطون عندها ههههههه اه والله وعن تجربة
هى : احمد
احمد : نعم
هى : عارف المحل الى جانب السوق قبل الميدان
على ايديك اليمين تحت كوفير ( اعملى شعرك وادفعى دم قلبك وبعد تلت ساعات هيرجع زى الاول )
عارف المحل ده
احمد : اه تقريبا
هى : طيب خد هاتى الحاجات الى فى الوراقه دى من عنده
وياخد يعنى الواد ورقة محشية كتابة ولا برشام الامتحانات
احمد : حاضر
احمد يعنى ميقدرش يقول لا
هى : يلا بسرعة متتاخرش
يروح يعنى الواد مشوار بتاع 3 -4 كيلو
يتوه شوية فى الطريق ويفضل تايه كدا شوية
لغايت اما يلقى بنت خارجة كدا حطه 4 كليو اسمنت ابيض على وشها
و شعرها ضارب فى السماء ومتعرفلوش لون اساسا ورغم كدا مبتسمة جدا للحياة
يعرف ان ده الكوفير ويلقى المحل
احمد : بعد ازنك يا عمو عايز الحاجات الى فى الورقة دى
الراجل : عنيا يا حبيبى
يفضل الراجل يحط ويعبى ويعمل شنطتين ما شاء الله حجم عائلى( استشين كدا )
ياخد احمد الشنط ويمسك اول شنط فى ايده اليمين تلقى عصاية الاتزان بتاعته قلبت وياجى يمين
يدلة بسرعة الشنطة الشمال تقوم العصية ظابطة
ياخد الواد المشور كله وهو راجع بالشطتين واخير يوصل البيت يحط الشنط على الارض بسرعه
ويبص على صابعه يلقى اخر عقلة بقا لونة ازرق
وصوابعه مورمه ( طبعا ده اقل واجب )
لسه هياخد نفسه ويعقد شوية
يلقى جرس الباب بيرن
اخته : احمد
احمد : نعم
روح افتح الباب
ويبقا يعنى الواد شغال طول اليوم بتاعت دلفرى
ويفتح الباب ويطلع السابت وحقل تجارب للاكل النووى الى اخته بتعمله :k31:
(وعلى راى المغنية الشهيرة الى مش فاكر اسمها )
على ادا الحال انا
وفى بعض الاوقات يكون احمد عنده اخته من نفس سنه ويجيى ضيوف بالليل
ويبقا يعنى الواد قاعد فى امن الله يقوم يسمع اسمه يتخض طبعا
احمد ومين الى بتنادى عليه
مامته انزل هات حاجة ساعقة
احمد : انا مش قادر يا ماما خالى هبة تنزل ( الى هى اخته )
مامته : ازى يعنى فى بنت تنزل باللبل
احمد كعادة يقول حاضر وينزل الواد مجبور الخاطر
ويفضل احمد يقول امتى اكبر بقا واترحم من العبودية دى
هو ده حال كل الاولد وهما صغيرين عكس البنات طبعا الى بيبقوا عايشين ومقطينها لعب 24 ساعه
والطفل منا يبقا نفسة يلعب شوية تجيله طلبيه تعجنن عليه
لو عجبتكم هنزل الحلقة الى بعدها احمد بقا عنده 20 سنه
المفضلات