محدش يسالك دة ممكن ....
لكن لا اعتقد ان حد ممكن يسالك ومتردش
دة مش ممكن لان متعرفش تعمل غير كدة
عرض للطباعة
السلام عليكم ورحمة الله وبركاته
انا عضو جديد وبصراحة المنتدى ممتاز بس لى ملحوظة صغيرة بعد اذنكم
(انا شايف ان صاحب الاستفسار بيسأل واهل الخبرة بيردوا بمنتهى الدقه والجمال والشياكه بس المشكله ان حضراتكم بتطولوا الموضوع بعد كده لغاية ما يقفل زى لعبة الدومنيوز !!!! ليه أنا لسه مش عارف !!!!! ويبقى مفيش مفر من الغلط والزعل والتحذير مع ان صاحب السؤال اصلا ممكن يكون حل المشكلة واتبسط على الاخر وباع العربيه وجاب احسن منها وانتوا لسه بتتخانقوا قصدى (بتتناقشوا) ويجعله عامر
اخوكم ناصر ( مستجد ومعايا لانوس 99 بس ايه على كيفك عامله 98 كم وشكلها مش هتعمل اكتر من كده وربنا يستر ):_Alshmokh22[1]:
يا جماعة ابوس ايدكم ادونى موضوع واحد ادخل اتكلم فيه
كل موضوع ادخل فيه الاقى الناس بتعلن عن الحرب العالمية الثالثة
بالمناسبة انا باقترح ان المقابلة اللى جاية تتم فى قسم العمرانية علشان تتعلموا الادب يا ..........
قبل الكلام اعتذر على الاطاله
لو سمحتم ممكن كل واحد يحاول يختار الفاظه وكلامة قبل ما يكتبة
ممكن نراعى ان كلنا بشر والخطأ وارد
ممكن نراعى ان فى شخصيات كتيييييير فى المنتدى احنا بنتعلم منهم
ممكن نراعى اننا ابتدينا نفهم يعنى ايه عربيات على ايد الناس ديه
ممكن نراعى ان الناس ديه بتدينى المعلومة شبه على الجاهز
ممكن نراعى ان الناس ديه ممكن تزهق وفى اللحظة ديه مش هيبقى فيه منتدى الدايو اللى كل الناس بتتكلم عنه
بالمناسبة اى عضو بيعرف معلومات جديدة وبيدفع عليها فلوس يا ريت يوفر فلوسه واحنا عايزين الاحترام وبس
وبالنسبة للأساتذة الافاضل اللى احنا كلنا بنتعلم منهم (بدون ذكر اسماء)
ممكن نراعى ان الناس الجديده مش تلاميذ فى فصل
ممكن نراعى عدم اسفزاز الاعضاء بالردود الحاده
ممكن نراعى عدم المناطحة بينكم وبين بعض وفى النهاية بينقسم الاعضاء لفرق مؤيده لكل استاذ والنتيجة -الحرب العالمية الثالثة
الكلام اللى هاقوله خاص بيه
يا جماعة انا بعيش حياتى وانا كاره كل حاجة حواليه ممكن تقولوا انى معقد نفسيا
ظروف بلدنا اللى زى الزفت
الحالة المادية اللى احنا عايشين فيها
الضغوط النفسية اللى من كل اتجاه
معاملات الناس بينها وبين بعضها اللى زى الزفت والطين والقطران
طيب ايه هو المنتدى بالنسبة ليه ومع احترام للكل منتدى الدايو على الاخص
هو المدينة الفاضلة
ناس بتساعد بعض بدون مقابل
ناس بتحترم بعض بدون مصلحة
ناس بتقدر اللى بيساعدها
وناس بتساعد ناس بدون انتظار تقدير
والله العظيم انا زهقت - من الواضح ان ثقافتنا بتطغى على كل تعاملتنا - مهما حاولنا نظهر بشكل متحضر - احنا فى الاخر شربنا من نيلها
أنا ما كنتش متخيل خالص وانا باكتب الموضوع فى الأول ان الأمور هتوصل للنهاية دي.
انا كتبت الموضوع بعنوان دعوة للتعايش مع عربيتك وما تخيلتش ان احنا مش قادرين نتعايش مع بعض أساسا
يا اخواننا الدنيا تستوعبنا جميعا بارائنا باختلافانتا كلها فبلاش اختلاف وجهة النظر يدخلنا فى حزازيات نفسية بيننا
نصيحتي للجوهرة - كما أحب أن أسميه - محمد ممدوح خد الدنيا ببساطة شوية وما تقفش بسرعة كده لأن فعلا احنا بنحبك والله فعلا رغم ان احنا ما تقابلناش وحتى انا شخصيا ماعرفش شكلك.
نصيحتي للأخ شريف محمد انك لو كنت سيبت الجملة الأولى من غير "يخبط راسه فى الحيط" كانت هتبقى أجمل بكتير.
شكرا ليكم يا جماعة ويا ريت نصفى نفوسنا شوية.