الموضوع: عندى مشكلة فى ابيزا 2000

برضو هنا ...مهو لو ضري من الهذيان مكنتش العربية بتاعتي اتعدلت اول ما مسح الارور الكلام كلو كان قدامي

بص مش حقدر اشرحلك أكتر من كده لأن دي أسرار شغل

كل إلي أقدر أقولهولك إن كان فيه عيب متسجل على ذاكرة البوابو وهو ده إلي كان مخلي العربية تعلى وتوطى والعربية مش مستقرة لكن حقن البنزين لأ

ومفيش حاجة اسمها وضع طوارئ

المشاركة الأصلية كتبت بواسطة SaNisSro

برضو هنا ...مهو لو ضري من الهذيان مكنتش العربية بتاعتي اتعدلت اول ما مسح الارور الكلام كلو كان قدامي

على فكره عمر المهندس / أسامه مافتى فى حاجه من ساعه دخوله فى المنتدى ولو دخلت قريت المواضيع الى مشارك فيها هتعرف حقيقه كلامى أنا مش المحامى بتاعه بس دى شهادة حق أسأل عليها فى الأخره

يا باشا انا مش قادر اقولك ان عربيتي قعدت في الوهدان 6 شهور..يمكن اكتر عربية قعدت في توكيل..ومن كتر ما اتعودو علية بقيت اخش والله العظيم اركب معاهم القطع..حفظتها هية ومشاكلها..وكلو كان عيوب في الحقن والكهربا..ونظام الطوارئ ده بان على الكمبيوتر قدامي..والمهندس ميقدرش يفتي علية عشان انا شايف وعارف..وعموما للاخ العزيز كامل الاحترام والتقدير على رايو الشخصي

يا عزيزي دا مش رأي شخصي

أنا مهندس كهرباء وعلى دراية كاية ببرمجة الميكروكنترولور الموجود في كنترول الموتور وكمان الزاكرة المستخدمة

الكلام الي انت بتقول حد قالهولك ده مش صح عايز تقتنع براحتك مش عايز تقتنع براحتك

الكلام ببلاش

ياباشا انا سعيد بمعرفتك والله وسعيد بمشاركتك معاية في المنتدى..وصدقني انا فخور بان فيه في المنتدى ده متخصصين زيك استفيد منهم...انا ارفقتلك ملف تكست فيه كوبي لتقرير vag-com البرنامج الشهير لكمبيوتر السيارات فيه قياس لعربية بيتلز 1600 سي سي يثبت وجود ما يسمى ب Emergency mode وتقبل مروري

http://dc01.arabsh.com/files/3/glzmw...tionTiming.doc

شوف ياعزيزي

أنا بدعي إني من أوائل الناس الي اشترت برنامج Ross Tech الأصلي في سنة 2004 في مصر إن لم أكن الأول قبل نزول الجولف 5 وإن الناس تكتشف إن الجهاز الأزرق العادي ميعرفش يعمل أي حاجة في العربية غير انه يكشف على الموتور والفتيس..

Ross Tech بيحيبوا يعملوا شوية مصطلحات بإسمهم مش أكتر لو انت معاك بقى الديل الخاص بفولكس نفسها ودي الي عملهاه شركة Lex Com لفولكس وفولكس بتديه لمراكز الخدمة المتخصصة بتاعتها مش حتلاقي ما يسمى بهذا الوضع "أقصد وضع الطوارئ"

ولتوضيح الصورة لسعادتك:
الي بيحصل إن حساس السلانسية ميكونش عارف بالظبط مقدار زاوية فتح البوابة أد إيه وفي نفس الوقت مبيكونش عارف يحدد الحمل المحالي الموجود فيبخلي العربية تعلى وتوطى لحد محد يخش على العربية بالجهاز ويعمل حاجة إسمها Basic Setting ودي بمثابة تعريف البوابة على الكنترول وبكده بتختفي الظاهرة دي..

خلي بالك أنا كل كلامي على البوابة

لكن الرشاشات بقى يا عزيزي ليها توقيتات معينة بتفتح وتقفل فيها على حسب الحمل المقاس يعني بمنتهى البساطة المخ هو البوابة والعضلات هي الرشاشات..

أبسطهالك أكتر ولا وضحت الصورة؟

أما موضوع المصطلحات دي فأنصحك متستعملهاش لأنها ممكن تخلي الناس تتشتت وبذات إن الموجودين في المنتدى معاهم البرنامج ده قليليين جداً إن مكنش محدش موجود غيري!!

Ross Tech عملين شغل رائع محدش يقدر يقول حاجة، بس على الرغم من كده لسه عندهم مشاكل وبيحاولوا يحلوها.

عارف لو كنت جبتلي مصدرك ده من جوا VAS 5051 أو VAS 5052 كنت قفلت بقي واعترفت إني غلطان

لأن دول الأجهزة المعتمدة من فولكس والأجهزة دي تصنيع بوش

المفروض ان البرنامج ده الي انا خدت منو المصطلح هوة هوة الي في ارتوك..يبقة ارتوك مش ماشية مع برامج المعتمده عليها فولكس على كلامك..وعموما المصطلح موجود سواء كان يعمل بمعناه او لا فهو موجود..وانا ده الي حبيت اثبته انا مش بحب افتي انا كل الي قلتو ان المهندس قلي حالة طوارئ والعربية فعلا كانت مش على بعضيها لكن ايه الي بيتم في حالة الطوارئ ده شغل مهندسين..وشكرا على ردك يا باشا