عندى مشكلة فى ابيزا 2000

**MOON5** · 18-03-2009 03:26 PM

السلام عليكم
عندى مشكله بس مش عارف اصرف فيها ازاى :-
فى الغيار الاول والثانى العربية بتطلع وبعدين تقف ثم تمشى تانى يعنى مش على طول (بتتهته) روحت لميكانيكى قالى اشترى علبة اسمها postive power واحطها مع تفويلة بنزين وانا لسه عامل الموضوع ده امبارح بس لسه مش عارف النتيجه ايه
فهل الموضوع دا قابل حد من خبراء السيات
واشكر كل من يساهم فى الحل لى وللكل من يقابله هذا الموضوع

**umoussa** · 18-03-2009 04:08 PM

أخي الفاضل،

من الواضح إن فيه حاجة مسجله على ذاكرة كنترول الموتور

لازم حضرتك حد يدخل على كنترول العربية ويشوف فيه إيه وحيعرف العيب فين وتتحل المشكلة في ثواني

الي الميكانيكي ده قالك عليه مالوش أي تأثير ولا حيفيدك وواضح ان اخونا الميكانيكي ده معلوماته على قده أوي وبيفتي يمكن تجيي معاه صح

عربية ساعتك مجهزة بحاجى اسمها Obd وعن طريق الموضوع ده بنقدر نعرف المشاكل والعيوب الموجودة في جميع الاجزاء الإلكترونية وبعض من الأجزاء الميكانيكية في العربية

وواضح إن العيب الموجود عن حضرتك عيب مكون إلكتروني مش مكون ميكانيكي واحتمال الاتنين برضو

شوف حضرتك ساكن فين وانا ممكن اسهل عليك الموضوع

**وائل عطية** · 18-03-2009 04:22 PM

بتهيألي لو العربية اتحطت على جهاز فحص الأعطال هايوضح العيب فين وممكن ببساطة تطلع الذاكرة عايزة يتعمل لها ريست

**MOON5** · 18-03-2009 04:26 PM

اشكر حضرتك على الرد والاهتمام
عموما انا ساكن فى العاشر من رمضان بعيد شوية
رايك اروح لمين بالظبط

**umoussa** · 18-03-2009 04:40 PM

في الحقيقة بعيد شويتين

لو تقدر تقابلني في الحرفيين أنا أبصلك عليها واحلهالك إن شاء الله

أنا بكون هناك يوم الخميس الي هو بكرة على الساعة 8 مساءً

**MOON5** · 18-03-2009 05:06 PM

وانا إن شاء الله هاكون هناك بكره إن شاء الله فى السلام جنب الحرفين وبأذن الله ممكن اقابلك هناك
ياريت تليفونك
وده تليفونى 0100046630

**umoussa** · 18-03-2009 07:15 PM

مفيش مشكلة

رقمي حبعتهولك على الخاص

اسامه موسى

**SaNisSro** · 23-03-2009 02:12 AM

انا مع الاخ الي بيقول اكشف عليها على الكمبيوتر حتلاقي العيب فين واعتقد ان العربية ماشية دلوقتي على نظام الطوارئ

**umoussa** · 23-03-2009 03:11 AM

ياريت تشرحلنا نظام الطوارئ ده! :k38:

**SaNisSro** · 23-03-2009 12:53 PM

الي اعرفة من مهندس الصيانة ان العربية لما تكتشف وتسجل خطأ معين يخص احتراق البنزين ..بتشتغل على نظام اميرجنسي بيكون حقن غير منتظم للبنزين وبالتالي اطراب في الموتور كلو على حسب كلام المهندس وترجع العربية طبيعية اول ما نمسح الخطأ

الموضوع: عندى مشكلة فى ابيزا 2000

LinkBack

أدوات الموضوع

عرض

-

-

-

-

-

-

-

المواضيع المتشابهه

عندى مشكلة فى اكسنت مو 2000

أفضل موضوع لشهر أكتوبر : حل مشكلة بطء الدوارة والتنتيش وتعليق ال rpm على 3 ابيزا 2000

عندى مشكلة فى بوابة الماتور ابيزا 94 1400 cc

عندى مشكلة فى بولو 2000

مشكلة ابيزا 2000 من المطبات

الكلمات الدلالية لهذا الموضوع

المفضلات

المفضلات

ضوابط المشاركة