-
عندى مشكلة فى ابيزا 2000
السلام عليكم
عندى مشكله بس مش عارف اصرف فيها ازاى :-
فى الغيار الاول والثانى العربية بتطلع وبعدين تقف ثم تمشى تانى يعنى مش على طول (بتتهته) روحت لميكانيكى قالى اشترى علبة اسمها postive power واحطها مع تفويلة بنزين وانا لسه عامل الموضوع ده امبارح بس لسه مش عارف النتيجه ايه
فهل الموضوع دا قابل حد من خبراء السيات
واشكر كل من يساهم فى الحل لى وللكل من يقابله هذا الموضوع
-
أخي الفاضل،
من الواضح إن فيه حاجة مسجله على ذاكرة كنترول الموتور
لازم حضرتك حد يدخل على كنترول العربية ويشوف فيه إيه وحيعرف العيب فين وتتحل المشكلة في ثواني
الي الميكانيكي ده قالك عليه مالوش أي تأثير ولا حيفيدك وواضح ان اخونا الميكانيكي ده معلوماته على قده أوي وبيفتي يمكن تجيي معاه صح
عربية ساعتك مجهزة بحاجى اسمها Obd وعن طريق الموضوع ده بنقدر نعرف المشاكل والعيوب الموجودة في جميع الاجزاء الإلكترونية وبعض من الأجزاء الميكانيكية في العربية
وواضح إن العيب الموجود عن حضرتك عيب مكون إلكتروني مش مكون ميكانيكي واحتمال الاتنين برضو
شوف حضرتك ساكن فين وانا ممكن اسهل عليك الموضوع
-
بتهيألي لو العربية اتحطت على جهاز فحص الأعطال هايوضح العيب فين وممكن ببساطة تطلع الذاكرة عايزة يتعمل لها ريست
-
اشكر حضرتك على الرد والاهتمام
عموما انا ساكن فى العاشر من رمضان بعيد شوية
رايك اروح لمين بالظبط
-
في الحقيقة بعيد شويتين
لو تقدر تقابلني في الحرفيين أنا أبصلك عليها واحلهالك إن شاء الله
أنا بكون هناك يوم الخميس الي هو بكرة على الساعة 8 مساءً
-
وانا إن شاء الله هاكون هناك بكره إن شاء الله فى السلام جنب الحرفين وبأذن الله ممكن اقابلك هناك
ياريت تليفونك
وده تليفونى 0100046630
-
مفيش مشكلة
رقمي حبعتهولك على الخاص
اسامه موسى
-
انا مع الاخ الي بيقول اكشف عليها على الكمبيوتر حتلاقي العيب فين واعتقد ان العربية ماشية دلوقتي على نظام الطوارئ
-
ياريت تشرحلنا نظام الطوارئ ده! :k38:
-
الي اعرفة من مهندس الصيانة ان العربية لما تكتشف وتسجل خطأ معين يخص احتراق البنزين ..بتشتغل على نظام اميرجنسي بيكون حقن غير منتظم للبنزين وبالتالي اطراب في الموتور كلو على حسب كلام المهندس وترجع العربية طبيعية اول ما نمسح الخطأ
Content Relevant URLs by
vBSEO 3.6.0 PL2