صيانة ال 25 الف للسريون

**معاذ الشرباصى** · 20-03-2009 07:33 PM

المشاركة الأصلية كتبت بواسطة توفيق طة

مبروك للصيانة د/ معاذ .

أما التوكيل وأسعارقطع الغيـــــــار .

بدون تعليق

تحيـــــــــاتى

م/توفيق

عميد عائلة السريونية ... الف شكر لك

و مش عارف اقولك مكالمتك الصبح يوم الصيانة دى اسعدتنى ازاى ... ربنا يخليك ليا و ميحرمناش منك يا توفيق باشا, دايما صاحب احلى واجب

أما بخصوص صوت المياه, لما قلته لمهندس احمد عبدالوهاب فى الأول, قالى نكشف على سربنتينة السخن, و دى اعراضها ان يبقى في مياه بتنزل فى الدواسة, او خارج العربية حسب مكان السربنتينة, و العرضين دول مش عندى... مهندس احمد طلب منه يعمل لها اختبار ضغط, و لو فى حاجة غلط هتبان لأن لو محتاجة تغيير لابد من فك التابلوه بالكامل. هو المهندس فى الورشة الصراحة كان مصمم انه صوت عادى, و متواجد فى موديلات الدايهاتسو من سنة 99, وهو تشبيهه له كأنه "خرير ماء" و بيظهر لما العربية تبقى واقفة فترة مركونة, و كل اما تزيد الفترة دى, الوصت يبقى اوضح. الاأعراض دى فعلا عندى, لكن الصوت جديد, يعنى بقاله معايا بس 3 الاف كم, مكنش بيظهر قبل كده خالص!!

يا جماعة بخصوص صوت خرير الماء "الطبيعى" ده... محدش منكم سمعه عنده؟ و لا كل مواتيركم مش طبيعية

**mecho_392** · 20-03-2009 09:22 PM

شكرا ليك يا باشا و عقبال ال 10000000000 كم.. و حاول تدور على النت و تعرف الفلتر بيتغير امتى و سعره كام لو عرفت, لانه بجد غير طبيعى.

**rzeiny** · 21-03-2009 08:27 PM

مبارك على الصيانة يامعاذ وشكرا لدايهاتسو على استجابتها للعملاء
لكن بخصوص العوامة ايه علاقتها بالفلتر وليه لازم تغييرها عند 60 الف ، عربيتي القديمة تويوتا ترسيل عامل بيها 360 الف مغيرتش العوامة والفلتر الاصلي ب 35 جنيه
بخصوص صوت خرير الماء كنت لاحظته فترة في التويوتا وكان تفسير الميكانيكي انه تبخير من طلمبة البنزين وكان بيظهر الصبح بدري بس وانا بسخن العربية لكن بعد كده مبيظهرش

**rzeiny** · 21-03-2009 08:37 PM

خلونا نتفائل خير يمكن على ما نيجي لل60 الف يكون الحال تغير وحصل انتشار للعربية اكثر وانتشار لمحلات قطع الغيارونزول اسعار قطع الغيار لان كده بصراحة ........... ولا بلاش