الموضوع: حوار هادئ عن ماركة بروتون

المشاركة الأصلية كتبت بواسطة mohaktb

السلام عليكم
احب اقول انى عندى برسونا 2009 مانوال بقالها معايا حوالى 3 شهور العربيه تمام بس فيها شويه حاجات زى الدركسيون بيخبط عند اخر لفة والصاج ضعيف شويه يعنى كنت ماشى فى شارع ضيق وحصل احتكاك صغير مع سيارة وبعد ما مشيت بابص عليها لاقيتهاالصاج اتطبق وحاجة كمان انى حتى الان مااستلمتش الضمان بتاعها وبيقولوا انه لسه ماوصلش من ماليزيا ز وبس كفايه ع شان ماحدش يتعقد

اهلا بحضرتك

اولا بخصوص الخبطه...دا عشان بتكون نهاية لفة الدركسيون وبالتالى بيكون فيه صوت خبطه خفيفه ناتج عن تلامس حديتين كده...وعلاجه ان حضرتك بتحفظ حجم دوارن الدركسيون وبس..وانا باردوا هابقى اسال لحضرتك لو فى علاج للموضوع ده وانا فى التوكيل ان شاء الله.

الصاج ضعيف؟؟؟؟؟

بخصوص الصاج ...دا يعتبر من اقوى صاج عربيات ومزود بدعمات صلب لزيادة التحمل وحمايه الركاب


وبخصوص الضمان

تصدق وانا كمان لسه ماستلمتوش..انا هابقى اتاكد من الموضوع ده...وانا فى التوكيل ان شاء الله.

وياباشا لو فى اى مشكله عندك...حضرتك قولها عشان لو اى حد عنده معلومات يقدر يفيدك فى حلها..

تحيــــــــــــــــــاتــ ى

المشاركة الأصلية كتبت بواسطة yasserit

انتا كده أصبت تماماً في الموضوع ده عشان انا فعلاً كان عندي ماتركس 2008 و كانت لسه جديدة بس مش عايز أقولك فعلاً انها عربية تعبانة جداً و متستاهلش الإنتشار الكبير بتاعها في الشوارع والله بستغرب العربية دي ليه عليها أقبال كبير كده المهم انا لسه من كام يوم مغير العربية دي و بدلتها ب جين 2 2009 و مش عايز أقولك اد ايه حسيت بفرق رهيب بسم الله ما شاء الله يعني احسن بمراحل و كأنك راكي عربة بفئة أعلى منها بمراحل مع ان الجين 2 أرخص من الماتركس و انا على العموم مفيش حاجه اضيفها كتير بعد الكلام اللي حضراتكوا قولتوه عن العربية و عشان انا كمان لسه مكملتش اسبوع بيها بس إنطباعي الأول إنها مفيش ليها اي منافس في الفئة السعرية دي و كمان العربيات الكوري كلها وحشة جداً و عن تجربة لموديلات كتيرة منها فا بجد اي حد معاه العربية دي بقولوا ألف مبروك عليها و على حسن إختيارك ليها و إن شاء الله مش حتندم

مبــروك ياباشا عالجميله...وربنا يباركلك فيها يارب ويحفظهالك من كل شر

وعاوزينك بقى ياباشا تنضم لينا كمان فى نادى بروتون....ومستنين تقريرك عن الجميله...


مبــروك ياباشا

المشاركة الأصلية كتبت بواسطة Ayman_52

اهلا بحضرتك

اولا بخصوص الخبطه...دا عشان بتكون نهاية لفة الدركسيون وبالتالى بيكون فيه صوت خبطه خفيفه ناتج عن تلامس حديتين كده...وعلاجه ان حضرتك بتحفظ حجم دوارن الدركسيون وبس..وانا باردوا هابقى اسال لحضرتك لو فى علاج للموضوع ده وانا فى التوكيل ان شاء الله.

الصاج ضعيف؟؟؟؟؟

بخصوص الصاج ...دا يعتبر من اقوى صاج عربيات ومزود بدعمات صلب لزيادة التحمل وحمايه الركاب


وبخصوص الضمان

تصدق وانا كمان لسه ماستلمتوش..انا هابقى اتاكد من الموضوع ده...وانا فى التوكيل ان شاء الله.

وياباشا لو فى اى مشكله عندك...حضرتك قولها عشان لو اى حد عنده معلومات يقدر يفيدك فى حلها..

تحيــــــــــــــــــاتــ ى

10/10 يا مون و الله ينور عليك :k38:

هو فعلاً زي ما قال الاستاذ ايمن
الفكره كلها ان المقص بتاع البروتون و خصوصاً الجين 2 و البرسونا صغير و يمكن احنا اتكلمنا في النقطه دي قبل كدا و طبعاً دا راجع لزياده التحكم و الثبات في السرعات العاليه فأي عربيه حضرتك لو لفيت الدريكسيون بتاعها بسرعه بتوصل لنقطه و هي نهايه المقص فمعني سرعه اللف و الوصول الي نهايه المقص بتحصل الرزعه دي و ياريت حضرتك تتجنب لف الدريكسيون بالسرعه دي و تحاول تحفظ مدي الدريكسيون اد ايه

بالنسبة للصاج طبعاً العربية تتميز بأن الصاج بتاعها من اقوي و امتن الصاج الي موجود في العربيات الحديثه ............

المشاركة الأصلية كتبت بواسطة yasserit

انتا كده أصبت تماماً في الموضوع ده عشان انا فعلاً كان عندي ماتركس 2008 و كانت لسه جديدة بس مش عايز أقولك فعلاً انها عربية تعبانة جداً و متستاهلش الإنتشار الكبير بتاعها في الشوارع والله بستغرب العربية دي ليه عليها أقبال كبير كده المهم انا لسه من كام يوم مغير العربية دي و بدلتها ب جين 2 2009 و مش عايز أقولك اد ايه حسيت بفرق رهيب بسم الله ما شاء الله يعني احسن بمراحل و كأنك راكي عربة بفئة أعلى منها بمراحل مع ان الجين 2 أرخص من الماتركس و انا على العموم مفيش حاجه اضيفها كتير بعد الكلام اللي حضراتكوا قولتوه عن العربية و عشان انا كمان لسه مكملتش اسبوع بيها بس إنطباعي الأول إنها مفيش ليها اي منافس في الفئة السعرية دي و كمان العربيات الكوري كلها وحشة جداً و عن تجربة لموديلات كتيرة منها فا بجد اي حد معاه العربية دي بقولوا ألف مبروك عليها و على حسن إختيارك ليها و إن شاء الله مش حتندم

الف مبرووووووووووووك جين2 الجميلة ربنا يديك خيرها ويكفيك شرها وتفضل مبسوط منها :k38:
ربنا يوفق

المشاركة الأصلية كتبت بواسطة dramado

انا بصراحه ما شوفتش منتدى بيناقش مشاكل عربية معينة بموضوعية شديده اكتر من المنتدى المحترم ده بصفه عامه انا معايا العربية دي من سنة و نص تقريبا وبستفيد من المنتدى ده بشكل كبير ومن معلومات اعضائه امثال حضرتك يا استاذ توت وعلى فكره انا عندي مواقف مع العربية دي يبين انها اصيلة وبتتحمل اسوأ المواقف و بجد و بدون تحيز دي من احسن العربيات في فئتها ده ان ماكنتش الاحسن

طبعاً يا باشا رايك دا شهاده كبيره اوي معانا في المنتدي و اكيد مهمه

ياريت بس حضرتك توضحلنا تجربتك مع العربية علي اساس نوضح الصوره كامله عن العربيه دي من كذا وجه نظر
ولك جزيل الشكر

الأخ العزيز توت تحية طيبة ليك و لكل ملاك بوتون و عشاق بروتون
كل ما ذكرته كان من أهم أسباب عدم مشاركتى فى المنتديات لفترة طويلة خصوصا إذا أردت أن تناقش مشكلة ظهرت عندك و عاوز حل ليها تلاقى ألف مين يقطمك و ما تلاقيش حد يقولك تعمل إيه .
نسيت أذكر إنى تقريبا من قدامى ملاك بروتون فى المنتدى و معايا واجا أتوماتيك 2006 إستاندرد و العربية دلوقتى عاملة 40 ألف كم و زى الفل معايا و أنا معجب بيها جدا و كل ما أفكر أغير أرجع فى كلامى لأنى لم أعثر على سيارة فى نفس الفئة بنفس الكماليات و المواصفات بالسعر ده قد تكون بعض المشاكل القليلة قد واجهتنى فى السيارة و لكنها مشاكل طبيعية و تحدث فى كثير من الماركات الأخرى و لكن بروتون ما زالت تنفرد بأنها أفضل سيارة فى فئتها مقارنة بسعرها و جودتها بلا جدال و بالنسبة للجين 2 فهى مع أخى منذ سنتين موديل 2007 أتوماتيك و معها الكماليات الرياضية و أيضا إستمتعت كثيرا بقيادتها و السفر بيها و مش هقول المزايا الكثييييييييير اللى أنا شايفها فى بروتون و لكن أنوه هنا إلى أن قطع الغيار لم تعد نادرة و إنه توجد فى الحرفيين محلات عديدة بتقطع واجا و ويرا و جين 2 يعنى أى حاجة ممكن تلاقيها و أوريجينال بأسعار ممتازة و ربنا يبارك لكل ملاك بروتون فى عربياتهم و خلى اللى بينقض ينقض إحنا فى مصر و ده طبيعى أى حد بيفتى فى أى حاجة و بيقول أى حاجة و ربنا هو المعين

م/ابو عبد الرجمن...منور والله...فينك ياباشا من زمان ..دا حضرتك من مؤسسى بروتون..وميمو الحفناوى...وناس كتيره اوى كنت بشوفهم بالأكونت بتاعى القديم....

وزى ماحضرتك بتقول فعلا اللى بيحصل ده بيخلى اعضاء محترمين يزهقوا ويمتنعوا عن المشاركه...وكله عشان ناس مش عارف جايه منين..واسلوب حوارهم اللى منزوع منه كل اداب الحوار.


مستنين تعليقات حضرتك تنور من تانى...بجد عاوزين نستفاد من خبرة حضرتك.


تحيـــــــــــــاتـــى ..للبروتونى الأصيــل