إيه هو الفيلم المصري الحديث اللي فيه عربية مساجين لها لقطة متوقفة وسط الزحام ؟؟؟؟؟؟؟!
انا معرفش ! بس مستني أعرف منكم لأني محتاج اللقطة دي بصراحة في مشروع التخرج .
لو حد شاف فيلم فيه لقطة كدة يقولي وحياة عربياتكم (حلفتكم بالغاليين) .
عرض للطباعة
إيه هو الفيلم المصري الحديث اللي فيه عربية مساجين لها لقطة متوقفة وسط الزحام ؟؟؟؟؟؟؟!
انا معرفش ! بس مستني أعرف منكم لأني محتاج اللقطة دي بصراحة في مشروع التخرج .
لو حد شاف فيلم فيه لقطة كدة يقولي وحياة عربياتكم (حلفتكم بالغاليين) .
فيلم ابو علي بتاع كريم عبد العزيز ... كان العربية اللي مترحلين فيها في زحام ماتش الاهلي والاسماعيلي
تصدق و الله يا أستاذ أحمد إنت عالمي .. انا مش فاكر اللقطة بالضبط بس هجيب الفيلم و يا رب تكون تنفع .. متشكر ليك بتاع 4 او 17 مليون مرة.
لو افتكرت افلام تانية برضه انا معاك .
مين يفتكر فيلم كمان ؟
يا ريت عربية مساجين اللي هي الزرقة الكبيرة دي يا جماعة
http://3.bp.blogspot.com/_dGZWtofiXP...icture+003.jpg
بس مش عربيات نقل المساجين شبهها أو هي هي ؟
الف شكر يا حج أحمد
هو فيه مشكلة بسيطة إن انا محتاج الفيلم يكون حديث عشان اما أركب عليه اللي انا هصوره ميبانش فرق كبير في ال Quality بتاع التصوير عشان إنت عارف أفلام زمان تحس صورتها متربة كدة .
اسمه الهروب يا حاج أحمد بك
يا محمود فرق الكواليتي هيبان هيبان طبعاً مع القديم أكتر بكتير ..
عايز الحل من وجهة نظري .. تروح عند مديرية أمن القاهرة الساعة 1 إلى الساعة 3 هتصور كل اللي نفسك فيه ..
عربيات الترحيلات بتيجي من السجون لحد المديرية علشان تتحاكم في محكمة جنوب القاهرة ..
والظهر المنطقة أساساً زحمة جداً وهتصور اللي انت عايزة بنفس كواليتي البروجكت بالضبط ..
واللجنة هتصدق الصورة وهتقدر المجهود أكتر من تقطيع اللقطات من القديم خصوصاً من لقطات مشهورة ومعروفة في أفلام كلنا شفناها ..
نصيحة من عضو لجان تقييم مشروعات تخرج كتير زي ما انت عارف يا باشا
وربنا يوفقك ..
ممكن يتقبض عليه هناك:stink[1]:
او ممكن حد من الناس تهرب فعلا ويسألوا يعرفوا ان كان فيه حد بيصور علشان يرتب خطه الهرب:36_9_4:
الصراحه هو ده احسن حل:U_thin1[1]: انا كنت بهزر لان فعلا فرق التصوير هيبان
انا عن نفسى بتخنق جدا لما احس ان فيه لقطه فى الفيلم متاخده من فيلم تانى
بس البس تقيل علشان الدنيا بتبقى برد هناك بالليل
وربنا يوفقك
متشكر جداَ لإضافتك يا دكتور !
طب بس مش هو فعلاَ يحصل مشكلة هناك بسبب التصوير ؟
دنا كنت بروح أصور حاجات للعاشرة مساء .. و بيبقي معايا تصريح و كانوا بيرخموا علينا أخر رخامة .. أمال المرة دي و انا رايحلهم بصفتي طالب كدة !؟
مش لازم تروح عش الدبابير ... اقصد مديرية الامن
ممكن تروح اي محكمة
محكمة مصر الجديدة
محكمة الاستئناف
محكمة مدينة نصر
الجلاء
العباسية
واكيد كل يوم ح تلاقي عربية الترحيلات الكئيبة دي جايبة ناس عمالة تهتف وتشتم وانت عارف بقى ...
وح تلاقي الاهالي عمالين يجرو حول العربية عشان مجرد يشوفو قرايبهم او يكلموهم
حاجة تقطع القلب
اذا كان بالغاليين فماشىاقتباس:
عربياتكم (حلفتكم بالغاليين)
شوف الصورة فى اللينك دة
http://img141.imageshack.us/img141/3605/image018pr5.jpg
وممكن تشوف فى فيلم حين ميسرة لما دخلوا عليهم فى اخر الفيلم علشان يهدموا المكان ويطلعوا الارهاب بس المشكلة انها كانت بالليل والحتة فاضية ياريت اقدر اساعدك زى ماساعدتنى
في فيلم عودة الندلة و فيلم الجزيرة اخر لقطة و فيلم واحد من الناس
اسمه البريء يا استاذ احمد:M_yes[1]:
انا كمان يا محمود كنت فايته قلك علي لقطة كريم عبد العزيز و مني زكي في فيلم ابو علي
بس المشكله العربيه كانت بوكس مش عربيه نقل مساجين عشان كده ترددت:U_thin1[1]:
شوف فعلا فيلم الجزيرة في اخر مشهد يمكن تلاقي
و ربنا يوفقك يارب و تتخرج بامتياز مع مرتبة الشرف كمان
بص على رسائل الخاص بتاعتك
هههههههه هو الفيلم اسمه ايه بالظبط !!
(البريء) هو الصح ..
عموما يا محمود شوف فيلم صايع بحر لما احمد قفز على عربية ترحيل الاعدام من الشباك بتاع القسم :) :)
ال يعنى عربية ترحيل الاعدام فيها فتحة سقف ..:)
البرئ مش هو الصح .. البرئ كان أحمد زكي فيه اسمه
أحمد سبع الليل الفولي .. بطولة محمود عبد العزيز وصلاح قابيل وجميل راتب وممدوح عبد العليم وإخراج عاطف الطيب وإنتاج 84 على ما أذكر
أما الهروب فكان اسمه منتصر وهو ده الفيلم المقصود ، وبطولة هالة صدقي وعبد العزيز مخيون ومحمد وفيق وأبو بكر عزت وحسن حسني ، وغخراج عاطف الطيب برضه لكن عام 93 .
تقبلوا خالص مودتي
يا محمود انت مش مضطر تصور في حرم المديرية .. لأني حسب ما فهمت انت عايز صورة للعربية وسط الزحام .. تمام ..
الحل تطلع فوق أي عمارة مجاورة أو فوق كوبري الأزهر أعلى تقاطع شارع بور سعيد أو فوق أي عمارة في باب الخلق .. وتشتغل .. وقتها ولا حد هايرخم ولا دياولو ..
وبرضه ممكن تعمل زي ما قال أخويا الكبير أحمد إبراهيم ، وتصور عند محكمة شمال القاهرة في العباسية الصبح ودي حواليها مباني وكباري كتير تقدر تقف فوقها وتصور براحتك ..
وربنا يوفقك
عاااااش رجالة نايل موتورز و الله
السؤال الثاني (أجنبي)
أذكر فيلم أجنبي فيه كائن فضائي يتحدث وجهاَ لوجه مع الكاميرا .. بحيث لما يتركب عليه صوت يبقي باين أكنه بيقول خطبة .
ملحوظة ( غير mars attack )
محكمة الجيزة الابتدائية اسهل كتير
قدمها على الناحية الاخرى من الشارع قهوة
اقعد عليها واطلب فيروز تفاح وصور براحتك
men in black I
men in black II
men in black III
دورفيهم على لقطة مناسبة
المشهد الأخير من فيلم الحب فوق هضبة الهرم.
و بعدين يا كابتن...تعبتنا معاك ....لما كل المشاهد هتاخدها من أفلام و تضربها ...امال فين المشروع سعادتك؟؟....لأ و كمان مش أنت اللى بتدور لأ بتستعين بالناس الافاضل عشان يساعدوك...
حقيقى مستوى التعليم فى النازل:N_no[1]:
معلش ما كلمتكش بقالى مدة...أو بمعنى ادق انت اللى ما كلمتنيش.. فقلت اسخف عليك...:M_yes[1]:
لو لسه عايز صور عربية الترحيلات قولى....انا بعدى عليهم كتير...و لينا ناس حبابينا كتير رد سجون ممكن نصورك العربية من جوة كمان:3mla:
عاااااااااااااااش شعب نايل موتورز عمره ما يخلف الظن أبداَ .
السؤال الثالث :
أذكر قريب أو صديق لك يعمل بالإستاد لأن عايز أصور جواه بصراحة .