لخبراء السينما فقط

**MoToRiZeR** · 18-03-2009 07:10 PM

إيه هو الفيلم المصري الحديث اللي فيه عربية مساجين لها لقطة متوقفة وسط الزحام ؟؟؟؟؟؟؟!

انا معرفش ! بس مستني أعرف منكم لأني محتاج اللقطة دي بصراحة في مشروع التخرج .

لو حد شاف فيلم فيه لقطة كدة يقولي وحياة عربياتكم (حلفتكم بالغاليين) .

**aif** · 18-03-2009 07:22 PM

فيلم ابو علي بتاع كريم عبد العزيز ... كان العربية اللي مترحلين فيها في زحام ماتش الاهلي والاسماعيلي

**SeiffoZ** · 18-03-2009 07:41 PM

المشاركة الأصلية كتبت بواسطة MoToRiZeR

تصدق و الله يا أستاذ أحمد إنت عالمي .. انا مش فاكر اللقطة بالضبط بس هجيب الفيلم و يا رب تكون تنفع .. متشكر ليك بتاع 4 او 17 مليون مرة.

لو افتكرت افلام تانية برضه انا معاك .

مين يفتكر فيلم كمان ؟

يا ريت عربية مساجين اللي هي الزرقة الكبيرة دي يا جماعة

بس يا محمود دى عربية نقل جند مش عربية نقل مساجين ... و عشان كمان عربية مساجين عمرها ما تكون مفتوحة
العربية دى لو دققت عليها هتلاقى مكتوب عليها مصنع حربى - عربة نقل جند ..
و غالبا بتنقل حرس السفارات .

**MoToRiZeR** · 18-03-2009 07:43 PM

بس مش عربيات نقل المساجين شبهها أو هي هي ؟

**SeiffoZ** · 18-03-2009 07:49 PM

المشاركة الأصلية كتبت بواسطة MoToRiZeR

بس مش عربيات نقل المساجين شبهها أو هي هي ؟

و الله مش هقدر أفتى فى الموضوع ده لأنى عمرى ما شفت نقل مساجين كبيرة كدة بتمر من وسط البلد ..

**aif** · 18-03-2009 08:09 PM

المشاركة الأصلية كتبت بواسطة MoToRiZeR

تصدق و الله يا أستاذ أحمد إنت عالمي .. انا مش فاكر اللقطة بالضبط بس هجيب الفيلم و يا رب تكون تنفع .. متشكر ليك بتاع 4 او 17 مليون مرة.

لو افتكرت افلام تانية برضه انا معاك .

مين يفتكر فيلم كمان ؟

اي خدمة يا باشا ... وممكن كمان تشوف في فيلم حب في الزنزانة ..... بس مش متأكد ....
افتكر كان فيه كام مرة عادل امام اترحل بعربية السجن
وكمان فيلم احمد زكي لما كان صعيدي اسمة منتصر ... اعتقد اسمة المطارد

**د.أحمد سمير** · 18-03-2009 08:45 PM

المشاركة الأصلية كتبت بواسطة aif

وكمان فيلم احمد زكي لما كان صعيدي اسمة منتصر ... اعتقد اسمة المطارد

اسمه الهروب يا حاج أحمد بك

المشاركة الأصلية كتبت بواسطة MoToRiZeR

الف شكر يا حج أحمد
هو فيه مشكلة بسيطة إن انا محتاج الفيلم يكون حديث عشان اما أركب عليه اللي انا هصوره ميبانش فرق كبير في ال Quality بتاع التصوير عشان إنت عارف أفلام زمان تحس صورتها متربة كدة .

يا محمود فرق الكواليتي هيبان هيبان طبعاً مع القديم أكتر بكتير ..
عايز الحل من وجهة نظري .. تروح عند مديرية أمن القاهرة الساعة 1 إلى الساعة 3 هتصور كل اللي نفسك فيه ..
عربيات الترحيلات بتيجي من السجون لحد المديرية علشان تتحاكم في محكمة جنوب القاهرة ..
والظهر المنطقة أساساً زحمة جداً وهتصور اللي انت عايزة بنفس كواليتي البروجكت بالضبط ..
واللجنة هتصدق الصورة وهتقدر المجهود أكتر من تقطيع اللقطات من القديم خصوصاً من لقطات مشهورة ومعروفة في أفلام كلنا شفناها ..
نصيحة من عضو لجان تقييم مشروعات تخرج كتير زي ما انت عارف يا باشا
وربنا يوفقك ..

**wesam_salom** · 18-03-2009 08:51 PM

المشاركة الأصلية كتبت بواسطة د.أحمد سمير

عايز الحل من وجهة نظري .. تروح عند مديرية أمن القاهرة الساعة 1 إلى الساعة 3 هتصور كل اللي نفسك فيه ..
عربيات الترحيلات بتيجي من السجون لحد المديرية علشان تتحاكم في محكمة جنوب القاهرة ..
والظهر المنطقة أساساً زحمة جداً وهتصور اللي انت عايزة بنفس كواليتي البروجكت بالضبط ..

وربنا يوفقك ..

ممكن يتقبض عليه هناك

او ممكن حد من الناس تهرب فعلا ويسألوا يعرفوا ان كان فيه حد بيصور علشان يرتب خطه الهرب

الصراحه هو ده احسن حل

انا كنت بهزر لان فعلا فرق التصوير هيبان

انا عن نفسى بتخنق جدا لما احس ان فيه لقطه فى الفيلم متاخده من فيلم تانى

بس البس تقيل علشان الدنيا بتبقى برد هناك بالليل

وربنا يوفقك

-

-

الموضوع: لخبراء السينما فقط

LinkBack

أدوات الموضوع

عرض

لخبراء السينما فقط - انشر الموضوع فى :

-

-

-

-

-

-

-

المواضيع المتشابهه

من اعجب مشاهد السينما المصرية ...!!!

اشهر مطاردة سيارات فى تاريخ السينما

حد هنا شغال فى شركة مصر للصوت و الضوء و السينما

صالات السينما في المنازل

هذا الموضوع مخصص لتقييم افلام السينما

الكلمات الدلالية لهذا الموضوع

المفضلات

المفضلات

ضوابط المشاركة