بسمع صوت عند القايم اليمين

**amrehab** · 19-03-2009 01:15 AM

صوت تزييق رزل كدا اوى عند الفبرة بتاعت القايم اليمن عند الحزام كدا..
بجد صوت مدايقنى ومش عارف اعمل ايه
حد عندو اى معلومات او مر بالموضوع دا قبل كدا....

**Emadsamy** · 19-03-2009 09:19 AM

أولا يا صديقى أيه نوع عربيتك و الموديل؟
ثانيا إكشف على الفبره ممكن تكون مش متثبته كويس و ده السبب نتيجه المطبات.

**amrehab** · 19-03-2009 12:09 PM

انا عربيتى صنى 2008 بس الفبرة متركبة كويس عندى يعنى مش بتتهز كدا معايا لما اجى احركها ولا حاجة

**Emadsamy** · 19-03-2009 03:50 PM

فى مشاركه فى المنتدى لأحد الأصدقاء حاولت أجيبهالك لكن فشلت كانت عن مشكله فى لحامات القوايم .خليهم فى التوكيل يبصوا عليها و بإذن الله بسيطه و إبقى طمننا

**amrsabet** · 19-03-2009 07:57 PM

حضرتك انت بتحس بطقة عند الدوس على الفرامل ثم البنزين فجأة يعنى لما تكون العربية ثابتة وتجرى بيها مرة واحدة لو الصوت مرتبط بالحركة دى يبقى ده لحام القايم اليمين عايز يتراجع علية روح اقرب مركز صيانة ليك وقولهم يشيلوا فرش الباب اليمين والكرسى اليمين والفبرة اللى جنب الحزام وخلى مهندس الصيانة يطلع يجرب معاك لو سمعت نفس الصوت يبقى زى ماقولتلك المشكلة ان ممكن يكون لحام القايم وهو عبارة عن 8 بنط لحام ممكن تكون واحدة او اتنين منهم بجودة اقل من الباقى عشان كدة ممكن تعمل الصوت ده
عمتا متقلقش مفيش حاجة فى النيسان مالهاش حل اى حاجة ممكن تتعمل فى مركز الصيانة ولو فشلوا العربية بتروح المصنع
واى استفسار ان تحت امرك

**SaNisSro** · 20-03-2009 03:22 AM

انت لوركبت جهاز انذار ومشيت السلك في الفيبرة؟

**aboezz44** · 23-03-2009 12:18 PM

عليك وعلى التوكيل وخلى المهندس يجرب العربيه معاك
وبعد ما يقر انهم صلحوها اركب وجربها تانى معاه
وربنا يوفقك للى فيه الخير
وطمناعليك
وانا ارشحلك السبع زهراء المعادى 0100050700

**khaleel** · 29-03-2009 03:52 AM

ياريت تتطمنا عملت ايه

**sheeko00** · 30-03-2009 07:03 PM

فالغالب العيب من الكرسى اللى جنبك وانا بصراحة بستبعد موضوع القايم دة لانو لحام الى وكمان اهو معمول فاليابان مش مصر

**amrehab** · 30-03-2009 08:31 PM

انا روحت التوكيل وسالت قالى المشكلة مشكلة الفيبرة اللى موجودة عشان هيا بلاستك واحنا بنعملها حاجة كدا تزنوقها جامد بس نتيجتها مش مضمونة 100 100 يعنى ممكن الصوت يرجع تانى بس هاسيبها كدا شوية لان بصراحة انا بتللكك على الصوت مش مدياقنى اوى يعنى بس هوا المهندس مجبليش سيرة عن لحمات القوايم