الموضوع: اوبل كورسا 1200 Cc جميع الكماليات مو 1994

شوفتها بس مش عارف بيانتها

انا عارف ان كذا واحد هيطلع يقوللي بتبخس وبتعمل وحرام وانت مبتفهمش وكلام زي ده
عشان كده انا هاحلفلك
اقسم بالله ياأخي ان في عربيه بتاعة صاحب صاحبي 94 و1200 زي بتاعتك بالظبط وبرضو حالتها كويسه جدا ومغير لها الاكصدامات ببتوع 99 ولونها احمر اتباعت من كام يوم بـ27

ممكن بس كل عربية ولها حالة مختلفة في ال 26000 وفي ال 36000

كلامك صحيح يااحمد

انا هاقولك حاجة..
العربية دي سعرها الطبيعي من كام شهر قبل السوق ما يقع كده.. كان المكيف منها في حدود 42 الف جنيه.. و الكلام ده بدون مبالغة..
ودلوقتي باي حال و انا باتكلم علي العربية النضيفة جدا مفيهاش غلطة.. سعرها لا يقل باي حال من الاحوال عن 35 الف جنيه.. بل و يزيد عن كده كمان..
كون ان صاحب صاحبك باعها بالسعر ده.. سوري يعني كده في حاجة غلط.. و هاقولك ليه..
يا اما عربيته فيها حاجة غلط هو عارفها.. و عشان كده وافق بالسعر ده.. يا اما هو مزنوق في فلوس ضروري.. و اللي بيشتري ضغط عليه.. يا اما الحل التالت بقي.. انه هو ميكونش عارف قيمة العربية دي.. و حد اقنعه ان ده سعرها الطبيعي ف السوق.... السعر ده سعر تجار.. و اللي هياخدها بالسعر ده هيبيعها ب 31-33 الف ولا حاجة و يكسب فيها..

معلش انا الكلام كتير شوية بس انا رديت بحكم ان معايا العربية.. و متابع حركتها و سعرها ف السوق.. و في فرق كبير بين حد بيبيع عربية و خلاص وحد بيشتري عربية و خلاص.. و بين حد بيبيع او يشتري عربية عارف قيمتها.. و مش بيفرط فيها باقل من قيمتها..

بص يا احمد بيه
انا مش هطول في الكلام وافضل اقولك اننا بنفهم في العربيات ولا هقولك اننا في السوق دايما ولاهقولك ان العربيه دي كانت تحفه
انا بس هقولك ممكن تنزل بعربيتك السوق او تنزل مع وسام بعربيته وشوفوا انتوا ممكن تبيعوا على كام

ممكن بس كل عربية ولها حالة مختلفة في ال 26000 وفي ال 36000

طبعا انا معاك ان الحاله بتفرق بس المتوسط بين 26000 و 36000 هو
31000
هل معقول ان عربيه بـ31000 سعرها يتحرك 5000 فوق و 5000 تحت
كتير اوي
الـ10000 دول ممكن يكونوا رينج سوق طبيعي لو بنتكلم عن عربيه فوق الـ100000
انما عربيه يادوب 30000 نقول ان سعرها بيتحرك في مدى 10000

انا اتكلمت في الموضوع بعد ماأقسمتلك بالله ان العربيه حاله نضيفه جدا وقريبه من عربيتك ان ماكانتش احسن