محتاج نصائح منكم الله يخليكم بخصوص كليو 2004

**nodey** · 19-03-2009 04:33 PM

السلام عليكم
مش هطول عليكم انامصري مقيم بالسعودية من فترة قصيرة اشتريت رينو كليو1400cc كلاسيك 2004اتوماتيك
واكتشفت ان المنطقه اللي انا فيها لايوجد بها محل قطع غيار واحد وكل القطع في المدن الكبيرة وتحتاج شحن وخلافه واسعارها خياليه
فممكن تعطوني مجموعة نصائح لاستخدام السيارة وهي ماشاء الله تمام بس موؤشر الحرارة بعد خمس دقائق يصل للنصف هل ده عادي وكمان مليت الاربه بتاع الميه لحد الماكسمم وحاسس اني فيه تهريب مايه بس بسيط
الله يخليكم انا حاسس اني اتورطت بس السيارة ماشاء الله تشجع علي القيادة
ولو ممكن اماكن محلات قطع الغيار في المنصورة وتنصحوني اما ارجع في الاجازة ان شاء الله اخود ايه من قطع الغيار اللي دايما يتتغير وهبل اخذها اصلي ام عادي
ومن يومين واحد طير لي الفانوس الخلفي اليمين واللمبات اتكسرت خالص ممكن اعرف كم سعره وهل هذه السايرات الرينو ممكن نجد قطع غيار في محلات عادية وله الازم التوكيل
شكرا لكم وارجو التفاعل معي اخوكم مصري كقيم بالسعودية

**عمرو عمارة** · 19-03-2009 05:04 PM

بعها يا باشا وريح نفسك وإشتري عربية تتوافر قطع غيرها بالمدينة الي حضرتك فيها وأعتقد السعودية فيها خيارات كثيرة

مش هاقدر أقولك كل قطع الغيار الي ممكن تاخدها معاك من هنا.....بس على سبيل المثال دي بعض أسعار قطع الغيار:

1- سير كاتينة + شداد ( الاصلى ) 470 جم...لازم يتغير كل 60,000 كم
2- طلمبة مياه اصلية 350 جم ( انا عارف ان الاصلى بـ550 جم بس هى هى نفس الي موجودة فى الاصلى بس تغليف مختلف من نفس الشركة الام الي بتصنع للاثنين ومش موجودة غير عند ميشيل حليم )...نصيحة غيرها مع سير الكاتينة
3- شداد رئيسى ( الاصلى ) 580 جم.....نصيحة غيره كل 120,000 كم
4- شداد التكيف والباور ( الاصلى ) 225 جم....برده نصيحة غيره كل 60,000 كم
5- طقم سيور ( الدينمو + التكيف والباور ) 95 جم ...لازم يتغيره مع سير الكاتينة
6- طقم دبرياج Valeo الاصلى...725 جم
7- طنابير ايطالى 325 جم ( جميلة جدا )
8- تيل اسبانى 125 جم ( انسى التصفير والاكلان فى الطنبورة )
9- بلية خلفية SNR فرنساوى 175 جم
10-بارات الدركسيون الخارجى اسبانى 250 جم
11-بارات الدركسيون الداخلى اسبانى 300 جم
12-بيض بارات الدركسيون اسبانى 180 جم
13-بيض المقصات اسبانى 100 جم
14-كوتش مسمار الميزان ( الاصلى ) 100 جم

سعر الفانوس الخلفي التركي بـ270 جم

كل القطع دي أنا جبتها من خارج التوكيل

راجع اللينك بتاع محلات بيع قطع غيار الرينو
http://www.nilemotors.net/Nile/showthread.php?t=5310

**nodey** · 19-03-2009 05:29 PM

شكرا لك يا استاذ عمرو
دانتي رعبتني والله من الامور اللي عرضتها عن قطع الغيار يعني الواحد ممكن يتخرب بيته لو عنده عربيه يتأخذ كل الفلوس دي دي حاجة تجنن
عموما اكرر شكري لك واحب ان اجزم لك ان كنت وجدت افضل منها كنت اخذتها معظم الموجود في المنطقه هنا كلورلات من سنة 80 وطالع ومتهالكه جدا السعوديين ما يركبوش عربيه الا ويجيبوا قاعها
عمو الله يعين انا لسه شاريها من فترة بيه يعني ابيع تاني واتبهدل الله لا يجعها تعطل ادعي معي
شكرا لك

**Mohd_Adel_Amin** · 19-03-2009 06:37 PM

حضرتك ممكن تتصل بالوكيل عندك وتستوضح منه اقرب منفذ لقطع الغيار المعتمدة من مكانك فين , وفي هنا اكثر من عضو موجود او كان موجود في السعودية ممكن يفيدك في موضوع قطع الغيار .

**nodey** · 20-03-2009 04:52 PM

شكرا لكم اخواني لكن لي رجاء ارجو ان تتواصلوا معي حيث انني اتضح لي ان ادبست فيها من حيث الامور التي اوضحتها سابقا
ومن ضمن الامور حدث معي ان مفتاح رفع الزجاج الامامي الايمن علق وبشيك علي الفيوزات والسيارة طافيه وشلت واحد وجيت اشغل لم يعمل الكاسيت والساعة جابيه اصفار ومكان معلومات الكاسيت من فوق جابيه اصفار هي كمان وحاسس انه يحتاج كود اور رقم لكي يعمل تاني
فالي عنده فكره ياريت يدلني
وفي حاجه كمان بأسال عن كيفية عمل reset للسيارة لاني من يومين ماش عادي
وبعد دققتين تظهر علامة زي بتاع البوري وفيها شرطة صغيرة كدا مش عارف ايه هي
طلب اخير الله يخليكم ممكن لو في كتالوج لليسارة حد يرفعه لي واكون شاكر عربي او انجليزي
ولكم جزيل الشكر