الماروتى وحالتها فى السفر ؟؟؟

**aymanay32** · 08-03-2010 09:35 PM

انا سافرت بيها طنطا و رجعت الهرم و كان معايا اربعة غيرى واحد من مايو و اثنين من الفيوم و واحد من اسيوط زمايل فى الشغل
الطريف فى الامر ان الاثنين اسمهم محمد محسن
و نزلت اثنين فى الادارة فى المظلات و اثنين فى الرماية
و كانت الشبكة مليانه شنط كثيرة ما يقارب دورين و كنت بمشى بسرعة و وصلت فى حدود ساعة و نصف
و اغلب الطريق كنت ماشى بسرعة

فى النهاية الماروتى ملائمة للسفر
و ممكن تسافر بيها بس تكون مظبوطة كويس و مفيهاش عيوب او مشاكل فى اى حاجة فيها
و ربنا يستر طريقكم يا ماروتية

**mahmoud_magdy** · 08-03-2010 09:51 PM

المشاركة الأصلية كتبت بواسطة meemo

انا اشتريت ماروتي زيرو 2009 في شهر 8 اللي فات استلمت يوم الاتنين رخصت الاربعاء وسفرت بيها نفس اليوم بالليل علي فكرة كان اول مرة اركب عربية اه والله العظيم اول مرة اسوق عربية انا بعرف اسوق والحمد لله بس مكنتش سوقت عربية قبل كده ولا للمسافات ديه وسافرت بيها من القاهرة راس البر انا والعائلة طبعا خدت كام مطب عجب والدنيا طلمة في طريقة المنصورة وفي طريق دمياط وقلت ان العربية خلاص مش هتوصل بس الحمد لله وصلت هي المشكة في الشنطة مشكلة المشاكل في سؤال ممكن اركب اي حاجة علي سقف العربية علشان لو سافرت وهل هيبقي له تاثر وتاني حاجة بجد بفكر الصيف الجاي اسفر بيها مرسي مطروح بس خايف ينفع؟؟؟؟؟؟؟؟؟؟

ممكن يركبلها شبكه فوق السقف عادي جدااا
بس المهم تعرف اكتر وزن بيتحط على الشبكه اد ايه ....دا اولا
ثانيا سافر بيها مطروح متخافش ان شاء الله هتروح وهترجع بالسلامه
واحد صاحبي عملها قبل كدا

المشاركة الأصلية كتبت بواسطة sok

هل ممكن اركب للماروتي تربو؟

وممكن يركبلها جناحات وتطير
ومروحه عند الشكمان كدا وتعوم
والحاجات بتاعت الصاروخ وتبقى صاروخ
الماروتي يركبلها اي حاجه (بهزر معاك

)

**Mody_Benz** · 15-03-2010 02:26 AM

عربية حلوة وعملية جدا وتستحمل جداااااااااااا

**MEDO84EG** · 16-05-2010 04:13 PM

بجد عربيه محترمه و لا ننسي السعر كل الموضوع نسبه و تناسب

**mrghost** · 27-05-2012 07:37 PM

بص ياباشا
اولا بالنسبه للثبات لو فى هوا جامد او معدى جنب مقطورة ولا حاجه هتلاقى العربيه بتترحل من مكانها لوحدها
ثانيا المساعدين مشوارها قصير فلما تاخد بيها مطب ةانت على سرعه هتلاقى خبطه المساعد فى البطاحه وده هيبوظ المساعدين بسرعه (وطبعا فى السفر فى مطبات هوا كتير)
ثالثا السرعه المتوسطه للعربيه علشان متحملش ع الموتور نقول مثلا 80 كم/س يعنى بالنسبه لينا بطيئه
بص انا ساعات بسافر بيها جمصه(حوالى 185 كيلو) بس مش ببقى مرتاح بيها زى اى عربيه تانيه انما هى تسافر مش هتقول لا بس هتتأثر بالعوامل اللى قولتلك عليها دى عن تجربه

**maruti** · 27-05-2012 11:07 PM

بص يا باشا
انا سافرت دمياط 280 كم على سرعة 120 تقريبا
تاني يوم رجعت القاهرة 280 كم على سرعة 120 تقريبا
تاني يوم سافرت العين السخنة ورجعت في نفس اليوم حوالي 250 كم على سرعة 130 و 140 و 150 اخر العداد
وشوية مشاوير جوا البلد وقفلت الباكو في 4 ايام تقريبا

مرا تانية روحت من المهندسين للقاطمية
ومن القاطمية للمهندسين
من المهندسين ل 6 اكتوبر
من 6 اكتوبر للمهندسين
من المهندسين لمدينة نصر
من مدينة نصر للمهندسن تاني
وطبعا كل مكان كنت بروحو بعمل شوية مشاوير
كل دا في يوم واحد

**bondok20002002** · 29-05-2012 07:49 PM

يا جماعة إدعولى أنا حنطلق بالماروتى يوم الخميس بعد الفجر مباشرةً إدعولى أوصل الساحل الشمالى بالسلامة
بس أنا واثق فى إمكانيات السواق إلى هو أنا طبعاً ومش حقلل من إمكانيات العربية وربنا يوفق

**bondok20002002** · 05-06-2012 04:03 PM

العربية ف السفر مريحة جدا ١٠٠ و ١٢٠ زي الفل ولا بتسخن ولا بتنخ بجد عربية محترفة ونعم الاختيار

**S O P H O S** · 05-06-2012 04:46 PM

ما شاء الله عليها
سيارة تحترم .. كما دائما اقول

**meemo** · 08-06-2012 07:42 PM

المشاركة الأصلية كتبت بواسطة meemo

انا اشتريت ماروتي زيرو 2009 في شهر 8 اللي فات استلمت يوم الاتنين رخصت الاربعاء وسفرت بيها نفس اليوم بالليل علي فكرة كان اول مرة اركب عربية اه والله العظيم اول مرة اسوق عربية انا بعرف اسوق والحمد لله بس مكنتش سوقت عربية قبل كده ولا للمسافات ديه وسافرت بيها من القاهرة راس البر انا والعائلة طبعا خدت كام مطب عجب والدنيا طلمة في طريقة المنصورة وفي طريق دمياط وقلت ان العربية خلاص مش هتوصل بس الحمد لله وصلت هي المشكة في الشنطة مشكلة المشاكل في سؤال ممكن اركب اي حاجة علي سقف العربية علشان لو سافرت وهل هيبقي له تاثر وتاني حاجة بجد بفكر الصيف الجاي اسفر بيها مرسي مطروح بس خايف ينفع؟؟؟؟؟؟؟؟؟؟

الحمد لله سافرت بيها مطروح 2010 وكان معي في العربية زوجتي وطفلين واخت زوجتي ورجعت محمل من خيرت مطروح لب وزيت زيتون وياميش رمضان وكان معي صديقي مسافر بعربيته هيونداي اكسل وهي اللي ورتنا الويل واحنا راجعين انما الماروتي الحمد لله زي الفل ربنا يدمها نعمة
وان شاء الرحمن مسافربيها تاني مطروح في شهر 7 الجاي بس المرة ديه هخلي الاولاد وزوجتي يسفروا في الباص علشان كبروا باه والشنط وكده
ملاحظاتي عليها هي:
1- اقصي سرعة ممكن تمشي بيها 100 كيلو- ساعة علشان الثبات مش اد كده
2- الشنطة بتاعتها ضيقة مش بتاخد اغراض كتير
3- التكيف
غير كده والله زي الفل وربنا يستر طريقنا يارب