وصلت يا باشا ...شكرا على المعلومه
بس لازم يكون يعرف برضه صاحب العربيه مش حرامى بالصدفه
عرض للطباعة
ماهو انا افتكرت كده وسألنا العربى بتاع الكاوتش على الونش قال مفيش ونش جه النهارده خالص ده غير ان العربيه كانت فى الشارع الجانبى اللى قدامه محطه الاتوبيس اللى قبل مطلع الكوبرى ده غير اننا قلبنا المساكن حته حته حتى العربيات المتغطيه بصينا عليها ولو حد مهم ساكن فى العماره دى مكنتش برضه هاتضايقه لانه ركن يادوب ساعتين والشارع كان فاضى
ازيك يا اشرف باشا
شوف هو في الغالب الكهربائي بدون ظن
وده لسبب واضح جدا
ان الكهربائي سهل جدا انه يوصل جهاز نسخ شفرة المفتاح وهو شغال بجهاز النسخ وده حجمة قدالالة الحاسبة الكبيرة شوية
وتمن نسخة المفتاح الفاضية 80 جنية عند بتوع المفاتيح
والجهاز ده بينسخها بسهولة ومش بيحتاج حاجة تانية
وممكن يكون الكهربائي طمع فيها لما شاف ان صاحبها ساب الرخصة جواها
انا مفتاح عربيتي مشفر وبيتعمل في التوكيل ب 1200 جنية بدون ضريبة
عملتة برة في 3 دقايق ب 120 جنية تقريبا
وبسال الراجل بكام الجهاز قاللي في حدود 3 الالاف جنية الصيني وزي الفل
يعني الموضوع مش صعب وطالما معاه المفتاح الاصلي هايفتح ويبطل الانذار في ثواني
بس والله حرام
وفي الغالب الكهربائي هايخدها لزوم فسح وحوارت وممكن يفضل بيها كدة لغاية ما الرخصة تخلص
لا حول و لا قوة إلا بالله العلى العظيم
ربنا يصبره و إن شاء الله يلاقيها
و حسبى الله و نعم الوكيل فى اللى سرقها
و ربنا يسترها معانا جميعا
تصدق يا كريم باشا ده اول تفسير يدخل دماغى
الله ينور عليك ويزيدك من فضله
فعلا كده يبقى الموضوع متفسر
يعنى الراجل عارف بيت صاحب العربيه وعارف مكان الانذار وطبعا عشان اشتغل فيها قبل كده فاهمها
بس على كده ممكن كمان اى حد يعمل نسخه من مفتاح مشفر؟؟؟؟
دى بقه اللى فعلا مشكله؟؟؟
عموما ربنا يردهاله لو كان جبها من حلال ويحرق قلبه عليها لو كانت من حرام...امين
احنا نستعين بالمفتش كرومبو
كومومبو لمومبو الهأأووووووووووو
بعد الفحص والتمحيص
اعتقد ان سرقة السيارة من مكان كهذا صعب جدا لوجود افراد امن خاصين بالوحدات العسكرية
والسيارات الحديثة بها اجهزة امان كثيرة فالحرامى مش هيلاقى القوت انو يفتح العربية وكده
انصح صديقك بمراجعة الشرطة العسكرية
او افضل حل انو يكونو يعرف رتبة جامدة جيش وشرطة
وان شاء الله السيارة هترجع ليه
الحوار ده كنت عامله فى ال 28 قبل ما ابيعها ..
الزرار كان تحت الطابلوه فى مكان غرررريب جدا ..
و مرة كنت فى الجامعة وصاحبي خد المفتاح منى من غير ما اخد بالى و خرج يدور العربية وفضل قاعد فيها نص ساعة معرفش يدورها وفى الاخر اتصل بيا يقولى تعالى بسرعة شكل حد سرق البطارية :)
وعلى فكرة انا عامل الحوار ده فى السيات برده اللى فى التوقيع ..