قطع غيار السيراتو...فعلا قليله فى السوق؟؟؟؟؟؟

**rishinko** · 19-03-2009 10:17 PM

اخوانى بس عايز أعرف هل قطع غيار السيراتو قليله فعلا فى السوق؟؟؟ وتفتكروا _اذا كانت فعلا قليله هتتأثر أكتر مع نزول الفورتى كموديل جديد لمدة 5سنوات قادمه؟؟؟أفيدونا أفادكم الله...

**princemady** · 20-03-2009 10:35 PM

أنا لسه عميل جديد لكيا وعربيتى يادوبك بقالها معايا 5 شهور والحمد لله لسه ماحتجتش لقطع غيار من بره التوكيل .. إنما ممكن يفيدنا فى النقطة دى أستاذ أحمد اسماعيل أو أستاذ محمد على أو آنسة نهى وبقية الأعضاء القدام فى المنتدى. إنما رأيى إن إن شاء الله العربية الجديدة مش حاتأثر على تواجد قطع غيار العربية القديمة فى السوق لأن تواجد قطع الغيار فى السوق ناجم عن تواجد العربية فى الشارع المصرى والحمد لله السيراتو الشكل الحالى ليها مكان على الساحة المصرية

**ghazy12** · 21-03-2009 02:19 PM

يا باشا قطع غيار السيراتو متوفرة داخل و خارج التوكيل و انا هجيبلك اسم محل في رمسيس و ده بيبيع قطع غيار الكيا عموما و عنده الأصلي و الكوبي (احنا بنتعامل معاه عشان انا والدي معاه سيراتو)...

**nzqtw6** · 22-03-2009 02:01 PM

حد يعرف عدد السيراتو في مصرحاليا ؟؟ يمكن ده يدينا فكرة عن مدى انتشارها وبالتالي توفر قطع الغيار مستقبلا وبالذات خارج التوكيل.

**ethan82** · 23-03-2009 09:56 AM

غير التوكيل مفيش غير الجندي وليه فرعين واحد في جسر السويس وواحد في شارع دمشق وده الوحيد الي هتلاقي عنده قطع الغيار الأصلي ومش كلها كمان والتوكيل ليه منفذ بيع في مدينة نصر اول الطيران.