عزيزى لا داعى للنفى خالص احنا فعلا عندنا مشكلة كبيرة و لازم نعترف بيها
و فعلا الحارتين الشمال دول للجرى و ماحدش يقول غير كده
تقبل تحياتى
فعلا انا لما بسافر اسكندريه , بستغرب جدا من طريقه السواقه على الكورنيش ؟؟ هو الطريق فعلا واسع و مفهوش مطبات بس الناس بتمشى بلامبلاه و بلطجه غريبه و بتدخل الملفات بشكل غبىىىىىى جدا , و كلو كوم و الناس الى بتعدى الطريق بجد انتحار .
و طبعا الوضع مش احسن حالا فى القاهره ... كلو زفت .
ربنا يسترها معانا جميعا .
انا لما بنزل اسكندريه ببقي حاسس اني فوسط مولد عالكورنيش
بلاقي الناس بتلف الملفات بسرعات رهيبه وانا مضطر اني الف معاهم بنفس السرعات وببقي عارف ان عربيتي تستحمل ملفات زي دي وعلي سرعات توصل لـ 120 بس عمري محاولت امشي عالكورنيش اكتر من 60 الاقي ناس جمبي بفيرنا ولانوس بياخدو ملفات خياليه
وياسلام لما بركن العربيه وبحاول اعدي الكورنيش طبعا لاني معرفش ان في انفاق بضطر اعدي من فوق بحس اني حموت بين كل حاره والتانيه
ربنا يكون فعونكو
انا سمعت عن الحادث بس عرفت انهارده ان الي كان في العربيه 6 في 2 ماتوا و الباقي في المستشفي بس لسه معرفتش عنوا حاجه
سواق الفيرنا مصيره ايه يوم القيامة؟؟؟
ربنا يغفره يوم القيامة
زميلى كان هناك وقالى انهم لاقوا زجاجات خمر فى العربية وربنا يرحمهم ويغفر لهم ويرزقنا حسن الخاتمة
انا لله وانا اليه راجعون
يجماعه في ناس بتجري جامد علي الكورنيش وكل الحوادث دي بتحصل بسبب تهور واحد مفكر نفسه شوماخر وطاير بالعربيه هحكيلكو علي حادثه يوم الاربعاء ال فات وانا رايح الكليه علي الكورنيش قدام كازينو الشاطبي كان في عيل سايق لانسر بوما مقدرش اقول عليه غير عيل فعلا هو شكله بتاع 18 سنه سامع وهو جاي من بعيد فرامل ويغرز بين العربيات البيه جه قدام كازينو الشاطبي بيعدي من واحد لقي نفسه هيخبط في الرصيف راح شادد الهاند بريك العربيه لفت منه وكان في ميكروباص معدي من جنبه وش الانسر خبط الميكروباص من عند الفرده الشمال من ورا والميكروباص كان ماشي بسرعته فا اتقلب وكان منظر فظيع بس الحمد لله كل ال في الميكروباص طلعوا اصابات والبيه ده بسبب تهوره كان هيموت اكتر من 12 واحد في لحظه
ياريت يجماعه بلاش جري وتغريز والكلام ده ولو مش خايف علي نفسك ولا علي عربيتك خاف علي الناس ال ماشيه في الطريق معاك ملهاش اي زنب وتخيل ان الناس ال في العربيات التانيه حد من عائلتك صدقوني الطريق حاله هينصلح كتير اوي
معلش طولت عليكم بس انا حكيت عشان كلنا ناخد عظه وانا اولكم ونبطل جري
يا جماعه النقيب معتز النقلي ده كان صاحبي بجد شخصيه في منتهي الذوق و الاخلاق الله يرحمه و ارجو من كل اللي بيقرا الموضوع ده انه يدعيلو بالرحمه و المغفره و يدعي لكل اموات المسلمين لانهم محتاجين دعواتنا دي و احنا كمان هنموت و هنحتاج ان حد يدعلنا اللهم تقبل يا رب
اللهم ارحمه وادخله فسيح جناتك...........
الهم ارحمنا وارحم المسلمين جميعا
و الله يا جماعة المشكلة في اسكندرية هي نفس المشكلة في القاهرة هي نفسها الجيزة و في كل مدينة مزدحمة و مش عايزين نحول الموضوع لعصبيات و يبقي فيه السواقة في اسكندرية و السواقة في القاهرة
الكورنيش فعلا محتاج حل و اهم حاجة زيادة عدد الانفاق لان فعلا فيه اماكن مسافتها بالكيلوات و مافيش اي نفق زي مثلا من نفق سيدي بشر حتلاقي اول نفق بعده في جليم _ طيب ده اسمه كلام برضه - مرورا بقي بسان استفانو و لوران و الاقبال طيب اللي عايز يعدي الشارع و هو في لوران مطلوب منه ياخد تاكسي او توك توك لغاية نفق جليم عشان يعدي الطريق و لما يعدي ياخد توك توك برضه من الناحية التانية عشان يرجعه مكان ما كان عايز يعدي....
دي جزئية الجزئية التانية ان فيه فعلا ناس عندها من الاستهتار ما لا عين رأت و لا اذن سمعت يعني لما واحد يعدي فعلا فوق نفق كامب شيزار و معاه مراته و عياله الصغيرين و بيتكلم في التليفون و ماشي و لا يبالي و كأنه ماشي في شارع سعد زغلول و بيضحك هو و مراته و عياله كأنهم في دريم بارك و مطلوب من العربيات انها تحترس و بعدين هو الراجل ده ما يعرفش انه حيتحاسب علي استهتاره بحياته و حياة اسرته لهذا الحد خصوصا كمان انه لو لا قدر الله حدث مكروه مالهموش اي دية يعني موت عياله و مراته بمنتهي السهولة انا في نظري ان ده يبقي قاتل لان كلكم راع و كلكم مسئول عن رعيته
الجزئية التالتة و الاخيرة ان الاخوة القاهريين اللي رأيهم ان سواقة الاسكندرانية فيها مشكلة للاسف هما بنوا رأيهم علي الوقت اللي اسكندرية بتكتظ فيه بالضيوف من كل جنس و شكل و طعم ولون فمش ممكن تقيس الموضوع كده لان بكل اسف 90% من المشكلة بيكون بسبب الضيوف اللي ماشي و مش عارف الطريق كويس و غالبا هو جاي يتفسح و يقضي وقت ممتع عكس ابو اسكندر اللي عايز يروح بيته بعد عناء يوم طويل او يروح شغله بسرعة لان برضه الاسكندراني بيلاقي نفس الموضوع لما بيروح القاهرة بتبقي الناس مش فاضية و انا بدور علي عنوان او ماشي بتفسح بفرج زوجتي او ولادي علي برج القاهرة مثلا او مكتبة اسكندرية و بحس ان الناس مش طايقاني في الشارع و بقول برضه هو مافيش زوق في السواقة عند الناس دي و لا ايه زي القاهريين كده ما بيحسوا بكده لما يشرفونا في اسكندرية
التجاوزات اللي في اسكندرية بلاقي اضعافها في القاهرة و يمكن في اسكندرية بنلتمس العذر شوية لما نلاقي المتجاوز ملاكي القاهرة او الجيزة انما في القاهرة مافيش رحمة
طيب ده انا مرة كنت واقف في شارع عباس العقاد امام ماكدونالدز علي جنب خالص و بسأل علي شارع فرعي من عباس العقاد و مدي انتظار و كل شيء تمام لقيت تاكسي جه وقف خلفي ينزل زبون و هات يا كلاكسات و راح جاي خاتمها بشتيمة و زوجتي قاعدة في العربية روحتله و بقوله انا من اسكندرية و بسأل علي عنوان و انت شايف العربية ملاكي اسكندرية قدامك و جاي واقف وراي بعد مني و قاعد تشتم مش عيب الكلام ده يقوم يقولي طب ما تقف علي جنب قولتله بالله عليك انزل من عربيتك و تعالي حضنلي عربيتي اكتر من كده... بصراحة عكس اللي بيحصل في اسكندرية الا من قلة ما عندهمش اخلاق
بصراحة اكتر بلد ارتحت فيها بالسواقة و ناسها و سواقينها محترمين جدا هي مرسي مطروح
محمد فهمي
يا جماعه الغلط مش على سواقين اسكندريه ولا سواقين القاهره طبيعه شارع الكورنيش نفسه مشكله لأنه مليان ملفات بطريقه غريبه و بعدين عليه ضغط كبير لأنه تقريبا الشارع الوحيد اللى ماسك اسكندريه من اولها لأخرها
انا شخصيا كل لما ابقى فى اسكندريه واجى اخرج اروح فى اى حته لازم اعدي عليه لأنى ببقى جاى من المعموره فمقداميش طريق تانى غيره
انا من محرم بيه وطريقى لشغلى فى الشاطبى مالوش بديل غير شارع قناة السويس ونفق عبد المعم رياض وبجد باتعذب لو بس عربية واحدة عطلت بنقف وقت طويل ونتحشر فى النفق فى الحر ولا فى السقعة الاتنين عذاب بجد محتاجين بديل لمحور عرضى يقطع اسكندرية موازى لقناة السويس لان كوبرى محرم بيه وقناة الويس والنفق الثلاثية الرهيبة دى هى شريان البلد ولو اتقطع البلد بتموت كل اللى جاى من الصحراى والزراعى والسريع والدائرى والدولى والقبارى والعجمى ووووووووووو............... لازم وحتما ولابد هايعدى على المسكينة محرم بيه نرجو اعادة النظر فى محور بديل موازى لقناة السويس وربنا يرحمنا برحمته انا عشت فى الوحة فى قطر فترة وشوفت هناك حلول سحرية لمشكلة المرور دى
لا حول ولا قوة إلا بالله
أنا لسه راجع من العزاء فى واحد فيهم
شاب 19 سنه وحيد والديه
الله يرحمه ويحسن إليه ويتجاوز عن سيئاته ويصبر أهله وأهلهم جميعا
ويرزقنا حسن الخاتمة اللهم آمين
فين بقى قانون المرور ولا هم عايزين يلمو غلوس و خلاص
حسبى الله ونعم الوكيل
ربنا يصلح حال البلد
بصراحة السواقة فى اسكندرية زبالة ولا البلطجبة بتوع المشاريع والتكسات ولا التكتك
لاحول ولا قوة الا بالله
ربنا يستر علينا
انا كان ليا تعليق على كلام حضرتك بما انك وصفت الاسكندرانية بالغباء والبلاهة فيما عدا القلة القليلة المحترمة .. والكلام اللي انا هقوله ليس دفاعا مني عن الاسكندرانية او لذاتي بما اني واحد من ابناء هذه المدينة
احب اضيف لسايدتك معلومة سواء كان حضرتك اسكندراني او مش اسكندراني ان معظم الحوادث اللي بتحصل على طريق البحر سيارات ملاكي القاهرة والجيزة ويمكن مصر كلها تعلم بكده ولو حضرتك عايز تتأكد ممكن تسال اي حد
لا اله الا الله ...
ربنا يرحمه ويغفر له ..
بجد شيء صعب جدا ..
ارجوكم يا جماعة انشروا المواضيع دى للاتعاظ فقط .
ونفسي حكاية اسكندرية والجيزة والقاهرة وبورسعيد واسماعيلية دى تخلص بقي :(
كل شوية تمسع فلان الفلانى كان فى اسكندرية وشد مع واحد ملاكى جيزة وواحد تانى شد مع واحد ملاكى بورسعيد واى واحد مسافر اى محافظة تانية بيعمل حسابه على الخناقات والشد والمشاكل قبل ما يسافر كاننا خلاص فى عصر العصابات ...
ناقص كمان شوية بقي نلاقى شباب كل محافظة واقفين على البوابات وبيمنعوااى شباب غريبة من الدخول ...!
وانتشار المخدرات فى البلد بقي مووضة وليس ادمان .
حسبي الله ونعم الوكيل فى اللى دخل المخدرات البلد اصلا .
كان فى شلة صحاب اعرفهم كانوا فى بورسعيد وخبطوا واحدة هناك وطااااارو ومحدش خد باله منهم .
وللاسف اللى كان سايق محسش انه عمل حاجة الا بعدها بيومين لما فاق من اللى كان فيه !!
وطول ما احنا كدا هنشووف اكتر و اكتر ..
سامحني يا باشا بس يا ريت لو شرح لموضوع ملفات البحر شان اسكندراني علشام مش فاهم قصدك فيها
هي الملفات دي معموله بالشفره مثلا والاسكندرانيه هما بس اللي بيعرفوا يفكوا شفرتها ؟؟؟
اي طريق في الدنيا فيه ملفات وفيه جزء واسع وجزء ضيق
والسرعه اللي الحكومه بتحددها لاي طريق هي السرعه المثاليه للمشي في اي جزء منه بدون خطوره
مش موضوع شفره او شان اسكندراني
يعني هو انا علشان انزل القاهره بالعربيه لازم اخدها مشي الاول علي رجلي ولا اجيب دليل قاهري يعلمني اكواد الطريق
علشان مش بيعرف يقراه غير اهل البلد
سبب الحوادث هو الرعونه في القياده
مش انا علشان اسكندراني حخبط في بلدكم ولا انت علشان قاهري حنعملك طريق مخصوص غير طريق الاسكندرانيه
الفرنات ملكات الاصطدامات
http://nilemotors.net/Nile/showpost....0&postcount=23
انا اتمنى من حضرتك تطلع فوق اى سطوح اى عمارة عالية و لتكن مثلا فى الملف اللى قدام سان جيوفانى الفندق او سان جيوفانى السراية او ملف جليم و اكيد حاتشوف من فوق اللى بيحصل بالظبط و اكيد اكيد مش كل الناس اللى سايقين فى الملف دول من خارج اسكندرية
مع احترامى للأسكندرانيه كلهم غشم فى السواقه وأنا شخصيا كنت رايح أزور والدى ووالدتى فى مدينه السادات فى طريق مصر الأسكندريه وكان معايا مراتى وبنتى وفى الجزء الخاص بالتحويله وسياره نقل ماسكه الشمال مش عايزه تسيبه وطبعا العربيات بتعدى من اليمين المهم أنا كان قدامى لانسر وأنا وراها وفجأه جه واحد بأوبترا زى الثور الهايج وحشرنفسو بينى وبين النقل علما بأن الطريق فى الحته دى حارتين بس وزى البهيم كان عايز يطلعنى على الرمل ولكن والحمد لله وبتوفيق من الله لأنها ملهاش كبير كنت هلبسو تحت العربيه النقل لولا أنى معى زوجتى وأبنتى وأولا وأخيرا دى بردو روح وحرام أنى أقتلها ولونها تستاهل الدبح كان هيموتنا كلنا بغشمو وببص على النمر عشان أخده لقيتو أسكندرانى طبعا مستغربتش أن دا يطلع من لأن الغالبيه العظمه منهم كدا وبكرر مره تانيه مع أحترامى للأسكندرانيه المحترمين بس للأسف السيئه تعم والحسنه تخص وعلى فكره بلغت عنه وسواق أتوبيس سياحه كان ماشى ور مننا شتمه بالكلكس
اصل احنا لسه مديينا البلد جديد علشان كنا في الايواء
واول مره نركب عربيات فبنتعلم فسامحنا حضرتك علي الاذي النفسي اللي عملناه لسيادتك بسواقتنا الغشيمه
فياريت لو تبعتولنا خبرا اجانب يعلمونا اصول السواقه
سيادتك في الاول قولت كلهم غشم في السواقه
وبعد كده بتقول احترامك للمحترمين
منين كلهم ومنين بتخص فئه تانيه في الاخر
والله يا باشا انا لما بمشي في شارع فيه مطبات مش بعدي منه تاني
ولو روحت بلد ومعجبتنيش سواقتهم فيها مش حروحها تاني
تقبل تحياتي
ياريت تتكلم باحترامك ومفيش داعي للغلط .. ومينفعش تغلط وبعد كده تقول احترامي ... احترام ايه بقى وبتاع ايه انت خليت فيها احترام ... وبعدين بتتكلم عن الاسكندرانية وتقول خشم في السواقة .. على اساس انك من انجلترا يعني .. كلها مصر يا باشا وبعدين ده انت من القاهرة ومفيش داعينتكلم عن القاهرة والسواقة فيها عشان اكيد كله عارف ما معنى القيادة في شوارع المحروسة القاهرة .. وبعدين على رايي شنوري احنا اصل لسه مستلمين البلد دي جديد ومش واخدين عليها .. وبقررها لحضرتك مرة تانية بس بشكل مباشر بقى .. لو البلد مش عجباك متبقاش تيجي تاني .. ولو هتيجي يبقى تيجي وتحترم اهل البلد .. وتبقى تنور ان شاء الله
ياساده يأفاضل انا أتكلمت من الى شفتو من ترويع أنا ومراتى وبنتى الطفله وبعدين لو ركزتو فى كلامى أنا قلت الحسنه تخص والسيئه تعم واعتذرت للناس المحترمه الى شايف نفسه مش كده يبقى الكلام مش هيدايئه لشخصه بالعكس هيدايئه لأن واحد من ولاد بلدو أدى أنطباع وحش عنه وعن أهل بلده ولا هو أحنا كده الى المفروض نتحمق على طول من غير مانفكر فى الكلام وخير دليل الحادثه الى على الكورنيش يكون السرعه عليه 60 حوادث زى دى جوا البلد تيجى أزاى من غير غشم وأكيد فى فى القاهره والجيزه وكل حته بس للأسف دا مش كلامى لوحدى راجعو الموضوع وانتو تلاقو غيرى أكد الكلام وفى الأخر بردو بحترم المحترمين الى بيلتزمو بأخلاق الطريق ويحترموه ومع أحترامى ليكو بردو ومتزعلوش قوى كده وعلى رأى المثل لا تعيرنى ولا أعيرك الهم طايلى وطايلك وممكن أى واحد فيكو يبقى ضحيه للغشم دا
ثم أنى مكنتش فى بلدكو عشان تقولو متجيش تانى أنا كنت على طريق عام الى هو مصر أسكندريه وبدل ماتهجمونى كدا ياريت بس كدا ربنا يكرمكو بواحد زى أخينا دا ويعمل فيكو الى كان هيعملو فينا سعتها بس هتعرفو تتكلمو من غير الزعل الى أنتو فيه دلوقتى دا وبكررها تانى حقكو عليا أنا الى غلطان أصلا أنى أشتركت فى موضوع الحدثه الغشيمه دى
ياريت حضرت بلاش غلط احنا مش غشم و لا حاجة الحوادث بتحصل فى كل حته و العالم بتاعة الغرز فى كل حتة شوف كمية الحوادث اللى بتحصل فى القاهرة على الدائرى و المحور !!!!!
ياجماعة براحة شوية كلنا أخوة قاهريين ولا أسكندرانيين ولا غربيين ولا قبليين ولا منصوريين.......................كلنا مصريين.............وكلنا مصابيين بداءالسرعة والاستهتار وعدم الالتزام والاحترام لبعضنا البعض وقوينا يأكل ضعيفا وكل ده منعكس علي طريقة قيادتنا المتسببة في أبشع وأسوءالحوادث اليومية ال كلنا بنشوفها علي الطريق ولا نتعظ أبدااااااااااااااااااااا ..........ولم تعد القيادة لا فن ولا ذوق ولا هندسة .........رب أهدنا جميعا لما فيه الصواب...........
يأستاذى والله أنا مبغلط فى المحترمين أنا بقول تجربه مريت بيها ولو تلاحظ أنى قلت أن فى محترمين يعنى مابقلش أن الكل كدا بس للأسف بلدياتك هما الى أستفذونى بعد ماشفت الموت أنا ومراتى وبنتى الى عندها 3 سنين بسبب سورى يعنى بلاش غشم تهور واحد من ولاد بلدكو والى هو بردو للأسف أبن بلدى عشان الأخ الى بيقولى جاى من أنجلترا