الى كل الأسكندرانية حد شاف الحادثة بتاعت الفيرنا الى فى رشدى على البحر
بجد حادثة شنيعة جدا جدا جدا
و للأسف معرفتش اصورها لأن الدنيا ليل
سمعت ان 3 ماتو فيها
ياريت لو حد عندة صور او يعرف اية الى حصل يقولنا ! لأن شكل العربية بيقول ان الحادثة على سرعة عالية جدا جدا جدا جدا جدا جدا جدا جدا جدا
ربنــا يســـتر
شفتها بس مش عارف ملابستها
بس كل اللى اعرفه انها عربيه ايجار
اه انا شوفتها .. هي موجودة دلوقتي عند ماكدونالدز وبيتزا هات ع البحر
اللي سمعتو ان العربية كان فيها 6 افراد واللي حصل انهم انو سكرانين تقريبا ولبسو في عربية تانية ولبسو في عمود ... ده اللي سمعته
بس بجد منظر السيارة يخوف اي حد من القيادة
بجد ياجماع دي حادثة سيارة مش بتحصل ع الطريق الصحراوي ...
ربنا يلطف بينا
ربنااا يستر
ربنا يسترها معانا
وإن شاء الله تكون سليمة ومجرد اصابات ومفيش وفيات ....
بس لو ممكن بعد اذن الاسكندرانية صور للعربية :::
ربنا يستر طريق الجميع
ايه حكاية الفيرنا مع الاسكندرية يا جماعة !
كل شوية نسمع حادثة ( كفا الله الشر ) فيرنا فى اسكندرية ..
العربية مغرية للجرى وموتورها قوى وفراملها ضعيفة ..
والشباب ما بيصدقوا ..
ربنا يستر و يشوفوا حل للموضوع ده ..
يا ساتر
ربنا يحفظنا
للاسف شوفتها تانى يوم و معرفتش اى حاجة العربيتين ملامحهم راحت خالص، الكورنيش يومها كان واقف بشكل غريب المشوار اخد ضعف الوقت
و للاسف فى حادثة نسخة تانية انهارده شوفتها قبل رمادا و انت فى اتجاه المنتزة واحده فيهم سفيك و ده لانى مفيش حاجة باينه من العربية لانها اتعجنت غير كلمة سفيك على اللى باقى من الشنطة و التانية معرفتش اشوفلها اى ملامح
يعنى حادثتين فيهم موت فى اقل من 3 ايام فى حته اقل من 10 كم من بعض، غير انى امبارح شوفت حادتين تانين و احده منهم على مدخل محمد نجيب لادا فى شاهين تقريبا بيتسبقوا على الدخول فى الشارع داخلوا فى بعض !!
فعلا الفيرنا رايحة فى داهية!!اكيد اللى فيها لازم يموت دى العربية مش باينة معالمها خالص
ربنا قادر على كل شئ
شوفتها وانا سايق و للاسف ا لمكان ده مافيهوش مكان للركنة فكسلت الف و ارجع
ولما رجعت من الشغل كانت اتشالت
وبصراحة شديدة ’ أنا عندي 36 سنة و عمري في حياتي ما شوف عربية معجونة العجنة دي !!
أنا متأكد إن كل اللي فيها ماتوا , إنما أعتقد كمان إنهم متغسلوش لأنه غالبا ماكنش في أعضاء كاملة خرجت منها
ودي نهاية السرعات المجنونة جوه مدينة سكانها 7 مليون
ويا ريت الناس تطلع من دماغها بقه إن العربية موتور قوي ومش مهم أي حاجة تانية
العربية منظومة آمان كاملة لا بد من توافرها
والأهم من كل ده سواق واعي عارف حق الناس وحق الطريق
لا إله إلا الله
اللهم أرحم من كانوا فيها ما لم يشركوا بك شيئاً
اللهم آمين
تقريبا اي حادثه بتحصل بالمنظر دااقتباس:
المشاركة الأصلية كتبت بواسطة ghalasa
الناس بتقول على اللى فيها انهم كانوا سكرانين !!:Copy of majd(4):
ربنا يرحمهم
واحد صاحبى حكالى عليها بس مكانش عارف نوعها لان ملامحها كانت ضايعه خالص
خلى بالكم من البحر يا جماعة
العربيات بتطير عليه المفروض يحطوا ردارات لان المفروض اقصى سرعة 60 كم\س
ده غير الناس المستهترة اللى بتعدى الطريق و يكسلوا يمشوا للنفق
ربنا يستر
ربنا يستررررررررر
ياجماعه انا شايف برده ان الفيرنا مش عربيه للجرى والسرعه اكتر من نص الحوادث فيرنا ولانسر لأنهم عربيتين خفاف اوى والفرامل ضعيفه والموتور بسم الله ماشاء الله عليه اقوى من العربيه 10 مرات لازم يعجنها دى عربيه المفروض اخرها 1300 او 1400 مش محتاجه كل القوه والعزم ده ولا انتوا ايه رايكوا
معك حق فى الكلام دهاقتباس:
المشاركة الأصلية كتبت بواسطة evoo90
فعلا اكتر عربيتين بشوفهم متعجنين اللانسر والفيرنا وخصوصا انى بنزل الحرفيين كل يوم وبشوف العربيات دى واللانسر مابشوفهاش غير مقلوبة طبعا هو كلة مش عيب عربية اكتر من انه عيب سواق وفعلا العربيتين دول عليهم تجميع وجرى فظيع تحس انك راكب ماتور على الهوا
ربنا معاهم ويرحمهم اموات اواحياء ويغفر لهماقتباس:
المشاركة الأصلية كتبت بواسطة abou_ruqi
اى الم للانسان هوة جزء من العقاب و دى من رحمة ربنا بينا فى الارض
انا متفق معاك
يا جماعة ياريت لو حد عندة صور
انا لما عديت لقيت ناس كتييييييييييييييييييييييي يييييييييييير اوى قاعدين يصورو
مصرع وإصابة 8 أشخاص إثر وقوع تصادم بين سيارتين بالإسكندرية
3/18/2009 8:43 am
لقى ثلاثة أشخاص مصرعهم وأصيب خمسة آخرون إثر وقوع تصادم بين سيارتين بمنطقة رشدى بكورنيش الإسكندرية
وقد تلقى وكيل إدارة شرطة النجدة بالإسكندرية العقيد أحمد خلف بلاغا بحدوث تصادم بين سيارتين ملاكي الإسكندرية وذلك بمنطقة رشدى شرق المدينة بسبب السرعة الزائدة مما أدى إلى مصرع 3 أشخاص وإصابة 5 آخرين بكسور وكدمات مختلفة واشتباه ما بعد الارتجاج وتم نقلهم إلى المستشفى الرئيسى الجامعى لإسعافهم
تم تسيير حركة مرور السيارات بمكان الحادث وصرحت النيابة العامة بدفن الجثث وقررت انتداب مهندس فنى لفحص السيارتين لبيان سبب وقوع التصادم
http://www.postimage.org/gx2m38PS.jpg
:Copy of majd(4):بصراحة السواقة فى اسكندرية اقل ما يقال عنها انها زى الزفت و الغريب ان البحر طول عمره فيه ملفات و المفروض ان كل الاسكندرانية يكونوا اتعلموا ازاى يتعاملوا مع الملفات انما تبص و تشوف العجب فى طريقة السواقة داخل الملف ....لو كان الملف يمين تلاقى اللى فى الشمال بياخد الملف على ضيق و يخبط اللى ماشى فى اليمين و لو كان الملف شمال تلاقى اللى ماشى فى اليمين بياخد الملف على ضيق و يخبط اللى ماشى فى الشمال ....بصراحة قمة فى الغباء و التخلف و البلاهة...الا القلة القليلة المحترمة الواعية الادامية اللى بتلتزم و بيكون خط دخول الملف هو هو خط الخروج منه من غير ولا يمين و لا شمال.اقتباس:
المشاركة الأصلية كتبت بواسطة AhmedAbdFat
اضف لكل ده سواقين السوزوكى الصغير و الميكروباصات و المشاة و و و و و و حاجة تجيب الضغط و السكر و القلب :_Alshmokh08[1]: و بعد كل ده البحر من الصعب جدا ان حد يمشى عليه 60 لوحده و الا حايكون مصيره حادثة موت ...بصراحة انا بعد ما بعت العربية من اسبوعين حاسس ان انا بقيت احسن و اهدأ و بفكر جديا انى ما اجبش عربيات
بالنسبة للحادثة اللى ما بين الفيرنا السودة و الاسبارك الحمرا ان لو منهم ما اشيلش العربيات دى و اسيبها للعبرة
بيتهائلي اللي في الصورة دي مش الفيرنا اللي في رشدياقتباس:
المشاركة الأصلية كتبت بواسطة ASKAFRAWY
التانية كانت حاجة تانية خالص
هى الفيرنا الفى رشدى لونها اسود بس للاسف مش لاقيلها صور ومقدرتش اصورها هى دلوات راكنة عند ماكدونالدز على البحراقتباس:
المشاركة الأصلية كتبت بواسطة abou_ruqi
ايه حكايه الفيرنا يا جماعه بجد العربيه بقت مغريه جدا للشباب للجرى موتورها جبار ووزنها خفيف امبارح والله عندنا فى دمياط نازل بليل فى الشارع الرءيسى عندنا فى وسط البلد اكتر من 5 عربيات فيرنا راكبينهم شباب وطالعين ولا اوتوكروس وفين فى شارع اخرك تمشى فيه على 30 ربنا يستر بجد حاجه صعبه اوى
اقتباس:
المشاركة الأصلية كتبت بواسطة gemino
فعلا معك حق راغم ان الحمدلله محترف سواقة بس لما سافرت اسكندرية كانت قلقان وانا بسوق حاسس انى اى وقت ممكن اعمل الحدثة بس الحمدلله عندنا فى القاهرة الوضع مش كدة
بس بردوا الى مقرف اوى لو حد سافر من القارة للمنصورة حاجة زى الزفت كانت مسافر فى الطريق دة المشكلة ان مسافة طويلة الشارع اتجهين وصغير ومفيش انوار وكله ضارب النور فى عين كله وماشين بسرعة والله العظيم كنت قلقان جدا على نفسى وعلى العربية وبعدين تتطلع من القرف ده وتتطلع على السريع وانت راجع للقاهرة تلقى مطبات فى امكان غريبة يعنى تبقا ماشى 100 او 120 مرة واحدة مطب بدون اى اشارات والمفروض انه طريق سريع بصراحة كرهت حاجة اسمها سفر للمنصورة وحرمت انى اسفر البلد دى تانى عشان طريقها الوحش للعلم ان كانت بزف واحد صاحبى
واحد صاحبى قليب على الطريق بتاع المنصورة دااقتباس:
المشاركة الأصلية كتبت بواسطة eslamwega
ماهو الطريق ده مينفعشعليه اكتر من 90
يا جماعة الموضوع مش فيرنا بس
الموضوع ان سواقة الكورنيش بقت صعبة جدا جدا
و مش عارف ازاي وليه لحد دلوقتي مفيش اي حل من المرور للموضوع
بس لو الفيرنا كده
اومال الجيتز بقى تبقى ايه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟
زميلى كان موجود وشاف زجاجات خمر لالااسف معاهم وكانوا سكرانين ودخلوا الملف بسرعة عالية فاتقلبت بيهم فوق عربية سكودا على الكبوت بس ربنا ستر اللى فى الاسكودا جروح بس وتلاتة ماتوا من الفيرنا
مع اسف اعتذارى الاسكندرانية عندهم مشكلة فى السواقة وده بنلحظه فى شهور الصيف احنا مبنشكرش فى نفسنا بس ده الواقع
حضرتك شهور الصيف... المصيفين هما السبب...اقتباس:
المشاركة الأصلية كتبت بواسطة abzoabzo
مع احترامى لحضرتك... الكلام موجه عموما للتوضيح ما تخدوش شخصى احنا أخوات....
القاهره متعودين على الزحمه .. و نظرية البوز بيز
الشرقيه و الغربيه .. متعودين غالبا ان الشوارع فاضيه .. تلاقيهم بيكسروا جامد ...
من الاخر كل واحد ادرى بمدينته .. لاننا كلنا مصريين فالاخر ....
و أنا لما بسوق فى حته غير اسكندريه.... بحس ان حجات غربيه بتحصل..!!
مشكلة البلد (اسكندريه) ده كتير....
الواحد كل يوم و التانى يشوف حد ميت على البحر... مش عربيات لأه واحد بيعدى على رجله.....
1)ده الواحد بقى بيشوف العجب و استهتار الناس بحياتها... تلاقى الواحد بيعدى و بيتكلم فى الموبايل و بيبص عكس الاتجاه.... و اللى سايق هو يتصرف و ياخد باله حتى لو اللى وراه حيلبس فيه مش مشكله...
اللى يغيظك ان النفق تحت رجله......
أنا لما ألاقى راجل أو ست كبيره .. أقول معلش يمكن ميقدرش ينزل و يطلع ... بس لما يبقى شاب... أنا بشد فى شعرى و أنا سايق...
مع العلم أنا عمرى ما عديت الا من نفق مشاه!!!!
2) سرعة 60 قليله على حجم الشارع... و لكن هل معنى الكلام ده ينطبق على كل العربيات...؟؟؟
لأ و ألف لأ لازم كل واحد يكون عارف امكانياته و امكانيات عربيته.... يعنى مش واحد راكب 128 و عايز يجرى و ياخد فى غرز زى ما بنشوف ولا كأنه راكب بىام.....
لا اعرف امكانيات عربيتك و تعامل معاها على قدها... عشان تحمى نفسك و اللى حوليك...
و برده لما تمشى 60 لوحدك و كل اللى حواليك ماشيين بسرعه مشكله...
3) سواقين التكاسى و المشاريع.... طبعا فى غنى عن التعريف.... و مش محتاج أشرح...
... حجات كتير..... كفايه كده عشان افتكرت ببقى عامل ازاى و أنا سايق دمى جرى فى عروقى.... بقالى كذا يوم منزلتش عشان عندى امتحانات
دى كل الصور اللى لاقيتها للحادثة فعلا حادثه بشعه جدا جدا جدا جدا ربنا يرحم اللى ماتوا فيها
http://photos-b.ak.fbcdn.net/photos-...529_418582.jpg
http://photos-f.ak.fbcdn.net/photos-...533_332038.jpg
http://photos-e.ak.fbcdn.net/photos-...532_322985.jpg
http://photos-c.ak.fbcdn.net/photos-...70_6974259.jpg
http://photos-b.ak.fbcdn.net/photos-...69_3223870.jpg
http://photos-d.ak.fbcdn.net/photos-...71_6289358.jpg
مصرع ضابط شرطة ومواطن وإصابة شخصين بحادث بالإسكندرية
احفظ الخبراطبعأضف تعليق ارسل3/20/2009 9:53:00 Pm
الإسكندرية - محرر مصراوي - لقي نقيب شرطة ومواطن مصرعهما وأصيب آخران إثر حادث تصادم بين سيارتي ملاكي بمنطقة المنتزه شرق الإسكندرية.
تلقي مدير امن الإسكندرية اللواء خيري موسي بلاغا بوقوع تصادم بين سيارتين بطريق كورنيش الإسكندرية بمنطقة المنتزه، مما أدي لمصرع نقيب شرطة " معتز النقلي" الضابط بقسم شرطة كرموز بالإسكندرية وشخص أخر بينما أصيب شخصان بكسور وكدمات مختلفة ونقلا إلي المستشفي الرئيسي الجامعي لإسعافهم.
تبين من المعاينة إن أحدي السيارتين تخطت الجزيرة الوسطي للطريق لتصطدم بالسيارة الأخرى التي كان يستقلها الضابط في الطريق المعاكس .
صرحت النيابة العامة بدفن الجثتين وقررت انتداب مهندس فني لفحص السيارتين لتحديد سبب وقوع الحادث .
المصدر: وكالة أنباء الشرق الأوسط
طاب ايه رأيك لما تلاقى واحد معدى مع مراته و ابنه رضيع حاطه فى عربية اطفال و جاررها قدامه و بيعدى البحر كانه ماشى فى مول !! حاجة تجن :Copy of majd(4):اقتباس:
المشاركة الأصلية كتبت بواسطة volcano12
لا حول ولا قوة الا باالله ..
يا ريت الناس يكونوا اتعظوا ولو شيء بسيط ..
لا اله الا الله
برده انهاردة على الدولى نيو اكسنت متدمرة
ربنا يسترها معانا جميعا
بصراحة يا جماعة اللى مستغنى عن عربيته يسوق فى كورنيش اسكندرية خصوصا الصبح ساعة المدارس و تعالوا اتفرجوا على المهزلة ....مش اقل من 2000عربية بيعدوا من ملف واحد من الساعة 7:30 الصبح ل 8:30 ص (ملف مستشفى الشاطبى).
بمناسبة المخلوقات اللى بتعدى البحر (لو مكانش ربنا كرم الانسان انا كنت شتمت بالفاظ يعاقب عليها القانون من هنا لغاية ما اموت) مرة كنت راجع من مشوار و داخل على ملف استانلى التانى امام السوق الحرة و السراية و الاقى مرة واحدة صوت فرامل شديد من العربية اللى قدام قدامى و طاااااخ و ابص الاقى اربع ستات عاملين زى حلة المحشى بيجروا و اطنان اللحمة بتتهز و بيضحكوا و كانوا السبب فى تدمير الفيرنا اللى فرمل عليهم و الماتيز اللى دخل فى الفيرنا و انا كنت ورا الماتيز بس الحمد لله لميت نفسى على الاخر و عينى على المراية بابص على العربية اللى حاتدخل فيا من ورا و طلعت ميجان بس الحمد لله فرمل على الاخر برضوا........طبعا لو كانوا البشر اللى بيعدوا دول فيهم مخ مكانوش عدوا من الملف المقرف ده ....الملف اللى الناس كلها بتكسر فيه على بعض و كله بيحاول يسبق كانه حايلف و يدخل الجنة
الخلاصة ان اسكندرية محتاجة حل جذرى للمرور و انا باقترح عمل حواجز اسمنتية بين الحارات على البحر زى الحواجز اللى موجودة على الجزيرة فى الصحراوى وده لغاية ما الناس تتعلم ازاى تسوق فى الملف .
انا كاسكندرانى بعترف ان 90 % من اللى بيسوقوا فى اسكندرية واخدين السواقة عملية بلطجة و كل واحد عامل فيها مفتح و واخد شلوت محترم فى نفسه ليه مش عارف ؟؟؟ هل ده نقص و شعور دفين بالدونية ؟؟ و لا مرض نفسى ؟؟
المشكلة اللي عند الإسكندرانية في شهور الصيف هي وجود عربيات جيزة وقاهرة في الطريق !اقتباس:
المشاركة الأصلية كتبت بواسطة abzoabzo
إحنا بنعرف نسوق إزاي وفاهمين بعضنا وعارفين الملفات فين
إنما لما بتظهر عربية غريبة على الطريق السواق بيطبق القواعد اللي بيتعامل بيها في محافظته وبيفرضها علينا !!
يعني مثلا معظم المصيفين فاكرين أخر حارتين على الشمال دول الحارات السريعة اللي فيهم الجري
فتلاقي في كل يوترن عربية جيزة لابسه فيه , أو يحاول يفاديه على أخر لحظة فيكسر على الخلق
الملفات واليوترنات عندنا بيتعرفوا ما بيتشافوش نظراُ لشكل الساحل
مش كل طريق عريض يبقى صلاح سالم !!