نيفا

**x_gomgom** · 06-08-2009 11:32 AM

الصراحه مش عارف ايه دا!!!!
انا متفق معاك انه اصلا انت بتشتري عربيه توكيلها سئ الصراحه بس العربيه مش وحشه للدرجه دي!!! طقم بيض من 8000!!!!
انا معايا الروسي 1993 و عامل حاليا 193.000 و عمري ما جيت جنب العفشه غير مساعدين فقط مع العلم ان استخدامي 70% منه علي مدقات و طرق مكسره و غرز.... و زميلي دلوقتي داخل علي 10,000 و ركبتها معاه بسم الله ما شاء الله حلوه و تكيفها معقول و عفشتها تمام و مفيش اي مشاكل في الات الجر...
ربنا يكون في عون الراجل دا بجد ... ريحه البنزين دي الوصلات بتاعه التنك و العوامه غالبا مهربين معلومه تنك البنزين يتاعها تحت الكنبه الخلفيه مباشره و دا اللي مخلي الكنبه اللي ورا عاليه عن الكراسي اللي قدام...
شكراً لمشاركتك

**elshaba7ana** · 28-08-2009 04:03 AM

موضوع جامد

**max_ziro** · 07-11-2009 09:38 PM

ولله العربية دى انا بعشقها انا كنت ساعات باخدها امرمط فيها حبة و اعمل حبة اثارة ف حياتى و ادخل ف الرمل و اخش حبة ف الرمل و بعيد عن المدنية
كنت بعملها زى فسحة كدة ولله كانت بتستحمل استحمال بشع
بس فعلا كانت غير مريحة و قعدت ييجى 7 سنين معانا طلعان عين ابوها و ولا مرة العفشة اتلمست غير ف علبة الدركسيون كان فيها عضة ..

**Ellawai** · 06-02-2010 09:04 PM

المشاركة الأصلية كتبت بواسطة m!na

و كمان فيه ريحة بنزين بصفة مستمرة في الكابينة... و حتى التوكيل نفسه مقدرش يحلها...
و يا سلام بأة لو قافل الازاز و مشغل التكييف.... ريحة البنزين بتزيد جدا جدا....
دا غير أن خراطيم ووصلات التكييف مبقوش يوصلوا الهوا زي الأول بعد ما العربية دخلت في مطبات و مدقات....

ريخه البنزين المستمره لان التنك راكب داخل الكابينه تخت الكنبه الخلفيه

**monzer_500** · 03-03-2010 03:38 PM

انا كمان عايز عربية نيفا تكون اواخر التمانيات كده علي اد فلوسي فلو ياريت حد يعرف قطع الغيار بكام وظروفها ايه متوفرة ولا لا وايهاهم عيوبها وكده يعني ويايت لو في تعديلات فيها يبقي يقولي لانى بصراحهعاشق نيفامع العلم انها هتبقي استخدام شخصي ليا

**marwan_147** · 05-03-2010 11:18 AM

عربية حلوة لما بتتعدل

**monzer_500** · 19-03-2010 11:40 AM

عن نفسي يا جماعه انا بحترم العربية دي جدا وبدور عل واحده بس مش لاقي حاجه كويسه يعني وكل الي معاه نيفا مهمل جدا فيها ومش بيعاملها كانها عربيه .. دي بصراحه حمله اسيه وياريت لو فيحد معاه نيفا كويسه يتصل بيا monzer_500@yahoo.com