مقابلة شهر سبتمبر (تفاصيل بالصور والفيديو)

**ahmed ismail** · 08-09-2007 07:09 AM

سلام عليكم رحمة الله وبراكاته

انهارده يا جماعه كان المقابلة الشهرية بتاعت اعضاء نايل موتورز

الجو العام للمقابلة كان يسوده الحب والاحترام والالفة المتبدلة بين الاعضاء

الواحد بيحس انه بيقابل ناس فعلا قمة فى الادب وفى الاخلاق فى جو انسانى رائع بعيدا عن مشاغل الحياة ( ربنا يسمحها بقى)

جيت انا المقابلة على الساعة القديمة وصلت المفروض الساعة 3 ابص يمين وابص شمال مفيش حد الشمس حر نار واقول طب استنى خمس دقايق ديه ناس كلهم محترمة وبتحترم المواعيد

قلت يبقى اكيد فى حاجه غلط قلت اسال اللى الناس الللى قاعدين جمبى

لو سمحت الساعة كام

راح قايلى الساعة 2 يا كابتن

بصت لنفسي كده روحت قايل يا مسطول
وانت مصلى انهاردة الفجر والضهر بدرى ساعة على اى اساس

المهم يعنى

رحت قلت اروح البيت اتغدى بقى كده واظبط وراجع تانى

رجعت لقيت واحد بس

يا ترى مييين

اكيد يعنى واحد مهم جدا

المهم يعنى عشان مطولشي عليكم لقيت

نادر

ومكنتش متوقعه نوهائى المهم

المهم قاعدت ابصله كده ولقيته جاى يسلم عليا

وبعد كده جاه باورت وبعد كده جيه معاذ واقرابه

والناس بدات تهل كلها بعد كده

المهم بقى استاذ كريم اللى طلب الميعاد يبقى الساعة 3 جه متاخر والى ساعة

احنا فوتناهله بمزجنا اه امال اييه

حنفى خلاص حتنزل المرة دى

المهم قعدنا لحد حوالى الساعه 8

وبعد كده الناس بدات تتسرسب واحد ورا التانى

لحد مبقاش غير حوالى سبعه اخوة
دكتور احمد سمير خدنا ورحنا على كافية فى التجمع الاول

وقضينا بقيت السهرة لحد الساعة 12

وبعد كده كل واحد فينا بيتك بيتك

الواحد كان سعيد خالص والله

الفيديو انا رفعته اه

اتمنى انكم تستمتعوا بيه

http://www.youtube.com/watch?v=TIVHdHPxeOg

**AlmAhAtmA** · 08-09-2007 07:33 AM

من اجمل الحاجات الحلوه اللي حصلت في المقابله اللي فاتت
اني اتعرفت عليك

**معاذ الشرباصى** · 08-09-2007 07:34 AM

ايه الحلاوة دى يا احمد

الفييديو جميل, تسلم ايدك

و الله الواحد اتشرف النهاردة بمقابلة ناس كتير كان نفسه يشوفهم من زمان

و انت اكيد واحد منهم

**ahmed ismail** · 08-09-2007 07:37 AM

من اجمل الحاجات الحلوه اللي حصلت في المقابله اللي فاتت
اني اتعرفت عليك

الله يخليك يا استاذ هانى

كفاية الشيكولاته للى كانت مغرقة الدنيا امبارح

بصراحة يعنى انت كنز ميتعوضش :mrgreen:

بهزر طبعا والله يا استاذ هانى الواحد سعيد ان بقابل شخصيات مميزة زى حضرتك والله ده شئ يشرفنى ويزيدنى فخرا

**ahmed ismail** · 08-09-2007 07:38 AM

ايه الحلاوة دى يا احمد

الفييديو جميل, تسلم ايدك

و الله الواحد اتشرف النهاردة بمقابلة ناس كتير كان نفسه يشوفهم من زمان

و انت اكيد واحد منهم

والله يا معاذ ده من كرم اخلاقك ونبلك بس

انت فعلا الواحد لما بيبصلك كده بيحس براحه نفسية عجيبة

اللهم دم علينا ودنا وحبنا يا رب العالمين

اللهم امين

**3mr Farrag** · 08-09-2007 09:01 AM

بجد كانت مقابله اكثر من رائعه
و كفايه ان الواحد اتعرف علي ناس جديده محترمه ....و طبعا الباشا احمد اسماعيل منهم
و شكرا يا باشا علي الفيديو الجميل ده

**PAYOO** · 08-09-2007 12:44 PM

أنا أول ما سمعت الموسيقى التصويرية إللي أنت حاططها يا أبو حميد أفتكرت أني هاتفرج على تمثيلية البخيل وأنا وفريد شوقي هايطلع يقوللنا ماحدش يشرب أكثر من مشروب عشان متبعزقوش فلوسكم

لكن بعد شوية كده لقيت نفسي أنسجمت مع الموسيقى وحسيت أني بتفرج على ليالي الحلمية ناس جدعه وشباب زي الورد ولمة حلوة وصحبة أحلى ونفوس هادية وجو جميل وألفة وموده وحاجة بصراحة تشرح القلب

أنا بتمنى أن نايل موتورز يبقى نموذج مصغر للمصرين في العصر الحديث ونحاول نثبت للجميع أنه بالرغم من الحياة المدنية وما فيها من صخب ودوشة وأنشغال إلا أنه مازال هناك مصريين محتفظين بسماتهم الأساسية وهي العِشرة (فعلا أحنا ناس عِشَريين)

وربنا يديم المحبة يارب