الماليزى اجود واكفاء وارخص من الكورى
عرض للطباعة
الماليزى اجود واكفاء وارخص من الكورى
أتفاق مع أغلب ما قيل .... :w6266d
أي شركة بتشتري شركة عندها خبرة مش علشان تأخد أسمها .
و بروتون هاتفضل طول عمرها بروتون و ماليزي ...... و فولكس فاجن أتحايلت على الحكومة الماليزية علشان تشتريها و كان فيه مفاوضات كبيرة جدا و رفضت الحكومة الماليزية لتبقيها ماليزية و في أيدي ماليزية .
و بروتون أشترت لوتس علشان خبرة لوتس ....... و فعلا أستفادوا منهم كتير .
لأن الأستفادة دي وفرت عليهم سنين من الأبحاث و المصاريف .
و النتجية عربيات محترمة ....... و أفضل من عربيات كتير كوري .
و لكن كوريا تتفوق بأعداد الموديلات و اللي بتبدأ بعربيات صغيرة و تنتهي بعربيات كبيرة فاخرة .
على فكرة هل هيونداي لما أشترت تصميمات من فورد أصبحت تمحك في فورد ( في بداية الثمانيات ) ؟؟؟
و لما دايو كل موديلتها مبنية على عربيات أوبل ... يبقى كدا أوبل أصبحت كوري ؟؟؟
على فكرة فولفو بتبيع أقل من هيونداي
هل معنى كدا أن هيونداي أحسن من فولفو ؟؟؟
لا لا لا لا يا أخي الكريم .
بُص هيونداي أو كيا أو دايو زمان قبل ما تنتهي .
عندهم موديلات كتيرة قوي
من بداية العربية الصغيرة ....... للفاخر اللي بيناطح العربيات الفاخرة في العالم
يعني مثلا كلام الدكتور أحمد سامي فوق مظبوط جدا .
مينفعش أقارن مثلا ماروتي بفيرنا و أقول الماروتي أحسن علشان ياباني .
لما نقارن نقارن عربية بعربية .
يعني أجيب اللي في نفس الفئة الحجمية و المحرك و أبدأ أقارنهم ببعض .
مثلا عندنا
الجين 2 و الواجا من ماليزيا
و عندنا الفيرنا ...... و النيو أكسنت ... و الألنترا و السيراتو .......
شوف كام واحدة من كوريا داخلة المقارنة في نفس فئة الحجم تقريبا .
إنما ماليزيا بتنتج أنتاج محترم ...... و بيتميز بحاجات مش موجودة في أغلب المنافسين الكوريين .
و في نفس الوقت كوريا بتنتج موديلات كتيرة و كل موديل له مميزاته و له عيوبه
و أحسن ميزة موجودة في الكوري عموما .
جودة التقفيل ....... نعومة العربية
أحسن ميزة في الماليزي .
القيمة مقابل المال .
الثبات و النفحة الرياضية .
فالتعميم مش مظبوط و مش هايدي نتيجة مظبوطة .
كورى طبعااااااااااااااااااااا
مع ان ماليزيا بتعمل البروتون وجاااااااامدة جداااااااااااااا
انا بالنسبة ليا اثق فى الكورى اكتر
تاعلو مثلا نشوف تقفيل النيو اكسنت والجين 2
هتلاقى النيو احسن
الكورى يحاكى ويضاهى اليابانىالأن
الماليزى جديد ومجتهد وفى بضع سنوات قليلة سيأخد الثقة الكاملة
الاثنين ممتازين بس عامل الخبرة مع كوريا الجنوبية
وجهت نظر أخري لماذ """" أم""""" أنا أثق فى الكوري والماليزي .... وان كنت تقصد أيهما افضل الكوري ولا الماليزى فالمقارنه غير متكافئه نوعا ما للاسباب التى ذكرت مسبقا من الاخوه الافاضل .... ولو عايز الموضع بشكل تانى .... الناس بتفضل الكوري ام الماليزى ..... ممكن اقول ان اغلب الناس هتفضل الكوري ليه عشان الانتشار الواسع والعربيه امامه طول النهار والليل ده غير الدعايه اللى ممكن تلعب دور جامد جدا واحنا بنحب الدعايا والشهره عموما والواحد ممكن ياخد حاجه عشان زى مابنقولوا متصبطه ويسيب حاجه احسن منها ...... زي كده لما دكتور يكون مشهور وغالى مولع نار وممكن يكون فيه واحد لسه خريج قريب ويشخص احسن منه ( مع عامل الخبره طبعا) بس محدش عطا ليه فرصه ومعندوش دعايه كافيه وبرضوا مثلا عربيه زي الساب لودخلت مصر دلوقت وقلت لواحد ساب ولا النترا مثلا هيقول ايه طبعا الهيونداي فالعمليه ميديااااااااااااااا مع طبعا انك ما تكنش مستهلك مش فاهم حاجه وتدبس فى حجات مغموره من غير ما دورها فى دماغك
ولك منى فائق التحية والتقدير
الماليزي احسن من الكورى