تحياتى للجميع
ازيك يا عم عماد
انا ماشى الحمد لله كويس فى الامتحانات
انا مش عارف موضوع الطبه دى ايه بس طمنى وربنا يستر
والفلتر اسعاره من 25 الى 70
انا جربت الرخيص طلع تعبان جدا بيهرب بنزين ويخنق العربيه
عرض للطباعة
تحياتى للجميع
ازيك يا عم عماد
انا ماشى الحمد لله كويس فى الامتحانات
انا مش عارف موضوع الطبه دى ايه بس طمنى وربنا يستر
والفلتر اسعاره من 25 الى 70
انا جربت الرخيص طلع تعبان جدا بيهرب بنزين ويخنق العربيه
فى حد عامل فى عربيته اكصدمات فيبر وزيادات ولا ايه
مساء الفل على احلى ربطة انا ياجماعة اتعورت صرفت 1000جينة فى العربية غيرت اسطواناة ودسك وطبة وسير الكاتينة وبوجهات الطبة موجودة بين الفيتيس والماتور طبة مياه مدورة قطر50معروفهودى سببها الماء البيضاة الى كلها ملحلازم ياجماعة طحطو ماء خضراء علشان تحمو العربية علشان اركبها لازم افك الفيتيس ولما فكيت غيرت بالمرة السطوانة والدسك اخذة يوم كامل بس فى حاجة العربية بدورش الصبح بسهولة والمرش كويش فكيته زى الفل مش عارف اه السبب كمان البطارية جافة على الاخضر لو حد يعرف يقول
مساء الفل علي احلي شباب في احلي رابطه في احلي منتدي
انا ياشباب عندي مشكله مدوخاني شويه
العربيه بينقص فيها الزيت جامد وانا شايف في تسريب زيت من عند الماسوره اللي بنحط فيه الزيت هيا فايبر فتقريبا اتخرمت ولا حاجه
المهم انا عايز اجيب ماسوره تانيه ياتري اجيبها منين وبكام ؟
ولحد يعرف ميكانيكي قريب من حلوان او المعادي شغال في السيينا و محل قطع غيلر ياريت
معلش انا طولت عليكم؟
يا جماعة أنا غيرت فلتر هوا وبنزين وبوجيهات .. جبتهم من عند الكيلانى ..
بس استهلاك البنزين متغيرش .. لسه زى ما هو عالى ..
ايه الاحتمالات التانية ؟؟
كمان امبارح كنت ماشى بالعربية مشوار صغير كده ومشغل التكييف .. عينى جت على أمبير الحرارة لقيته قرب يوصل للآخر .. طبعا اتخديت جدا .. المهم ركنت وفتحت الكبوت لقيت تسريب من قربة المية .. سبت العربية تهدى شوية ورحت للميكانيكى قالى دى قربة المية روح لحد بتاع ريداتير يلحمها أو يغيرها .. رحت لواحد قالى لأ غيرها لأن اللحام مش بيستحمل .. وقالى ان قربة المية بتاعة السيينا بتبوظ كتير .. المهم رحت اشتريت واحدة بـ 100 جنيه وغيرتها وغيرت المية العادية بمية خضرا .. بس بصراحة فضلت قلقان ليكون الموتور حصله حاجة ..
بصراحة يا جماعة أنا قلقت من السيينا وبفكر أبيعها .. يعنى الواحد لو شغل التكييف شوية قى الحر يلاقى الحرارة عليت وممكن الموتور يبوظ ؟؟ كمان التكييف فى الحر بالنهار ضعيف خالص .. كمان استهلاك البنزين عالى جدا ..
العربية حلوة وعجبانى بس الحاجات دى تقلق بالذات موضوع الحرارة .. !!!!
ياعم متخفش و متكرهش العربيه دي بجد عربيه ممتازه والمشاكل اللي عندك بسيطه
1- استهلاك البنزين : حضرتك ممكن تطلع لاي حد عنده كمبيوتر اعطال وتخليه يكشفلك علي العربيه ممكن يكون حساس الشكمان مخرف او عايز يتنظف او ممكن تكون ماسوره الراجع بتاع البنزين مسدوده و عموما ممكن الكشف يبين اي مشاكل تؤدي لاستهلاك عالي في البنزين او ارتفاع في الحراره
2- الحراره : في اسباب كتيره اللي انااعرفه انا منهم
1. السرعه التانيه للمروحه ( ودي لازم تشتغل اول ماتشغل التكييف)
2. ثرموثتات الكوعه بتعات الميه ( ممكن يكون معلق ) ده شيلوه لانه بيصدي وبيقلل من كفاءه دوره التبريد
ده طبعا بخلاف المشكله بتاعت القربه اللي اتحلت تقربيا
وبأذن ربنا تخلص من مشاكل العربيه لانه بجد دي عربيه تستاهل الاحترام
wet7014 و midotick متشكر جدا على الرد ..
طيب أنا ان شاء الله حروح لحد متخصص أكشف عليها .. ناوى أروح للمركز بتاع المطار .. لو حد يعرف مكان كويس أقرب من كده ياريت يقولى ..
بس عندى سؤال تانى .. واحد صاحبى قالى ان العربية دى مينفعش تدور بالزق عشان الكونترول يونت بتبوظ لو عملت كده .. وخلانى قلقت برضه من الموضوع ده والبطارية نامت منى من كام يوم كده عشان كنت بصلح زرار الإزاز الكهربا وفاتح الكونتاكت فترة .. فرحت جبت واحد بوصلة ومردتش أدورها بالزق .. الكلام ده صحيح .. ؟؟
وقالى كمان ان الموتور بتاعها لو جاب وش سلندر مش بينفع يتصلح ولازم عمرة كاملة .. !!!!
أصل صاحبى ده كان شغال فى توكيل فيات زمان قبل ما يكون مع أوماترا فقعد يقولى خلى بالك من كذا وكذا بصراحة عقدنى من العربية .. !!!!!!