اخبار الناس والامتحانات والسينا ايه
عرض للطباعة
اخبار الناس والامتحانات والسينا ايه
تمام كله تمام ما عدا الامتحانات رخمة اوى مش عارف ليه السنة دى
[frame="1 80"]
ربنا معكم دعاء من القلب الى احلى ربطة
اخوكم عماد
[/frame]
\سلامى للجميع
اخبار السينا ايه
هو فى حد يا جماعه غير فلتر بنزين عاوز اعرف نوع كويس علشان جبت نوع وباظ
تحياتى يا عم عماد
يا جماعة أنا جبت سيينا 1600 ... حلوة جدا بس استهلاك البنزين عالى ..
يا ريت حد يقولى استهلاك البنزين فى السيينا الـ 1600 كام ..
وحاسس ان الفرامل ضعيفة هل ده الطبيعى بتاعها ولا التيل محتاج يتغير ؟؟
التيل محتاج يتغير وشوف الطنابير لو عايزه تتنضف او تتغير بس هى فراملها حلوه اوى
ومتحكمش على العربيه غير لما تغير بيجوهات وفلتر بنزين وتظبط عربيتك وبعد كده تحسب
وهشوفلك سعت السينا 1600 ونظامها وهرد عليك
الف الف ميروك يا احمد باشا على العربية وربنا يديك خيرها ويكفيك شرها..
بص يا سيدى بالنسبة للاستهلاك فهى فعلا استهلاكها عالى جدااااا وانا عندى ال 10 لتر بيعملو 65 كيلو بس عارف حضرتك طريقة السواقة بتفرق جااامد جدا فى العربية دى يعنى لو محرقتش مش هتاكل جامد بس انا بحرق لان الموتور مغرى اوى بصراحة...لكن متحولش تقارنها بالكروى واليابانى لانى مش بيستهلك اصلا..
اما مراكز الصيانة ففى مركز فى طريق المطار جامد جدا وفاهمين فيها..
جبتها على كام صح؟؟؟وعملة كام كيلو؟؟وشكرااا
وياريت لو ممكن صور؟؟
واهلا بيك فى رابطة السيينا
الله يبارك فيك ..
أنا حطيت 20 لتر 92 .. وكنت بسوق سواقة هادية وشغلت التكييف مرتين كده كل مرة ربع ساعة تقريبا .. لقيتها عملت 130 كيلو تقريبا .. بصراحة زعلت جدا لانى عارف ان اللانوس مثلا بتعمل حوالى 230 - 250 والفيرنا 200 ..
فقلت كده استهلاك البنزين عالى أوى فى السيينا .. مش عارف ليه مع انه موتور 1600 والفيرنا 1600 16 صباب برضه بس استهلاكها أحسن .. ومع ان معروف ان الفيات "الحديث طبعا" استهلاكه كويس جدا فى البنزين .. مش عارف اشمعنى السيينا ..
بس العربية فيها مميزات تانية كتير ..
بس اللى أغرانى فى العربية دى انى حسيت انها فرصة كويسة .. أنا أصلا كنت ناوى على البونتو .. بس لما قعدت فيها لقيتها صغيرة وشنطتها صغيرة .. وملقتش واحدة حالتها كويسة بالسعر اللى كنت بدور فيه .. أنا كنت بدور على حاجة فى حدود 42 .. المهم لقيت العربية دى فى الوسيط مكتوب انها استعمال سنة واحدة ومرفوعة وماشية 25000 ومعروضة على 45000 .. رحت اتفرجت عليها لقيت شكلها نضيف وحالتها ما شاء الله كويسة .. المهم الحمد لله أخدتها على 43000 ..
أنا بس حسيت بالندم شوية وقلت ياريتنى جبت الـ 1400 .. بيقولوا صيانتها أسهل وأكيد استهلاك البنزين حيبقى أقل .. هى دى موتورها جامد جدا .. بس كده كده أنا تحركى أغلبه جوه البلد وكده كده السرعة مبتعديش حد معين ..