رابطة عشاق و مالكى فيات سيينا بجميع موديلاتها

**wet7014** · 23-03-2009 08:47 PM

المشاركة الأصلية كتبت بواسطة postagy

اشكرك wet7014 على المعلومات القيمه جدا اللى انتى عرضتها وكمان اسلوب العرض ممتاز وبيدل على تفكير منمق مرتب
هو بس انا عندى استفسار هو الدنجل ده ( الجزءالخلفي الدفرنثيل)مش المفروض يكون فى العربيات الجر الخلفى ؟
معلوماتى ان السيينا جر امامى
حاجه تانيه انى هاشتريها زيرو برضه ابص على اللى انتى قلت عليه ولا ده فى حاله المستعمل بس
واشكرك مره تانيه

لا الدنجل مش مقصود به الدفرنثيل اللي في العربيات الجر الخلفي( اللي هوه فيه الكرونه )

المقصود الدنجل اللي ماسك العجلتين الخلفين ببعض

ولو حضرتك بتفكر تجيبها زيرو فأكيد هوه هيجي سليم

و بعدين المعلومات اللي انا قولتها عن السيينا الموديل القديم و الزيرو ده الموديل الجديد
الموديل الجديد فيه اختلاف كبير عن الموديل القديم
وانا الصراحه معرفش عنه الكتير
فلو حد من ملاك السيينا الجديده هيفيد حضرتك اكتر مني

وربنا يوفق حضرتك وحضرتك اللي تقولنا كل المعلومات عن السيينا الجديده

**ahmed1_com** · 24-03-2009 12:02 AM

طب ممكن اعرف السينا ولا البونتو والسينا شكلها فقير جدا وماتورها ضعيف جدا فياريت رايكم عشان انا ناوى باذن الله

**awazeer** · 24-03-2009 12:23 AM

ياااه اخيرا رابطه للجميله سيينا
يسعدني طبعا اني انضم للرابطه دي وياريت اي حاجه او استفسار بخصوص العربيه دي يكون هنا بدل مالمواضيع متنطوره كده
واي حاجه في حدود معلوماتي هرد عليها عشان كلنا نستفيد

**motoxp** · 24-03-2009 11:23 AM

المشاركة الأصلية كتبت بواسطة ahmed1_com

طب ممكن اعرف السينا ولا البونتو والسينا شكلها فقير جدا وماتورها ضعيف جدا فياريت رايكم عشان انا ناوى باذن الله

السيينا عربية ممتازة وبها شنطة واسعة تنفع للسفر ومين اللى قال ان موتورها ضعيف بالعكس ده قوى جدا انا مجرب 1400 بس اكيد 1600 اقوى بكتير

البونتو شبابى و اوسع من السيينا موتورها ممكن يكون اقوى و العربية اثبت من السيينا لانها هاتشباك

شوف حسب انت عايز ايه : عربية عائلية او عربية شبابى

اى خدمة

**emadheneen** · 26-03-2009 09:52 PM

طبعا عندى سينا ويسعدنى انضم اليكم وكمان عايزين كل واحد يقع فى مشكلة يقول الحل ازاى علشان كلنا نستفيد وكمان الى عندة الكتالوج ويقدر يرفعو لينا
واحب اعرف احلى اصحاب موضوع على السينا جامد موت

**tooofey** · 27-03-2009 03:10 AM

سلام عليكم انا لسه شاري سيينا 2001 - 1400 سي سي امبارح هي عربيه جميله ماشاء الله بس مقابلني كذا مشكله الاولى ان الحراره بتوصل لحد 100 تقريبا وبترجع تاني للنص لما المروحه تشتغل بس لما بجري بتنزل جامد و قحروح بكره انضف الرادياتير وربنا يسهل المشكله التانيه انها بتسحب بنزين كتير وده مش عارف من ايه يعني تقريبا 15 لتر / 100 كيلو وربنا يسهل والمشاكل تتحل واللي عنده اقتراح يقوللي

**skuleofdie** · 27-03-2009 05:06 PM

السلام عليكم انا من مشجعي السيينا انا قدامي سيينا مو 2003 و 1400cc عايز اعرف رايكم

**motoxp** · 28-03-2009 07:49 AM

المشاركة الأصلية كتبت بواسطة tooofey

سلام عليكم انا لسه شاري سيينا 2001 - 1400 سي سي امبارح هي عربيه جميله ماشاء الله بس مقابلني كذا مشكله الاولى ان الحراره بتوصل لحد 100 تقريبا وبترجع تاني للنص لما المروحه تشتغل بس لما بجري بتنزل جامد و قحروح بكره انضف الرادياتير وربنا يسهل المشكله التانيه انها بتسحب بنزين كتير وده مش عارف من ايه يعني تقريبا 15 لتر / 100 كيلو وربنا يسهل والمشاكل تتحل واللي عنده اقتراح يقوللي

بص انا معايا نفس الموديل 2001 و 1400 سى سى كنت بواجه مشكلة السخونة دى بس نضفت الرادياتير و اضفت مياه خضراء جديدة من نوع ممتاز و الحمد لله عند الوقوف فى اشارة مثلا تكون العلامة قريبة من 90 يعنى النصف مثلا و انا ماشى بيها تكون عند الشرطة الاولى واى خدمة

**awazeer** · 28-03-2009 11:34 PM

بالنسبه للصيانه ايه احسن مكان يتعمل فبه صيانه للعربيه دي دي
انا جربت اوماترا وهما كويسين بس غاليين قوي (بيستعبطو يعني)
مصنعيه 55 جنيه في الساعه وقطع غيار اسعارها في السما

سؤال تاني ايه اللي بيتعمل في صيانة 70 الف كيلو
العربيه 1600 موديل 2000
اتغير فيها عند 60000 طقم الكاتينه وطقم سيور وطقم فلاتر وبوجيهات وتيل امامي و زيت موبيل 1

هي فيها مشكله دلوقتي اني بحس بتزييق لما بدوس فرامل
الحكايه دي بتحصل بعد مامشي 15-20 كيلو (بمعنى اخر لما الطنابير تسخن) و بحس ان الصوت ده جاي من العجله اللي قدام يمين
شكرا