رابطة عشاق و مالكى فيات سيينا بجميع موديلاتها

اقتباس:

---

المشاركة الأصلية كتبت بواسطة ahmed hamdy

أنا بصراحة مبقتش فاهم ده عيب فى العربية ولا ده الطبيعى بتاعها ..
أغلب الناس هنا قالوا تقريبا نفس الرينج ..
الأخ mana9wafaie كان بيقول انها بتعمل معاه 120 بالعافية و200 على السريع ..

والأخ motoxp بيقول بتعمل 140 فى الـ 1400 ..

حضرتك الوحيد اللى قلت كده .. أنا مش بشكك فى كلام حضرتك .. بس قصدى انى مستغرب هى كل عربية وحظها ولا ايه بالظبط .. ؟؟

على فكرة أنا رحت شركة النيل الهندسية اللى هى كانت توكيل فيات سابقا ..
بس للأسف قالى الجهاز بايظ ,, قلت للمهندس طيب ايه ممكن يكون السبب ؟؟ ناس كتير قالتلى ممكن يكون حساس الشكمان قالى فعلا هو غالبا بيكون العيب منه .. بس للأسف الجهاز فى مشكلة .. ممكن تجيلنا الأسبوع الجاى أو تروح أوماترا .. قلتله يعنى مفيش احتمالات تانية أو طريقة تانية نكتشف بيها العيب قالى لأ هو الجهاز اللى بيظهر العيب لو موجود ..
رحت طالع من هناك على المطار فى مركز اسمه روكسان متخصص فيات وعنده الجهاز كشف عليها قالى مفهاش حاجة .. !!!

يعنى لو رحت أوماترا حيعملوا ايه أكتر من كده ؟؟
أعتقد حيدفعونى مبلغ محترم ع الفاضى ..

أنا حجرب أحط من بنزينة محترمة زى إمارات مصر .. ممكن يكون البنزين اللى بحطه مغشوش .. مع انى بحط دايما من شل أو موبيل .. بس مبقاش فى حاجة مضمونة الأيام دى ..

---

أعتقد ان وظيفة الجهاز انه يكشف على الكونترول يونيت اللي هي مسئوله عن توزيع البنزين وبما أنه مطلعش حاجه يبقى كل البنزين اللي بيروح الرشاشات بيتحرق (يعني الكونترول سليم)
طب فاضل ايه بقى؟
الكاتينه وغيرتها ،الفلتر و اتغير ،الرشاشات مش محتاجه تنظيف لأن السحب عندك كويس
يبقى مش فاضل غير الطرمبه (لا قدر الله) ودي بتبقى صوتها واضح جدا
أو العوامه اللي جوه التانك (هي اللي بتعبر عن كمية البنزين اللي فاضل)
انا مستغرب زيك بالظبط لأن الاستهلاك ده مش طبيعي الا لو واحد بيأخر في الغيار جدا وبيفتح سرعات كبيره (يعني فوق 140 ) وده حضرتك مش بتعمله
وعلى فكره بنزين موبيل (جربت محطات كتير ) مش بيقعد كتير اعتقد انه مغشوش جرب وطنيه او امارات

اقتباس:

---

المشاركة الأصلية كتبت بواسطة awazeer

أعتقد ان وظيفة الجهاز انه يكشف على الكونترول يونيت اللي هي مسئوله عن توزيع البنزين وبما أنه مطلعش حاجه يبقى كل البنزين اللي بيروح الرشاشات بيتحرق (يعني الكونترول سليم)
طب فاضل ايه بقى؟
الكاتينه وغيرتها ،الفلتر و اتغير ،الرشاشات مش محتاجه تنظيف لأن السحب عندك كويس
يبقى مش فاضل غير الطرمبه (لا قدر الله) ودي بتبقى صوتها واضح جدا
أو العوامه اللي جوه التانك (هي اللي بتعبر عن كمية البنزين اللي فاضل)
انا مستغرب زيك بالظبط لأن الاستهلاك ده مش طبيعي الا لو واحد بيأخر في الغيار جدا وبيفتح سرعات كبيره (يعني فوق 140 ) وده حضرتك مش بتعمله
وعلى فكره بنزين موبيل (جربت محطات كتير ) مش بيقعد كتير اعتقد انه مغشوش جرب وطنيه او امارات

---

طرمبة البنزين ليها صوت بس أعتقد انه طبيعى يعنى أول ما بلف المفتاح نص لفة بتنور اللمبة الحمرا ويبدأ صوت الطرمبة بس صوت عادى .. معرفش لو فيها مشكلة بيبقى صوتها عامل إزاى ..
العوامة حتى لو فيها مشكلة ومش بتقيس كويس مش فارقة لان أنا لما بحط بنزين تانى بشوف حطيت أد ايه لو على نص المؤشر بيبقى تقريبا 20 لتر ولو على الآخر ودى مش بعملها عشان غلط بس كنت بجرب بتبقى 40 - 42 لتر ..

أنا آخر حاجة حجربها انى أغير وأحط من إمارات مصر أو توتال .. أعتقد دول أنضف محطات دلوقتى .. بس المشكلة انهم قليلين جدا ..

آخر الأخبار ,,
حطيت بنزين من محطة إمارات مصر .. أعتقد الاستهلاك اتحسن شوية يعنى تقريبا بأه 150 .. بس لسه حتأكد ..

حصلى مشكلة تانى فى قربة الريداتير .. كانت باظت بعد ما جبت العربية بأسبوع وغيرتها .. كنت جبتها بـ 100 جنيه بس من محل مش معروف .. يوم الخميس لاحظت ان المية فيها بتنقص .. زودتها ومشيت يوم لقيتها نقصت تانى رحت لبتاع ريداتيرات فكها لقى فيها شرخ من تحت .. رحت جبت واحدة تانية من الكيلانى قالى دى الأصلى بـ 120 .. وجبت ميه Mobil Coolant .. بس للأسف حصل حاجة غريبة بعد تغيير القربة والميه .. لقيت المؤشر بيزيد عن النص .. الأول مكانش بيزيد عن النص .. مش عارف ليه بعد تغيير القربة والمية بأه يزيد عن النص .. بس بيزيد وينزل بعدها بسرعة .. حاسس ان المروحة بقت تشتغل متأخر أو بتشتغل شوية وتبطل شوية .. بيتهيألى ان الأول كانت بتشتغل على طول بعد ما توصل الحرارة للنص لكن دلوقتى بفتح الكبوت بلاقى المروحة بتقف وتشتغل لما الحرارة توصل للشرطة بس .. مش عارف هل ده مشكلة ولا ده الطبيعى .. ؟؟؟ ولا المية هى اللى مش حلوة .. مش فاهم ... !!!!!!!

اقتباس:

---

المشاركة الأصلية كتبت بواسطة ahmed hamdy

آخر الأخبار ,,
حطيت بنزين من محطة إمارات مصر .. أعتقد الاستهلاك اتحسن شوية يعنى تقريبا بأه 150 .. بس لسه حتأكد ..

حصلى مشكلة تانى فى قربة الريداتير .. كانت باظت بعد ما جبت العربية بأسبوع وغيرتها .. كنت جبتها بـ 100 جنيه بس من محل مش معروف .. يوم الخميس لاحظت ان المية فيها بتنقص .. زودتها ومشيت يوم لقيتها نقصت تانى رحت لبتاع ريداتيرات فكها لقى فيها شرخ من تحت .. رحت جبت واحدة تانية من الكيلانى قالى دى الأصلى بـ 120 .. وجبت ميه mobil coolant .. بس للأسف حصل حاجة غريبة بعد تغيير القربة والميه .. لقيت المؤشر بيزيد عن النص .. الأول مكانش بيزيد عن النص .. مش عارف ليه بعد تغيير القربة والمية بأه يزيد عن النص .. بس بيزيد وينزل بعدها بسرعة .. حاسس ان المروحة بقت تشتغل متأخر أو بتشتغل شوية وتبطل شوية .. بيتهيألى ان الأول كانت بتشتغل على طول بعد ما توصل الحرارة للنص لكن دلوقتى بفتح الكبوت بلاقى المروحة بتقف وتشتغل لما الحرارة توصل للشرطة بس .. مش عارف هل ده مشكلة ولا ده الطبيعى .. ؟؟؟ ولا المية هى اللى مش حلوة .. مش فاهم ... !!!!!!!

---

لا الموضوع ملوش علاقة بالمروحة ده دوره المياه واخده هواء

اقتباس:

---

المشاركة الأصلية كتبت بواسطة wet7014

لا الموضوع ملوش علاقة بالمروحة ده دوره المياه واخده هواء

---

مش فاهم

يعني ايه دورة المياه واخده هواء (جه منين يعني )

بصوا يا جماعة .. اللى حصل بالظبط كالآتى ..
لما القربة باظت رحت اشتريت واحدة جديدة من عند الكيلانى وجبت كمان جركن مياه Mobil Coolant .. الجركن 4 لتر بس مش خمسة قلت للراجل طيب مفيش عبوات أقل من كده عشان ده ممكن ميكفيش قالى فى عبوة واحد لتر بس مش موجودة دلوقتى .. رحت لبتاع الريداتيرات .. غير القربة القديمة بالجديدة وحط المياه الموبيل .. بس فعلا عقبال ما خرج الهوا كان الجركن خلص ولسه مستوى الميه قليل راح مزود شوية ميه عادية حوالى نص لتر مثلا .. قلتله مش غلط كده قالى لأ عادى مش حيأثروا يعنى .. بس برضه منسوب الميه كان قليل .. قالى لما العربية تبرد ابقى زودها شوية .. مشيت من عنده وروحت وكانت الحرارة عادية .. وبعد شوية نزلت رحت بنزينة موبيل تانية سألت على العبوة الواحد لتر فلقيتها وجبتها ورحت غسلت العربية وبعدين روحت غطيتها وبرضه كانت الحرارة عادية .. الصبح وأنا نازل قلت أزود شوية المية اللى ناقصين .. كانت العربية والقربة دافية شوية مش باردة خالص أكيد عشان كنت مغطيها .. المهم زودت شوية مية موبيل ومشيت رحت الشغل كانت الحرارة عادية .. وأنا راجع بأه من الشغل لقيت المؤشر بيعلى عن النص بشوية كتير يعنى حوالى ربع كمان .. بس بتنزل تانى بسرعة .. يعنى كل شوية تطلع شوية وتنزل بعد دقيقة مثلا أو أقل .. طبعا اتضايقت جدا وشكيت انى لما زودت المية والعربية دافية مش بادرة تماما دخلها شوية هوا فى الدورة ..
تانى يوم رحت الشغل الصبح لقيتها كويسة .. كان المؤشر ساعات بيطلع سنة واحدة فوق النص قلت عادى دى مشكلة .. وأنا مروح برضه لقيتها نفس النظام قلت خلاص كويس ..

بعد كده نزلت تانى وعلى آخر المشوار وأنا مروح وكانت الساعة تقريبا 11.30 بالليل يعنى مش حر ولا شمس ولا حاجة لقيت المؤشر طلع تانى .. اتعكننت جدا طبعا ... طلعت البيت وبعدين قلت يمكن تكون واخدة شوية هوا بسيط .. ححاول أنزل أعملها بما إنى شفت الراجل بتاع الريداتير بيعملها مرتين أدامى ففهمت بيعملها إزاى وأهى فرصة أتعلم الحكاية دى عشان لو اتزنقت فى حتة أبقى بعرف أعملها .. بس للأسف يا ريتنى ما عملت حاجة .. إنك تفهم حاجة وانك تعمل حاجة تانية .. الحمد لله عكيتها والمية قعدت تفور من القربة ومعرفتش أظبطها لحد ما المية الخضرا كلها خلصت وطلعت جبت ميه من البيت وحاولت تانى برضه معرفتش .. اتخنقت وقفلتها وطلعت نمت ورحت الشغل النهاردة بتاكسى .. ولسه حروح أوديها لواحد بتاع ريداتيرات يعملها وربنا يسهل ...

أنا شاكك ان المشكلة مكانتش هوا ولا حاجة .. وان المروحة كانت بتتأخر فى الشغل .. بس اشمعنى يعنى بعد تغيير القربة والمية ؟؟ وهل الترموستات ممكن تبوظ بالشكل ده ؟؟ يعنى المروحة تشتغل بس متأخر ؟؟ مش لو الترموستات باظت المروحة مش حتشتغل خالص ؟؟

ممكن تكون المية الموبيل دى مش متوافقة مع العربية .. ؟؟ أنا قبلها كنت حاطط ميه خضرا من نوع عادى كانت عند بتاع الريداتير نوعها Champion جركن 5لتر بـ 20 جنيه .. وكان المؤشر مش بيزيد عن النص .. !!!

يا جماعة أنا حاسس انى اتخنقت من العربية وبفكر أبيعها مع انها عجبانى بس هى مشكلتين .. الحرارة واستهلاك الينزين .... !!!!!!!!!!!!!

اقتباس:

---

المشاركة الأصلية كتبت بواسطة Ahmed Hamdy

بصوا يا جماعة .. اللى حصل بالظبط كالآتى ..
لما القربة باظت رحت اشتريت واحدة جديدة من عند الكيلانى وجبت كمان جركن مياه Mobil Coolant .. الجركن 4 لتر بس مش خمسة قلت للراجل طيب مفيش عبوات أقل من كده عشان ده ممكن ميكفيش قالى فى عبوة واحد لتر بس مش موجودة دلوقتى .. رحت لبتاع الريداتيرات .. غير القربة القديمة بالجديدة وحط المياه الموبيل .. بس فعلا عقبال ما خرج الهوا كان الجركن خلص ولسه مستوى الميه قليل راح مزود شوية ميه عادية حوالى نص لتر مثلا .. قلتله مش غلط كده قالى لأ عادى مش حيأثروا يعنى .. بس برضه منسوب الميه كان قليل .. قالى لما العربية تبرد ابقى زودها شوية .. مشيت من عنده وروحت وكانت الحرارة عادية .. وبعد شوية نزلت رحت بنزينة موبيل تانية سألت على العبوة الواحد لتر فلقيتها وجبتها ورحت غسلت العربية وبعدين روحت غطيتها وبرضه كانت الحرارة عادية .. الصبح وأنا نازل قلت أزود شوية المية اللى ناقصين .. كانت العربية والقربة دافية شوية مش باردة خالص أكيد عشان كنت مغطيها .. المهم زودت شوية مية موبيل ومشيت رحت الشغل كانت الحرارة عادية .. وأنا راجع بأه من الشغل لقيت المؤشر بيعلى عن النص بشوية كتير يعنى حوالى ربع كمان .. بس بتنزل تانى بسرعة .. يعنى كل شوية تطلع شوية وتنزل بعد دقيقة مثلا أو أقل .. طبعا اتضايقت جدا وشكيت انى لما زودت المية والعربية دافية مش بادرة تماما دخلها شوية هوا فى الدورة ..
تانى يوم رحت الشغل الصبح لقيتها كويسة .. كان المؤشر ساعات بيطلع سنة واحدة فوق النص قلت عادى دى مشكلة .. وأنا مروح برضه لقيتها نفس النظام قلت خلاص كويس ..

بعد كده نزلت تانى وعلى آخر المشوار وأنا مروح وكانت الساعة تقريبا 11.30 بالليل يعنى مش حر ولا شمس ولا حاجة لقيت المؤشر طلع تانى .. اتعكننت جدا طبعا ... طلعت البيت وبعدين قلت يمكن تكون واخدة شوية هوا بسيط .. ححاول أنزل أعملها بما إنى شفت الراجل بتاع الريداتير بيعملها مرتين أدامى ففهمت بيعملها إزاى وأهى فرصة أتعلم الحكاية دى عشان لو اتزنقت فى حتة أبقى بعرف أعملها .. بس للأسف يا ريتنى ما عملت حاجة .. إنك تفهم حاجة وانك تعمل حاجة تانية .. الحمد لله عكيتها والمية قعدت تفور من القربة ومعرفتش أظبطها لحد ما المية الخضرا كلها خلصت وطلعت جبت ميه من البيت وحاولت تانى برضه معرفتش .. اتخنقت وقفلتها وطلعت نمت ورحت الشغل النهاردة بتاكسى .. ولسه حروح أوديها لواحد بتاع ريداتيرات يعملها وربنا يسهل ...

أنا شاكك ان المشكلة مكانتش هوا ولا حاجة .. وان المروحة كانت بتتأخر فى الشغل .. بس اشمعنى يعنى بعد تغيير القربة والمية ؟؟ وهل الترموستات ممكن تبوظ بالشكل ده ؟؟ يعنى المروحة تشتغل بس متأخر ؟؟ مش لو الترموستات باظت المروحة مش حتشتغل خالص ؟؟

ممكن تكون المية الموبيل دى مش متوافقة مع العربية .. ؟؟ أنا قبلها كنت حاطط ميه خضرا من نوع عادى كانت عند بتاع الريداتير نوعها Champion جركن 5لتر بـ 20 جنيه .. وكان المؤشر مش بيزيد عن النص .. !!!

يا جماعة أنا حاسس انى اتخنقت من العربية وبفكر أبيعها مع انها عجبانى بس هى مشكلتين .. الحرارة واستهلاك الينزين .... !!!!!!!!!!!!!

---

نفس الحوار حصل معايا لما غسلت الردياتير اخر مره كان المؤشر بيزيد عن النص بس تاني يوم الصبح زودتها مياه لغاية العلامه والتبريد بتاعها بقى كويس

المياه متوافقه مع العربيه (المفروض ان كل انواع المياه الخضراء زي بعض الاختلاف في التركيز بس )
لو المياه تركيزها عالي يفضل تخفيفها بمياه مقطره ولو تركيزها قليل مش بتتخفف

الطبيعي بتاعها وهي ماشيه الؤشر يبقى عند الربع (بين الاول والنص )لكن لما تهدى خالص وتكون في اخر المشوار المؤشر بيبقى عند النص تقريبا والمروحه بتبقى شغاله بسرعتها الاولى ولو طفيتها ودورتها تاني الموشر بيعلى عن النص بشويه والمروحه بتشتغل على السرعه التانيه لحد مالعلامه توصل للنص وبعد كده سرعة المروحه بتهدى تاني

ولو مشغل التكييف المروحه على طول بتكون شغاله بسرعتها التانيه والمؤشر بيبقى ثابت عند الربع او تحت شويه

المشكله عندك مش في المروحه لانها شغاله ولا من القربه (اصليه ) ولا من المياه
المشكله ممكن تكون زي مالاستاذ wet7014 بيقول (هواء في دورة التبريد )
عموما ابقى طمنا عملت ايه وربنا يعينك

اقتباس:

---

المشاركة الأصلية كتبت بواسطة awazeer

نفس الحوار حصل معايا لما غسلت الردياتير اخر مره كان المؤشر بيزيد عن النص بس تاني يوم الصبح زودتها مياه لغاية العلامه والتبريد بتاعها بقى كويس

المياه متوافقه مع العربيه (المفروض ان كل انواع المياه الخضراء زي بعض الاختلاف في التركيز بس )
لو المياه تركيزها عالي يفضل تخفيفها بمياه مقطره ولو تركيزها قليل مش بتتخفف

الطبيعي بتاعها وهي ماشيه الؤشر يبقى عند الربع (بين الاول والنص )لكن لما تهدى خالص وتكون في اخر المشوار المؤشر بيبقى عند النص تقريبا والمروحه بتبقى شغاله بسرعتها الاولى ولو طفيتها ودورتها تاني الموشر بيعلى عن النص بشويه والمروحه بتشتغل على السرعه التانيه لحد مالعلامه توصل للنص وبعد كده سرعة المروحه بتهدى تاني

ولو مشغل التكييف المروحه على طول بتكون شغاله بسرعتها التانيه والمؤشر بيبقى ثابت عند الربع او تحت شويه

المشكله عندك مش في المروحه لانها شغاله ولا من القربه (اصليه ) ولا من المياه
المشكله ممكن تكون زي مالاستاذ wet7014 بيقول (هواء في دورة التبريد )
عموما ابقى طمنا عملت ايه وربنا يعينك

---

أنا قعدت أدور فى المنتدى على مواضيع الميه الخضرا .. واللى فهمته إن الميه الصافية بدون إضافات دى أحسن حاجة للتبريد بس طبعا مشكلتها فى الأملاح والشوائب (مع إنى مش فاهم إزاى لإن المفروض الإضافات ده من ضمنها مبرد) وموضوع التركيز ده عشان نسبة الجليكولين اللى هو الهدف منه منع تجمد الميه فى البرد ورفع درجة غليان الميه .. وده احنا مش محتاجينه هنا عشان مفيش برد .. وميه موبيل اللى كنت حاططها كان تركيزها 33% فمش عارف ده السبب ولا الراجل مكانش واخد هوا كويس !!!
ولقيت نصايح بنوع ميه أسبانى اسمه IADA .. جركن 5 لتر بـ 25 جنيه نسبته 5% .. فقمت نازل بعد الشغل على التوفيقية سألت عليه واشتريته .. شكله نضيف وطبعا أحسن خمسين مرة من الميه المصرى اللى غالبا مضروبة ..
رحت خدت العربية من جنب البيت زودتها ميه عادية ورحت بسرعة لواحد بتاع رداتير جنبنا فى دقيقة والحمد لله عملها .. ولقيت المروحة بتشتغل قبل النص بسنة .. بس نزلت أبص عليها بالليل لقيت مستوى الميه قليل شوية فى القربة يعنى أقل من العلامة Min .. مغطتهاش عشان تبرد خالص والصبح بصيت عليها لقيتها برضه عند نفس المستوى وكانت باردة خالص .. زودت شوية وخلتها فى النص بين العلامتين ومشيت رحت الشغل والحمد لله كانت كويسة ولما وصلت فتحت الكبوت ولقيت المروحة بتشتغل قبل النص .. وفعلا زى ما حضرتك بتقول لو بطلت ودورت تانى تلاقى المؤشر على شوية وبعدين ينزل بسرعة .. يا رب بس تفضل كده .. !!

بصراحة حاجة متعبة موضوع دورة التبريد المغلقة دى .. !!!

اقتباس:

---

المشاركة الأصلية كتبت بواسطة ahmed hamdy

أنا قعدت أدور فى المنتدى على مواضيع الميه الخضرا .. واللى فهمته إن الميه الصافية بدون إضافات دى أحسن حاجة للتبريد بس طبعا مشكلتها فى الأملاح والشوائب (مع إنى مش فاهم إزاى لإن المفروض الإضافات ده من ضمنها مبرد) وموضوع التركيز ده عشان نسبة الجليكولين اللى هو الهدف منه منع تجمد الميه فى البرد ورفع درجة غليان الميه .. وده احنا مش محتاجينه هنا عشان مفيش برد .. وميه موبيل اللى كنت حاططها كان تركيزها 33% فمش عارف ده السبب ولا الراجل مكانش واخد هوا كويس !!!
ولقيت نصايح بنوع ميه أسبانى اسمه iada .. جركن 5 لتر بـ 25 جنيه نسبته 5% .. فقمت نازل بعد الشغل على التوفيقية سألت عليه واشتريته .. شكله نضيف وطبعا أحسن خمسين مرة من الميه المصرى اللى غالبا مضروبة ..
رحت خدت العربية من جنب البيت زودتها ميه عادية ورحت بسرعة لواحد بتاع رداتير جنبنا فى دقيقة والحمد لله عملها .. ولقيت المروحة بتشتغل قبل النص بسنة .. بس نزلت أبص عليها بالليل لقيت مستوى الميه قليل شوية فى القربة يعنى أقل من العلامة min .. مغطتهاش عشان تبرد خالص والصبح بصيت عليها لقيتها برضه عند نفس المستوى وكانت باردة خالص .. زودت شوية وخلتها فى النص بين العلامتين ومشيت رحت الشغل والحمد لله كانت كويسة ولما وصلت فتحت الكبوت ولقيت المروحة بتشتغل قبل النص .. وفعلا زى ما حضرتك بتقول لو بطلت ودورت تانى تلاقى المؤشر على شوية وبعدين ينزل بسرعة .. يا رب بس تفضل كده .. !!

بصراحة حاجة متعبة موضوع دورة التبريد المغلقة دى .. !!!

---

كده منقدرش نقول غير الحمد لله
دورة التبريد عندك بقت طبيعيه هو الراجل يمكن مخدش هواء كويس لما عملتها اول مره
خلي بالك بس من مستوى المياه عندك وبص عليه من وقت للتاني (بس مش كل يوم )

السلام عليكم و رحمة اللة

انا انشاء الله هشتري سينا 1600 كاملة 2003بس انا عندي سؤال
اداء السبارة مع تشغيل المكيف اخبارة اية
الكل قال لي انها بتسخن افيدوني
و لكم جريل الشكر