بخصوص استهلاك البنزين ايه رأي حضرتك
عرض للطباعة
بخصوص استهلاك البنزين ايه رأي حضرتك
اقتباس:
المشاركة الأصلية كتبت بواسطة fefo0o0oz
عادى محدش بيتعلم ببلاش كلنا اتعرضنا لنفس الموقف
وكويس ان حضرتك قولت عشان اللى يروحله بعد كده ياخد باله ويفهم هو بيعمل ايه
بالنسبه لاستهلاك البنزين انا لسه مالك جديد للعربيه دى ومجربتش استهلاك البنزين بتاعها
بس انت العربيه عندك 1400 ولا 1600 عشان بتفرق كتير فى الاستهلاك
وعموما هو موضوع الاستهلاك ده ليه كذا سبب يتوقف على
1- الرشاشات بتاعه الانجكشن
2- حاله الاسطوانه والديسك
3- ممكن يكون فيه عيب فى حساس من الحساسات
4- حاله الموتور عندك ايه
بس اسمع عن مركذ الصفا لصيانه الكربراتير والانجكشن انه مركذ كويس هو العنوان بتاعه فى الاعلان فى صفحه المنتدى فوق وليهم صفحه هنا فى المنتدى تقريبا
هما عندهم جهاز تحليل العادم وبيعرف منه العربيه عندك لو بتاكل بنزين العيب منين
ممكن تجرب تروح تكشف عندهم لو انت حاسس ان استهلاك البنزين عندك زياده
أستاذ fefo0o0oz وارد جدا الحوار ده ، بس بعد كده ممكن تسأل الميكانيكي الأول تقولة أية العيب ، وبعدها تروح تسأل على قطع الغيار ، وممكن تبحث فى المنتدى عن العيب (يعني مشكلة الأيديال دي موجودة وممكن كمان تلاقي الحلول ليها) ومش شرط تكون للسيينا ممكن لأى عربية (نفس العيوب ونفس المصنعية تقريبا بيختلف سعر قطعة الغيار )
بخصوص الإستهلاك فأنا بتعمل معايا 200 كم فى الصفيحة ( داخل القاهرة ) وآخر سفرية كانت عاملة 250 كم فى الصفيحة ، العربية 1400 وبمون من وطنية جسر السويس
أستاذ fefo0o0oz وارد جدا الحوار ده ، بس بعد كده ممكن تسأل الميكانيكي الأول تقولة أية العيب ، وبعدها تروح تسأل على قطع الغيار ، وممكن تبحث فى المنتدى عن العيب (يعني مشكلة الأيديال دي موجودة وممكن كمان تلاقي الحلول ليها) ومش شرط تكون للسيينا ممكن لأى عربية (نفس العيوب ونفس المصنعية تقريبا بيختلف سعر قطعة الغيار )
بخصوص الإستهلاك فأنا بتعمل معايا 200 كم فى الصفيحة ( داخل القاهرة ) وآخر سفرية كانت عاملة 250 كم فى الصفيحة ، العربية 1400 وبمون من وطنية جسر السويس
اقتباس:
المشاركة الأصلية كتبت بواسطة م/مصطفى محمود
صح يا بشمهندس محمود المفروض نعرف العيب ونسأل قبل الاصلاح
وعشان كده انا نفسى الرابطه تفضل فيها الروح زى باقى رابطات المنتدى عشان كلنا نساعد بعض
ومنديش فرصه للتجار او الصنايعيه انهم يضحكو علينا او يستغلونا
انا فى ال1600 بقالى فترهع مبسافرش بس جوه البلد فى المشاوير العاديه بتعمل 180-200 فى الصفيحه (لو كله زحمه هتعمل 180 لو فى كام مشوار طوالى على المحور ولا الدائرى بتوصل 200) بس انا عندى الدبرياج بدأ يتعب شويه
بالنسبه لميسو الزنه طبيعى الا لو لقيتها الصوت بيعلا و بتطول بس على قد 3-4 ثوانى عادى
الحراره لو عدت النص و انت واقف فى اشاره يبقى فى حاجه مش مظبوطه فى التبريد ... المهم متروحش لحد يشتغلك اول حاجه فضى الهوا اللى فى دورة التبريد ... انا معرفش اعملها ازاى بس ممكن تروح لحد بتاع رادياتير يغسلك الرادياتير و تحط ميه (لو مكنتش عملت كده لما جبت العربيه) و يفضى الهوا .. القصه مس هتاخد عشرين جنيه بس و هو بيقفل تتأكد ان الخراطيم ربطها صح و جرب ... ان شاء الله مش هتسخن معاك ...
انا كان بيحصلى كده بس مع التكييف فى الاشارات او فى السلانسيه و لما فضيت الهوا بقى تمام
السلام عليكم
ممكن حد بحطلنا اسعار قطع غيار العربيه السينا كامله من 2000 الى 2003
اصلى بفكر اغير ومش عارف ايه ظروف قطع الغيار
شكرا
Fiat online manual till 2005 u can find sienna there
http://www.nilemotors.net/Nile/260572-a.html
اقتباس:
المشاركة الأصلية كتبت بواسطة zico_momo
قريبا ان شاء الله انتظر موضوع فيه اسعار قطع الغيار
وبالنسبه لقطع الغيار عموما مفيش فرق بينها وبين الابيزا لو حضرتك معاك ابيزا
انا كنت بفكر اشترى ابيزا ولقيت ان اسعار السيينا قريبه منها والسيينا افضل لانها كامله
اقتباس:
المشاركة الأصلية كتبت بواسطة mohamed_selim
علم وسينفذ ان شاء الله بس انا نفسى اعرف بياخدو هوا منين وازاى
ان شاء الله ححاول اوصل للموضوع ده
شكرا جدا يا باشا الف شكر ليك