اقتباس:
طب كان عندى حبه استفسارات عن حبه حجات بما انى جديد فى السيينا و هى اللى معايا 1600
انا هاحاول اجاوب على بعض الاستفسارات
(اخوك بهاء - سيينا بلس 1400 مو 2002)
1- العربيه سخنت منى مره واحده وانا واقف فى اشاره ومعرفش ساعتها المروحه كانت شغاله ولالا هل فيه حاجه تبين فى التابلوه ان المروحه بتشتغل ولالا
للاسف مفيش غير مؤشر الحرارة واهم حاجة انه ميوصلش لبعد النص او النص اصلا
2- صاحب العربيه بيستخدم مياه عاديه مش خضراء هل لو استخدمت خضراء العربيه حتتحسن ومش حتسخن
عادى ممكن المياة العادية بس الاحسن المياة المخصص لذلك
عملية السخونية اتاكد من موضوع سرموستات المروحة اللى فى الارديادار مسؤلة عن تشغيل المروحة وفصلها وفيه برضة سرموستات فى الماتور
3- انا لما العربيه سخنت نزلت مليت القربه بتاعه الميه لحد الاخر والعربيه دايره وبعد كده عرفت ان ده غلط ولازم لحد العلامه بتاعه الماكس اللى هى عند ربع القربه كده
طب انا بقالى يومين ماشى كده هل ده اثر على حاجه وازاى افضى الميه الزياده اللى فى القربه
طب كويس انك عرفت والحمد لله
تفضى المياة الزيادة ازاى بص كده هتلاقى خرطوم ظاهر وراء الانجكشن فى نصه مسمار عشرة افتح المسمار براحه (خلى بالك لتكون المياة سخنة) وزود بنزين لغاية ماتفضى المياة
هاحاول ارفع صورة فى القريب ان شاء الله
4- هل فتح القربه وتزويد المياه والعربيه سخنه ودايره غلط ولا عادى عشان خايف دوره التبريد تاخد هوا وتعمل مشاكل وازاى اتلاشى موضوع انها تاخد هوا منى
وبالعكس الافضل تزويد المياة اثناء ما العربية دايره عشان تفضى الهواء والمياة زيادة بس بعد غلق القربه
5- الكاسيت مش بيشتغل غير والكونتاك مفتوح هل غلط انى افضل سايب الكونتاك مفتوح فتره طويله ولا اريح نفسى واروح لحد يوصله على البطاريه مباشر
بس هاتفضى البطارية وها تحتاس عشان تشحنها عشان تدور تانى (لو مش مدور العربية و الماتور شغال والدينمو بيشحن)
6- فيه حاجه اسمها بارك فى الكونتاك دى اللى هى ايقاف العربيه يعنى ولا دى اوبشن اصلى لما بلف المفتاح عشان اجيبه عندها مش بيجى (بلف المفتاح عكس عقارب الساعه لانها تحت خالص )
بص يا سيد البارك بيجى لما تدوس عليه وتلف الكونتاك عكس التدوير
الفائدة منه انك تسيب كهرباء فى العربية وانت شايل المفتاح وده بيخليك تنور النور والتابلوه والاشارات عشان لو هاتسيب العربية وانت هاتنزل تجيب حاجة وراجع فى حتى ضلمه وخايف حد يخبط
7- لما بفتح الكونتاك بسمع صوت تكه بصوت عالى كده فى حوض العربيه ده ايه ده وهل ده طبيعى
؟؟؟؟؟ شرح اكثر
8- لما بفتح الكونتاك كل مره لمبه الرشاش بتنور فى التابلوه ثوانى هل كل مره لازم استناها تطفى عشان ادور ولا الصبح بس استناها تطفى يعنى لو العربيه بطلت منى وانا بركن مثلا لازم استنى تطفى عشان ادور بالرغم من ان العربيه سخنه
اللمبه ده هى كمبيوتر الاعطال يعنى الثوانى اللى بتخدها هى فترة فحص السنسور اللى موجود فى معظم العربية
طبعا لازم تستناها -- ده ثوانى يعنى --- فى بعض الحالات يعنى ممكن
9- لمبه الصالون عندى اللى ادام الفانوس مكسور ومفيهوش ولا مفتاح ولا لمبه هل ده بيتباع جديد ولا استعمال وتمنه تقريبا كام ؟؟
لو قصدك علبة لمبة الصالون الامامى او الخلفى دور عليهم استراد احسن -- بس معنديش فكرة
وفيه حاجات كتير كمان بس ده المهم جدا بالنسبالى حاليا
معلش طولت اوى عليكم