الموضوع: رابطة عشاق و مالكى فيات سيينا بجميع موديلاتها

المشاركة الأصلية كتبت بواسطة mamo2003

ماشيه 174000

مبروك عليك

اخدتها ب ازيد من 32 الف جنيه ولا اقل اصلها ماشيه كتير شويه

المشاركة الأصلية كتبت بواسطة mamo2003

ماشيه 174000

مبروك عليك

اخدتها ب ازيد من 32 الف جنيه ولا اقل اصلها ماشيه كتير شويه

المشاركة الأصلية كتبت بواسطة sohard111

يا جماعة احب اشكركم جميعا لآنى بقراءة بعض المعلومات اللى كتبتوها قبل كده قررت اشترى سيينا
بالرغم من انى لما بسأل اى حد اكتر من 90% يقول ابعد عن السيينا ولما اسأل عن السبب يا اما ما يعرفوش يردو او يقولو كلام غير مقنع
انا بقول الكلام ده لآنى لسة شايف ناس متحيرة
مثلا بسأل ناس اصحاب معارض يقولو عربية تقيلة جدا ومحدش بيشتريها وقطع غيارها نار وطبعا لآن العربية الأفضل تتباع من غير معرض وكمان فهمت ان فيه كلام منقول عن العربية غلط والناس بتردد
ثانيا سألت ميكانيكى قال ابعد عنها لنفس السبب
ثالثا سألت اصحابى قالو نفس الأسباب حتى اخواتى معترضين
وكنت فى حيرة لآن لو قارنت حاجة مستعملة فى رنج من 33 الف الى 37 الف هلاقى مثلا بولو موديل قديم و فليشيا فاضية وموديل قديم و كيا برايد قطع غيارها رخيصة وعربية ضعيفة وخامات رديئة على قد سعر العربية ولكن لقيت انى صعب اقارن اصلا اذن لو قارنت اقارن بال لانوس واعتقد هى اقوى من الانوس فى الماتور وال لانوس اغلى 10 الاف تقريبا

المهم بعد كلام الأصداقاء هنا وضح ان قطع غيار السيينا مش غالية وارخص من اليابانى والألمانى وقريبة من الكورى ولكن فيه بعض قطع الغيار غالية وانا سألت بنفسى على بعض الأسعار من عند الكيلانى وطلعت اسعار قريبة من ال لانوس
واللى يغيظك لما تسأل الناس ايه اللى وحش تانى فى السيينا يقولو مفيش ليها قطع غيار الا من عند الكيلانى بس مع انى مشترى حاجات ليها من حد تانى خالص

المهم استخرت ربنا واشتريت سيينا 2002 1400 فبريكة بالكامل والحمد لله اللى كان يقول وحشة لما يركبها وجربها يغير كلامه تماما و كنت عند اتنين ميكانيكيا قالو عنها شعر ولما سألتهم عن ال 1600 قالو شتمو عليها
من الأخر فيه سمعة غلط عن السيينا بسبب ال 1600 لآنها كبيرة على عرض العربية وصعب الميكانيكة يشتغلو فيها وبالتالى روجو كلام غلط عن العربية وكمان كتر السنسورات فى 1600 و هى 4 رشاش 2 كامة و 16 صباب واعطال الكمبيوتر فيها كتير لكن ال 1400 مونو انجكشن رشاش واحد كامة واحدة 8 صباب مناسبة على حجم العربية اى حد يشتغل فيها وقطع غيار اقل شوية من ال 1600

وروحت جبت حاجات السيرفيس من عند الشيخ على فى شارع دمشق وتم عمل السرفيس والحمد لله واحنا شغالين فى العربية الميكانيكى قالى عايزين بلية شداد سير الكاتينة قولتله استنى بقى لما اروح اشتريها من وسط البلد قالى يا باشا روح هت بتاعت الشاهين
تخيلو هى اصلا بى 150 ج من الكيلانى على حسب ما عرفت قجبت بتاعت الشاهين ايطالى بى 35 ج ! وهى هى وعرفت ان فيه قطع غيار من الشاهين تمشى على السيينا

اسعار السرفيس
سير كاتينة ايطالى 65 ج
سير دينامو تركى 35 ج
سير باور تركى 35 ج
طقم بوجيهات يابانى ngk 80 ج
فلتر هو تركى 30
فلتر زيت استرالى 25 والمصرى 15 ج
فلتر بنزين 50 ج
مراية يمين 90 ج
خرطوم شاهين بتاع البنزين بيتاع الشاهين 5 ج
بلية شداد سير الكاتينة ايطالى بتاعة الشاهين 35 ج
بالأضافة الى زيت ماتور وزيت فرامل وعلبة بندكس لتنظيف بوابة البنزين
العربية كانت بتنتش مع الأول والثانى وبعد كده اتظبتط مع العلم ان السيور القديمة كانت سليمة

واسف للأطالة
فى النهاية اشكركم واشكر المنتدى

نفس الكلام اتقاللى وانا بشترى السيينا بتاعتى وطبعا كل واحد عامل نفسه بشمهندس البشمهندسين ولما تقوله عيبها ايه يقولك كلها عيوب وبتسخن
طب ما عربيات كتيييييييييييييييييير فى السوق وعربيات زيرو وبرضه بتسخن وده راجع لعدم الاهتمام او قطع غيار بايظه او مشكله فى التبريد وصاحب العربيه مش عارف يكتشفها

بس انا جمدت قلبى واشتريت ال 1600 لان معلش طز فى الصنايعيه مش هما اللى حيخلونى اركب عربيه 1400 عشان البشوات بيحبو يشتغلو فى عربيه واسعه
اللى عاجبه يشتغل فيها عاجبه مش عاجبه فى ستين داهيه مهو حياخد فلوس كمان حيتحكمو فينا نركب ايه ومنركبش ايه

مع انى لو اتعرض عليا ساعتها 1400 بحاله كويسه كنت حشتريها برضه بس حظى جه فى ال 1600 ومرضيتش امشى ورا كلام صنايعيه

حد يقوللى عربيه محترمه فى السوق من اغلب العربيات الجديده حوضها واسع ومستريح مش شرط 1600
ما الماتيز وغيرها عربيات صغيره ومفيهاش حوض اصلا صحابها بقى يعملو فيها ايه يولعو فيها
والتيوتا يارس حوضها برضه الصنايعيه يعملو فيه ايه ؟؟