اعضاء المنتدي الكرام
انا قمت بتغيير زيت الفيتيس في احدي محطات شل يوم الخميس الماضي ممكن اعرف الزيت دة بيستخدم اد اية واغيرة امتي تاني
وشكرا
عرض للطباعة
اعضاء المنتدي الكرام
انا قمت بتغيير زيت الفيتيس في احدي محطات شل يوم الخميس الماضي ممكن اعرف الزيت دة بيستخدم اد اية واغيرة امتي تاني
وشكرا
انا عن نفسي بغيره كل 15000 ميل ولكن بصرحه ما اعرفش ميعاده ايه بالضبط
انت تزودة لو ناقص و دة تكشف عليه كل كام مرة عند تغيير زيت الموتور
كل 30 ألف كم إلا اذا نص فى الكتالوج على غير ذلك سواء للفتيس الأوتوماتيك أو المانيوال
بالنسبة للفتيس الاوتوماتيك فهو بياخج زيت هيدروليك باور (زيت احمر) ATF و يستحسن تغيرة كل 10000 عشر آلاف كيلو
وتستخدم زيت كويس و انا بافضل زيت شل اللي بييجي في قزازة بلاستيك صغيرة كيلو لونها أسود و صناعتة كندا
لان كتير انوا مضروبة في السوق و بخاصة اللي مكتوب عليها صناعه امريكية بتبقي متعبية تحت السلم
وطبعا الزيت هو روح الفتيس الاوتوماتيك و لو تلف بيتكلف ألوف علشان يتصلح يعني الغلطة فية بدرس مُكلف جدا
اما بالنسبة للفتيس المانيوال فدة بيختلف حسب العربيات وبيتوضح في كتالوجاتها و مش مكلف و يستحسن يتغير كل سنة او كل 10 الاف كيلو برضة بس هو مش موضوع خطير للفتيس المانيوال لأنك حاتحس لما عصاية الفتيس تبقى تقيلة او صوت الفتيس يبقى خشن
وربنا يكفيكو شر الفتيسات الاوتوماتيك لما تخرب :D
أخوكم عندة 3 عربيات أوتوماتيك :lol:
أنا غيرته عند 60 ألف , كان زيت الفابريكه , الراجل قاللي أنه كويس بس يفضل إنه يتغير , الليتر بحوالي 10 جنية من موبيل, درجة لزوجته 90 , بس بصراحة بعد الكلام اللي إتقال علي زيوت موبيل بفكر أغيره تاني بس من شل .
هو انا فعلا حطيت شل هو كويس انا عربيتي 128
لا خللي بالكم ان اول ماتستلم عربية جديدة لازم تغير زيت الفتيس فورا قبل ماتمشي بيها لان الزيت اللي بيبقى في الفتيس بيبقى زيت تخزين مش زيت للسير بالسيارة و بالذات العربيات الفيات النصر سواء 128 او شاهين هما اللي بيعملوا الحركة دي و حصل مشاكل لكل اللي اشتروا شاهين و مشيوا بزيت التخزين مش عارف هل تنبهوا للموضوع دة و صححوة في الشركة المنتجة ولا لأ
و كتير قوي 60 الف كيلو على زيت الفتيس سواء عادة او اوتوماتيك
انا خربت فتيس هوندا قبل كدة علشان مشيت حوالي 30 الف كيلو من غير ما غير زيت الفتيس الاوتوماتيك و كلفني الفتيس حوالي 7000 جنية بسبب الغلطة دي اللي ماتنبهتلهاش بتغيير زيت الفتيس لمدة
وكان درس قاسي اتعلمت بعدة اهتم بزيوت الفتايس الاوتوماتيك و تغييرها في مواعيدها
انا بصراحة اول مرة اسمع عن تغيير زيت الفتيس
انا اللى اعرفه ان الزيت ينكشف عليه و ينزود ان كان ناقص فقط
hic
أهو هو دة اللي اتقاللي زمان وانا في الجامعه و خلاني مشيت على فيس الهوندا 30 الف كيلو من غير ما غير زيت لغاية ماباظ و كلفني 7000 جنية :D
وهيه دي اخرة اللي يسمع فتاوي الميكانيكية و الكفتجية بتوع محطات البنزين
يا جدعان اي زيت في الدنيا لازم يتغير بعد فترة تشغيل سواء زيت موتور او فتيس او زيت دبرياج سيرفو او زيت باكم فرامل
انشالله زيت ماكينة خياطة :lol:
اي زيت بيقطع و بيخف غير انة بيجمع رواسب و شوائب و لابد يتغير كل فترة
يا استاذ ادهم انا فى كتالوج عربيتى البيجو بالنسبة لزيت الفتيس يتم تزويده فقط فى حالة النقصان و لم يذكر اى شىء عن تغيره بعد فترة معينة
و انا ركبت اكتر من 10 موديلات عمرى ما غيرت الزيت الا لما يكون فى اصلاح فى الفتيس فاغير الزيت بالمرة هو اللى كان بيحصل انك تزودالزيت و ده برضه نادر جدا
وياريت برضه نسمع راى اخوانا الخبراء فى هذا الموضوع
باشا أحنا بنتكلم عن زيوت الفتيس الأوتوماتيك مش المانيوال
صح وللا انا فاهم غلط
عندي تجربة مع زيت الفتيس أحب أشارككم فيها
في كتالوج السياره يوصى بتغيير زيت الفتيس كل 30ألف كيلو وبعد أن تخطيت الـ30ألف كيلو غيرت زيت الفتيس وحطيت زيت درجته 90 ونوعه التعاون (ده النوع إللي كان موجود في ورشة تغيير الزيوت) ولما أعترضت على نوع الزيت رد عليه الصنايعي وقاللي يا بيه كل الزيوت إللي في مصر مصدرها واحد والموضع مجرد ماركات بتتكتب على الجراكن عشان يضحكوا على الناس
المهم بعد ما غيرت الزيت بحوالي 5ألف كيلو وبعد سفرية طويله إلى شرم الشيخ والجري على سرعات عالية وصلت إلى 180كم/ساعة ولفترات طويلة لا حظت بعد رجوعي من هذه السفريه أن الفتيس أصبح فيه عضة عند أغلب النقلات
يعني كل ما أنقل ألقي في عضة وعصاية الفتيس مابتدخلش في مكانها بسهولة
أتصلت بالميكانيكي وقلت له على الحكاية بتاعت العضه دي قاللي غير زيت الفتيس
قلت له أني لسه مغيره ومكملتش به 7ألف كيلو حتى
قاللي أيه نوع الزيت إللي أنت حطيته
قلت له زيت التعاون
قاللي أبو 6 جنيه الكيلو ؟
قلت أه
قاللي طب معلش غيره برضه وقوللي على النتيجة بعدها
رحت محطة شل إللي قبل مدخل العبور عشان أغير زيت الفتيس
الصنايعي إللي هنا أول ما فتح الطبه ونزل كام نقطة زيت على الأرض قفل الطبة تاني وقاللي الزيت مش محتاج تغيير يا بيه
قلت له ليه مش محتاج تغيير ؟
قاللي الزيت لونه أخضر وزي الفل ومافيهوش حاجه والله ده حتى مش محتاج تزويد
قلت له ما أنا قلت كده برضه دا أنا لسه مغيرهخ قريب جدا بس الميكانيكي هو إللي قاللي أغيره
المهم
أتصلت بالميكانيكي وأنا خارج من المحطة عشان أقوله علىإللي قاله الصنايعي إللي في محطة البنزين لقيته بيقوللي لف وأرجع وغير الزيت من فضلك يا مستر هاني عشان خطري
قلت ليه يا أسطى شنوده أنت مصمم أن العيب مون الزيت ؟
قاللي الزيت إللي موجود عندك حاليا (محلول)
قلت له يعين أيه محلول؟
قاللي يعني الزيت حل
قلت له هو أنا فهمت الأولانيه لما هافهم التانيه
قاللي الزيت بتاع التعاون ومصر الشركات التعبانه دي بيحل مع السرعات العاليه والسخونه وبيفقد خواصة نهائيا يعني تلاقي لونه زي ما هوه لكن لزوجته معدومه وده حصل بسبب السرعات العاليه إللي انت بتمشي عليها دايما وخصوصا سفرية شرم دي جابت أجل الزيت
لفيت وخليت الفني بتاع المحطة يغير الزيت بدون نقاش
وبعد ما خرجت من المحطة ومشيت شوية كده ماصدقتش أبدا
العربية رجعت زي ما كانت وأحسن كمان نعومة أيه وسحب أيه ... لا وأيه الصوت أنعدم على الأطلاق يعني مبقاش في صوت للفتيس نهائيا
والقصة دي بتدل على أن نوعية الزيت مهمه جدا وكمان مواعيد تغيير الزيت مهمه جدا
ويارب أكون قدرت أفيدكم
الله ينور عليك يا أستاذ هاني
واهو دة مثل تاني على ان الصنايعية اللي في محطات البنزين كفتجية و بيقولو اي كلام و السلام
و الاستاذ هاني بيتكلم على عربية مانيوال
يعني وظيفة الزيت فيها و تأثيرة أقل بكثير من زيت الفتيس الهيدروماتيك
فما بالك بقى بفتيس فية 12 كلاتش و قربة و بودي فالف و بخاخ زيت و بلوف و شغلانة
يبقى اثر الزيت لو قديم او مغشوش حايكون تأثير قاتل عالفتيس الاوتوماتيك و على مكوناتة
و على فكرة يا جماعه الفتايس الاوتوماتيك كمان ليها فلتر لزيت الهيدروليك بيتغير كل 70 او 80 الف كيلو
و دة برضة من الأشياء الواجب مراعاتها للفتايس الاوتوماتيك
بس الفلتر دة بيبقى غالي يعني بتاع الفرونتيرا مثلا انا سالت علية لقيتة ب 150 جنية
يا جماعه الزيوت والشحوم هي الروح التي تحيي أي آله في الدنيا
وأهمية تغيير ومتابعة حالة الزيت من أهم الأشياء الواجب الأعتناء بها
وأنا فعلا كلامي كان على الفتيس العاده (عشان كده أنا قلت 35ألف كيلو) لكن لو الفتيسش أوتوماتيك يبقى لازم تغيير الزيت كل 10ألاف كم وزي ما قال أخونا "أدهم" أن الفتيس الأوتوماتيك معقد جدا في تكوينه لذلك يجب مراعاة الفتيس الأوتوماتيك رعايه فائقة لكلي لا يتلف
النهاردة غيرت الزيت لتانى مرة فى خلال يومين, وطبعا دة مش كتر فلوس ولكن هقولكوا الموضوع من الاول علشان تفهموا قصدى كويس...
الاول بما انى جايب العربية مستوردة ومستعملة استعمال خارج فاول ما جبتها كشفت على زيت الفتيس ولقيت الصنايعى بيقولى الزيت مظبوط واوعى تغيره علشان دة زيت الفابريكة وشوية كلام من الاونطة دوول وطبعا مشيت وقعد شهرين كدة ورجعتله تانى وجايب معايا جركن زيت فتيس موبيل 85 , المهم بدون نقاش قلتله نزلى الزيت وحط دة وقد كان وفوجئت ان الكمية الى نزلت حوالى لتر واحد فقط والمفروض العربية بيبقى فيها 2.75 لتر يعنى هتقولى فى 0.5 لتر منزلش يبقى فى لتر وربع ناقص معنى كدة ان الزيت كان ناقص مع انه هو نفسه قالى انه مظبوط, المهم حمدرت ربنا وحطيت الزيت ومشيت وخلصت مشاوير وركنت العربية .
تانى يوم جيت امشى لقيت الفتيس تقيل وبيعض قمت واخد بعضى ورحتله قالى الزيت تقيل والفتيس عايز زيت خفيف شوية , طيب يا شيخ والحل, قالى هننزله ونحط زيت باور, طيب يا عم ازاى مينفعش, لقيته جايبلى الزيت الى غيرهولى ببص عليه لقيته خفيف فعلا مش لزج زى ال 85 وغير كدة لونه محمر ولو انه فيه سواد طبعا من الاستعمال, طبعا انا كان دمى محروق اساسا من جركن الزيت ابو 75 جنيه الى ملحقتش اتهنى بيه ورحت جبت لترين زيت باور وقلتله لو منفعش هتدفع حقهم ( معلش اصلى حقانى :mrgreen: ) المهم حط الزيت وزودلى شوية كانوا معايا وحطينا حوالى 2.50 لتر وجيت اجرب العربية لقيت الفتيس رجع تانى كويس جدا وانا مبقتش مصدق الى حصل دة وحتى الان مش مصدق
ازاى زيت فتيس اوتوماتيك يتحط فى فتيس مانوال وزيت المانوال مينفعش ؟؟؟؟
سؤال يا ريت حد له خبرة فى الموضوع دة يقولى لانها اول مرة تحصل معايا وللعلم العربية لانوس موديل 99 .
دة كلام غريب جدا و اعتقد انة خطر عالفيتيس لان زيت الباور خفيف جدا وغير مقاوم للاحتكاك و ممكن يسبب تآكل للتروس في الفتيس المانيوال
انا رأيي سيبك من الميكانيكي دة و روح لمركز خدمة محترم ان ماكانش توكيل يعني
انا عملت القصة دى قبل كدة و فعلا لقيت الفتيس بقى ناعم جدا... لما سالت اصحابى على فورم daewootech قالوا ان دة خطر جدا لان خواص زيت الباور مختلفة تماما عن زيت الفتيس
http://www.daewootech.com/forum/viewtopic.php?t=4906
لما ظهر عندى صوت فى الفتيس الميكانيكى قاللى على الفكرة دى فا قلت اجرب و اشوف ايه النظام بس الموضوع مكنش ظريف
http://www.daewootech.com/forum/viewtopic.php?t=5025
دا غير انى حرقت مرة على الرابع لحد 150 كيلو و بعديها الفتيس مرضاش ياخد اى نقلة لمدة نص دقيقة و بعدين اشتغل عادى... طبعا بعدها فضيت زيت الباور و حطيت زيت فتيس
حط زيت فتيس من محطات BP اللتر ب 9.5 و درجة لزوجتة كويسة و اخف من موبيل
MMamdouh
انا الزيت الى حطيته زيت فتيس اوتوماتيك مش زيت باور ولكن الصنايعية بيسموه زيت باور.
زيت الفتيس الأوتوماتيك هو زيت الباور
هو نفس الزيت
و أسمه زيت ATF
إختصاراً لAUTOMATIC TRANSMISSION FLUID
لكن مافيش حاجة اسمها زيت باور غير زيت الفتيس الاوتوماتيك , هما الاتنين واحد, اسمة زيت هيدروليك
( انا بسئل عن المانيول )
طيب يا جماعة الارقام W80 و 90 ديه تدل علي الزوجة ولا علي ايه لأن في المانيوال عندى مكتوب 80 بس لما جيت اغير بعد ال10.000 كم الاولي (لاني مكنتش واثق في زيت المصنع وبالفعل كان مليان شوائب) جبت زيت موبيل 90 وده بناء علي نصيحة من مدير ورشة كيا ( وليد توفيق)
يعني عشان احط زيت عادى بس بلزوجة عاليه ( خفيف ) احط ايه 80 ولا 90 وافضل الانواع المجربة ايه عشان انا مبقيتش اثق في موبيل
الرقم يدل على درجة كثافة الزيت
يعني ال 90 اخف من ال140
وبالتالي ال 80 اخفهم بس غير موجود في مصر
و ال 140 يستعمل بخاصة في العربيات ال 4*4 او النص نقل او للفتيسات التي بها تآكل كبير يسبب ضجة و صوت اثناء التشغيل
طيب انا حطيت زيت 85 للفتيس وكان تقيل عليه المفروض يبقى ايه الحل دلوقتى؟؟؟
انا عايز انزل زيت الباور دة واحط زيت فتيس , احط انه نوع.؟؟؟؟
المتوافر عندى حاليا توتال وموبيل والتعاون.
ضروري جدا انك تفضي زيت الباور من الفتيس بأقصى سرعه قبل ما يحصل اي ضرر للفتيس لأنة ممكن يسبب تآكل للتروس و يبوظ الفتيس
و دور على زيت 80 ماعرفش فعلا ان كان موجود في السوق وللا لأ
اصل انا عندي ال3 عربيات اوتوماتيك :wink:
وحتى الفرونتيرا الجيب بتاخد زيت 140 في الكرونة فا فعلا ماعرفش ان كان فية زيوت فتيس 80 خفيفة في السوق او تلاقسها فسن
دور في الحتت النضيفة زي الماركت اللي بيبيع اكسسوارات عربيات او ارابكوم او شارع دمشق و التوفيقية او الماركت اللي في محطات البنزين اللي زي عند الوطنية وغيرها وربنا يوفقك بس ابقى قول لنا لقيت ايو و فين وبكام علشان اي حد تاني بيدور يعرف و يستفيد من تجربتك
تحياتي
زيوت الفتيس الاصل فيها انه يتم تزويدها نادرا التغير لانه بطبيعة الحال غير معرض للاحتراق لان وظيفته دعم وتسهيل الحركة بين التروس وهناك عدة درجات من زيت الفلفلين 80-85-90-120 وده بيكون علي حسب كسافته ودرجة لزوجته واتقلهم 120 وينصح به في الصناديق القديمة وحاليا في مصر ان كل انواع الزيوت مش تمام زي مالحظت لان قبل كده اناغيرته كتير وكان السبب اني كنت اول ماادور العربية الصبح خصوصا الصبح في الشتا بسمع صوت نحر في الفتيس لحد مالعربية تسخن وبعد كده عادي جداا الصوت بيروح واتأكدت ان هو الزيت اللي مش تمام لما ركبت عربية تاني ولقيت نفس الصوت بالضبط يعني الفتيس مش عطلان الكلام ده بالنسبة للزيوت في المنيوال اما الاتوماتيك بيتحطله زيت زيت باور لأنه شغال علي ارب وطريقة شغله غير المنيوال :idea: [img][/img]
ممكن بس حد يقولى أفضل نوع زيت فتيس يعنى شل أحسن ولا موبيل ؟
ولو شل أحسن ممكن سعره فى حدود كام
وشكـــرا
بالنسبة لزيت الفتيس الاوتوماتيك هات زيت شل اللي بنزل في علبة بلاستيك سوداء عبوة كيلو عليها تكت اخضرو صناعه كندا دة اضمن واحسن زيت اوتوماتيك في السوق
بس هوة غالي شوية ب 17 جنية الكيلو
بس ارحم ما يبوظ الفتيس
النهاردة رحت نزلت الزيت وحطيت مكانه زيت توتال وبالطبع نظرا لان مركز الصيانة دة غالى شوية فحطلى اللتر بـ 15 جنيه :twisted: , عموما الحمدلله انى غيرته وخلصت من الموضوع دة , نسيت اقول انى فكيت الكارتيترة ونظفتها وعملتلها جوان جديد زيادة احتياط يعنى.
كارتيرة !!!!
الفتيس المانيوال اصلا مالوش كارتيرة ؟؟
انت قصدك كارتيرة زيت الموتور مش الفتيس !!!
شكرا ياأدهم باشا بس انا قصدى الفتيس المانيــوال هل نفس السعر برضه 17 جنيه للكيلو ولا أرخص شوية
اللانوس ليها كارتيرة زيت فتيس يا سيد ادهم.
شريف باشا والله انا ماعرفش في اسعار الزيوت بتاعه الفتيس المانيوال, انا اخر مرة كان عندي عربية مانيوال كان سنة 98 و كان كيلو زيت الفلفلين ب ثلاثة جنية و نص :)
عبدالله والله ياسيدي انا اول مرة اسمع ان فتيس مانيوال لية كارتيرة
الفتايس الاوتوماتيك بس هي اللي ساعات بيبقى لها كارتية و مش في كل الاحوال
كل عام و انتم بخير جميعا
هى مش كارتيرة بالمعنى المفهوم ( مش زى كارتيرة زيت الموتور مثلا ) هى حاجة عاملة زى غطاءة الحلة بتبقى راكبة على الفتيس من تحت, بنفكها وننزل الزيت وننضفها ونعملها جوان ونركبها تانى.
طب حد يعرف ان كان فى توتال ATF ??
و ايه نظامه
زيت فتيس مانوال توتال بحوالى 15 جنيه للكيلو ( من وجهة نظرى مبالغ فيه )
زيت فتيس BP مانوال بحوالى 9.50 جنيه للكيلو ( حسب رؤية محمد ممدوح )
زيت فتيس مانوال موبيل جركن 4 لت "85" بحوالى 79 جنيه (طلع تقيل على عربيتى )
يا سيد صباغ لو عايز زيت اوتوماتيك محترم هات الشيل الى قال عليه اخونا ادهم او ديكسترون .
تقصد شيل Donaxاقتباس:
يا سيد صباغ لو عايز زيت اوتوماتيك محترم هات الشيل الى قال عليه اخونا ادهم او ديكسترون .
بس توتال ATF 33 مواصفاته أحسن
و توتال AT42 أحسن و أحسن
حد يعرف أذا كانوا متوفرين فى مصر؟
80 جنية جركن زيت فتيس ( :roll: ) !!!اقتباس:
المشاركة الأصلية كتبت بواسطة Abdallah
يا عبدالله انا عايز افهم فيه زيت 80 ولا لاء عشان المكتوب في المانيول 80 وانا حاطط دلوقتي 90 بتاع موبيل اللي التر ب 10 جنية
يا وائل باشا الزيت التوتال الى انا حطيته كان 80 وكويس جدا معايا , لو ملقتش زيت 80 عند موبيل او شل اكيد هتلاقى فى توتال وفى BP وكل تغيير زيت وانت طيب, عزومة الفطار امتى كدة ؟ :mrgreen:
فى محطة بتعمل الكلام دة يا محمد ؟اقتباس:
حط زيت فتيس من محطات BP اللتر ب 9.5 و درجة لزوجتة كويسة و اخف من موبيل
انا روحت شل ابل كدة قال لى لازم تروح لميكانيكى
انا عايز اغير الزيت بس مشوار الميكانيكى غلس زى ما انت عارف