خبر فى مجتمع السيارات ص 15 من ملحق السيارات بالاهرام 20-3

**amirhamed** · 22-03-2009 03:25 PM

اعتقد الناس خايفه تصرف لان بكره الله اعلم بيه

**samoevil911** · 22-03-2009 03:53 PM

اعتقادى ان الوضع ليه اسباب كتيره .. زي محضرتكم قلتوا ولو ان انا اتوقع ان من اكبر الاسباب حملة خلوها تصدى.. لان كل الناس مستخسرة تدفع فلوسها في عربية دلوقتي .. وتيجي بعد كدة تلاقي ان العربية رخصت بنسبة من 10:30 % سعتها هيندم علي الفلوس اللي دفعها.
فالناس عيزة تستفيد اكبر استفادة من الفلوس اللي معاها .. يعني انا معايا مثلا 250 الف عايز اجيب بيهم باسات ليه مستناش يمكن يجبولي c180 .. حاجة زي كدا
دا طبعا غير انت الناس خايفة ان الفلوس تضيع منها دلوقتي في حاجات مش مهمة اوي .. ويجي عليها فترة تبقي محتاجة فلوس في حاجات اهم .. النهاردة اللي معاه فلوس يجيب عربية وشغال في شركة ومرتبة كويس ومعاه فلوس يجيب عربية وعندوا اولاد .. وجت عليه الازمة . خايف يجيب عربية يجي بعدين ميلقيش فلوس يجوز عيالو مثلا .. يا عالم البطالة زادت في العالم والشركات بتفلس..
انا بقول امثلة بسيطة بس من الواقع . ويارب اكون قدرت اعبر عن رأي..

**mokhtar** · 22-03-2009 04:34 PM

ده انعكاس طبيعى للازمه الماليه العالميه اللى بيعيشها العالم اليومين دول وبتاثر دلوقتى فى مصر حاله ركود شديده مع انخفاض معدلات التوظف والاستثمار وحتى اللى معاه دلوقتى مبلغ ما مش هيخاطر بيه زى الاول لانه عارف ان بكره مش احسن من النهارده طبعا + ان الوكلاء بيستعبطوا فى اسعار العربيات
وخلوها تصدى

**halloween** · 22-03-2009 04:42 PM

- شركات السيارات بتمشى موظفين بعشرات الالاف
- عدد المصريين اللى استغنوا عنهم فى الامارت وصل 150 الف و كان فية اقتراح ان عربياتهم ما تتجمركش
- بنوك و شركات تأمين كبرى بتفلس
- البنوك فى مصر قللت القروض و خصوصا على العربيات
- انتظار مطارات الامارات مكدسة بالعربيات اللى عليها اقساط و اصاحبها سابوها بعد ما مشوهم من اشغالهم و البلد

كل ده و بيقولك الخبراء مش شايفين سبب واضح للركود

يبقى اللى عنده وظيفة يحافظ عليها
و اللى مضطر يشترى عربية يبقى يشترى ب 60 او 70% بالكثير من المبلغ اللى كان محدده لشراء العربية ويخلى الباقى - محدش عارف بكره هيحصل ايه