مرحبا بالصيف وكل عام وأنتم بخير

**memobeeh** · 20-03-2009 11:40 PM

الاخوة الكرام....الصيف يطرق الأبواب وكل عام وحضراتكم جميعا بخير.. وبعد
ايه رأيكم نحاول نفكر بعض بالاخوة فنيين التكييف الشاطرين اللي بيعرفوا يشتغلوا في الفورد خاصة وان الكمبريسور بتعها (عندي هاريسون في المونديو) يختلف عن باقي السيارات وصيانة تكييفها عموما مزعجة وإذا عك فيها واحد ماعندوش فكرة فالنتيجة يعرفها الجميع. فلو حد يعرف واحد صنايعي شاطر وعنده ضمير وبيعرف يعمل صيانة واصلاح لتكييفات الفورد يتكرم ويكتب اسمه وعنوانه..وله خالص الشكر مقدما.

**wkisho2005** · 21-03-2009 01:21 AM

ياااااااااااااااااااااااا اااااريت بجد لاني لحد دلوقتي حاسس اني صرفت علي التكييف اكتر من تمنه ومفيش فايدة يشتغل شوية ويرجع يخرف تاني ومحدش فاهم حاجة فيه من الصنايعية يارب الناس اللي تعرف حد كويس في موضوع التكييف دا متبخلش علينا فعلا

**وائل عطية** · 21-03-2009 08:49 AM

فكرة هايلة ..ياريت اللي يعرف حد كويس يقول لنا عليه

**m_s_h_a** · 21-03-2009 08:51 AM

فى فى الاسكندريه هشام وده ممتاز جدا جدا وهو كان شغال فى فورد رجب دى فى شارع ليجتيه امام صيدلية سفنكس اللى فى الشارعه المواجهه لصيدلية راجى وبيكون موجود من الساعه 4 عصرا

**aYaBooY** · 22-03-2009 10:30 AM

مصطفي انت في عندك مشكلة او حد قالك الموتور عند خفيف او في بدايته او حاجة

**schcios26** · 28-03-2009 09:10 PM

سليمان محترف فى تكيف الفورد و هو اصلا عربيتة مونديو جيا
هو فى الجراج ناحية عين شمس
0122460386

**memobeeh** · 30-03-2009 02:28 PM

على فكرة يا اخوة أنا وقعت على مركز متخصص وشطار جدا -مبدئيا- ولديهم جهاز يعمل بالكمبيوتر للكشف عن مكان التسرب وتحديده ، يعني ليس يدويا بالصابون فقط، وضبطت عندهم التكييف منذ عشرة أيام تقريبا وهو حتى الآن يعمل بكفاءة. ولم يريد التجربة العنوان هو: مركز صبحي (تكييف سيارات) 5 شارع الشيخ عبد الوهاب النجار-تريومف-مصر الجديدة مهندس مدحت حبيب تليفون 0122236515

**memobeeh** · 02-05-2009 10:21 PM

والله يا جماعة ...امسكوا الخشب تكييف سيارتي يعمل -ولله الحمد- حتى الآن وأسأل الله ان يكون تجاوز مرحلة النقاهة دلوقتي وصحته بقت عال (بعد أكثر من 40 يوما على ضبطه وشحنه) بعد زيارة المركز اللي في مصر الجديدة وذكرت اسمه في هذا الموضوع من قبل. وادعوا لي ربنا يهدي التكييف ويستمر في صحة جيدة.

**esloob** · 02-05-2009 10:47 PM

تكنو بوش فى أول الحرفيين مش بطال
عنده جهاز زى الكمبيوتر بيوصله بالعربية ودايرة الفريون
وبصفة عامة المركز كويس

الأهم تكون حالة العربية وأن يكون ماحدش لعب فيها البخت

**theoldwiseking** · 17-05-2009 03:04 PM

السلام عليكم

عندى عربية فورد ايسكورت 1300 موديل 98، العربية ماشية تمام والموتور كوبس أوي ومش بتسخن خالص. أو ما أشغل التكييف فى وقت الظهر تبتدى العربية تسخن والحرارة تعلى !!!!

غيرت المية وحطيت ميه زرقاء برضة مافيش فايدة، نظفت الرادياتير برضة مش عارف ايه السبب !!!!

رحت لواحد بتاع تكييف فى الحرفيين قاس لى الضغط فى دورة التكييف، قاللى الدورة فيها سدد عامل ضغوط عاليه فى دورة التكييف ولازم الفلتر والايكسبينسيف لازم يتغيرو والدورة تتغسل وتتسلك

واحد تانى قاللى الدورة مش مسدودة ولو كانت مسدودة مش هيجيلك تبريد، العربية فعلاً فيها تبريد بس بتسخن !!!

مش عارف اعمل ايه؟؟؟؟؟