الموضوع: الركن عند النيل بدراوى

المشاركة الأصلية كتبت بواسطة maka

انا عاوز اعرف مكان كويس اركن فيه عند النيل بدراوى

ويكون امان حيث ان الركنة قدام المستشفى غالية اوى

( اول ساعة ب 3 جنية وباقى الساعات ب جنية) يعنى لو

رحت كل يوم 4 ساعات هدفع 6 يوميا

كويس انك فكرتني
انا كنت عايز اتكلم عن موضوع الركنه عند مستشفي السلام الدولي

انا كنت رايح عند المصريه اللي هناك و ركنت في البارك بتاع المستشفي, و البيه السايس اداني ايصال لونه ابيض في ازرق و مكتوب عليه محافظه القاهره
المهم هو حطه في المساحه قمت خدته في جيبي و مشيت
و انا زهقان كده بصيت في الايصال لقيته حاجه رسميه كده و مكتوب الساعه الاولي 300 قرش و من 7 مساء الي 7 صباحا مبيت 800 قرش!!

انا بروح فنادق كتير و بركن في البارك بتاعها و عاده بيكون نظام المحاسبه 3 او 5 جنيه لكل ساعه
فاستغربت من تشابه الاسعار مع ان بارك الفنادق بيكون حاجه كده بسم الله ما شاء الله و البارك بتاع مستشفي السلام الدولي عباره عن ساحه ترابيه

اللي فعلا جنني اني لقيت رقم ال3 في ال 300 قرش المكتوبه معموله 3 بقلم ازرق زي الكتابه تمام بدلا من رقم 1 يعني البارك الساعه بجنيه بس السايس عاملها 3
و انا راجع بقي علي العربيه ندهت علي السايس و قلتله مين ماسك الجراج قام شاورلي علي واحد لا يقل بلطجه عنه
رحت بقوله انا ركنت الساعه 11:30 و دلوقتي الساعه 1 يبقي انا ركنت ساعتين(كسر الساعه يحسب ساعه كما موضح في الايصال) قالي اه قلتله يبقي انا حسابي اتنين جنيه قاللي لأ الساعه بتلاته جنيه قلتله الساعه بجنيه قاللي يا باشا البارك ده بتاع المحافظه و الاسعار مكتوبه قدامك
قلتله لأ انا مش دافع اللي مكتوب بقلم علي الايصال انا هادفع اللي مكتوب في الايصال و هطلع علي المحافظه اشوف الكلام ده
قاللي يابيه و كلام من ده قلتله انتو مميشينها بمزاجكو ولا ايه
قاللي اللي تجيبه قلتله خد الاتنين جنيه حسابك مفيش غيرهم
و مشيت و انا في قمه السخط علي ده حال
ساعه البارك بجنيه و هما كاتبينها 3 جنيه يعني عن كل ساعه انتظار بياخدو ضعف تمنها في جيبهم
لو حد يعرف يظبط شويه الحراميه اللي هناك ياريت يشارك