ستارة كبس و فرش جلد جاهز بمقاسات frv

**psychopath** · 01-04-2009 02:50 PM

اية يا سماكس دانا سئلتك اسئلة كتير اوى عن العربية اصل انا لسة جديد هنا ممكن اكون بعت لحد تانى بقى..المهم انا نازل اللاسبوع اللى جاى إن شاء الله اجيبها من المصرية فى المعادى بس كونت عايز اسئلك على العربية وعيوبها وقطع الغيار وكدة ..فى ناس بتقولى فوكك من الصينى ووجع الدماغ وهتلك نيو اكسينت بس انا العربية دى عجبتنى بصراحة عشان كدة بسئلك :)

**M.Alshafie** · 02-04-2009 03:04 AM

المشاركة الأصلية كتبت بواسطة psychopath

اية يا سماكس دانا سئلتك اسئلة كتير اوى عن العربية اصل انا لسة جديد هنا ممكن اكون بعت لحد تانى بقى..المهم انا نازل اللاسبوع اللى جاى إن شاء الله اجيبها من المصرية فى المعادى بس كونت عايز اسئلك على العربية وعيوبها وقطع الغيار وكدة ..فى ناس بتقولى فوكك من الصينى ووجع الدماغ وهتلك نيو اكسينت بس انا العربية دى عجبتنى بصراحة عشان كدة بسئلك :)

اتكل على الله و انزل هاتها بس خللى بالك ان قطع غيارها معديه و غاليه يعنى فانوس امامى 1100 صدر 1000 شبكه امامية 1600 زجاج امامى 1750 بس عموما هى زى الفل اتكل على الله

**psychopath** · 02-04-2009 10:34 AM

شكرا يا باشا على فكرة انا جربت العربية امبارح بليل من واحد صاحب صحبى قالى جربها ..بصراحة العربية واسعة من جوة والتابلوة شيك جدا وعربية بتجرى انا جربتها فى صلاح سالم بصراحة العربية ال ستابيلتى بتاعها جامد اوى اوى ..خلاص هانزل يوم السبت إن شاء الله اجيبها بس اجيب لون اية؟؟ هو صاحبة دة معاة الفضى شكلها جامد بس انا عايز اجيب الكحلى؟؟؟ مش دة شكلة لايق على العربية ولا اخلينى فى السيلفر وخلاص؟؟

**psychopath** · 02-04-2009 10:39 AM

محمد بقولك صحيح..فى المصرية هدفع 20000 وهقسط 1250 على 5 سنين يعنى هتقف عليا ب 95000 تعرف حد اقل من كدة شوية؟؟ ولا اخد من المصرية واتكل على الله ...بيقولو سمير ريان دة او حاجة ريان ارخص بس ماروحتلوش دة بصراحة

**M.Alshafie** · 02-04-2009 04:35 PM

المشاركة الأصلية كتبت بواسطة psychopath

محمد بقولك صحيح..فى المصرية هدفع 20000 وهقسط 1250 على 5 سنين يعنى هتقف عليا ب 95000 تعرف حد اقل من كدة شوية؟؟ ولا اخد من المصرية واتكل على الله ...بيقولو سمير ريان دة او حاجة ريان ارخص بس ماروحتلوش دة بصراحة

بصراحه بينى و بينك انا مش عارف فى موضوع التقسيط ده بس كان فى اخوه هنا كانوا شاريين من ابو غالى و بيقولوا انههم 6%
انا بصراحه رايى خليك فى الفضى اشيك من الكحلى انا كنت حاجز كحلى فى الاول و اما جيت استلم قالولى فى اسود و انا كنت هموت على اسود و بعد ما جبتها بقيت الاقى الفضى فى الشارع احس انه اشيك حتى من الاسود لولا ان عربيتى اللى فاتت كانت فضى برضه كنت جبت فضى و حاسس ان الفضى فيها مكبرها اكتر و عموما الالوان دى ترجع لذوقك فى الاخر
بس على فكره دور على تقسيط احسن من المصريه لانى اسمع انهم مش كويسين

**dony_mdandesh** · 02-04-2009 06:07 PM

بس كده قطع الغيار غالية قوى متهيألى كان فيه موضوع عن أسعار قطع الغيار كانت أقل من كده

**Mostafa Hessen** · 03-04-2009 01:22 AM

بخصوص موضوع التقسيط ففعلا أبو غالى عنده 6% وبس
والحمد لله شارى من عندهم العربية بتدفع ليها 30% مقدم والباقى على 5 سنوات ب 6% سنويا يعنى 30% على امبلغ الباقى ...
كمثال تقريبا سعر العربية بيعمل 77000
المقدمة 77000*30%=23100
المبلغ المقسط 77000-23100=53900
اجمالى الفوائد 53900*(6%*5سنوات)=16170
اجمالى المبلغ المقسط 53900+16170=70070
قيمة القسط 70070/60 شهر =1167.80

يعنى ثمن السيارة حيكون 23100+70070=93170 على فرض سعر السيارة 77000

وبالتوفيق...

**Mostafa Hessen** · 04-04-2009 10:44 AM

المشاركة الأصلية كتبت بواسطة mohamed_alshafie

انا شفت قائمه الاسعار بتاعه الجالينا فى المعرض و لقيتها معقوله جدا و قاللى مابالك باه بال frv اللى هى اصغر من الجالينا و بصراحه الاسعار انا عرفتها بعد التجربه يعنى مثلا الفانوس الامامى 1100 و الزجاج الامامى 1750 و الصدر 1000 و الشبكه الاماميه 1600 و اما سالتهم قالولى لان دى مستورده اما الجالينا متقفله هنا فى مصر

شكرا يا محمد على الأسعار