عاوز عربيه ومحتار

**rami_nassr** · 21-03-2009 10:02 AM

السلام عليكم ورحمه الله وبركاته
انا كنت عاوز عربيه ومحتار اجيب ايه انا معايا 16 الف جنيه فقط لا غير وكل واحد اساله يقول 128 وفيه ناس تقول بلاش دى كل يوم عند الميكانيكى ومش معمره وخلاص العربيات القديمه هتتكهن ......الخ
ارجو من رجال المنتدى الافاضل ان يقدمو لة النصيجه اكون شاكر لجضرتكم جدا

**ahmedzizo131** · 21-03-2009 10:06 AM

شوف يا جميل الريجاتا ، عربية جميلة و خفيفة و شبابية و قطع غيارها متوفرة و رخيصة و فى منها مكيف و زجاج كهرباء.

**amrbakly** · 21-03-2009 12:37 PM

بص يا ريس نصيحة زودهم شوية بحيث توصل لعشرين و هات ماروتي موديلات 2000 و كدة

لكن نصيحة ابعد عن الـ128 و 127 لأن فعلا كفاية عليهم كدة، الصنايعية في مصر هما أسوء طايفة فما بالك تسلمهم نفسك مرة علي الأقل في الشهر

و الريجاتا أغلي من كدة يا زيزو و بصراحة مش شبابية قوي، هي عربية قديمة بس فيها كتير من مميزات الجديد

و ربنا يوفق، بس أنا نصيحتي ماروتي

**maka** · 21-03-2009 11:56 PM

المشاركة الأصلية كتبت بواسطة ahmedzizo

شوف يا جميل الريجاتا ، عربية جميلة و خفيفة و شبابية و قطع غيارها متوفرة و رخيصة و فى منها مكيف و زجاج كهرباء.

الريجاتا اغلى كتيير من 16

شوفلك احسن 127 او 128 حالتها نظيفة

**shakor** · 22-03-2009 02:44 AM

ا/ قمر.....نفس المشكله عندى اريد شراء سيارة مستعمله ومعاى عشرون الف ومحتار اجيب ايه وف مشاركتك السابقه قولت هات مارتى 2000ممكن بعض المعلومات عنها وعن موديلاتها وانواعها ...............وعن موديلات ريجاتا واسعارها.....ف انتظار ردك الكريم ....وشكرا لك.

**maka** · 22-03-2009 03:09 AM

المشاركة الأصلية كتبت بواسطة shakor

ا/ قمر.....نفس المشكله عندى اريد شراء سيارة مستعمله ومعاى عشرون الف ومحتار اجيب ايه وف مشاركتك السابقه قولت هات مارتى 2000ممكن بعض المعلومات عنها وعن موديلاتها وانواعها ...............وعن موديلات ريجاتا واسعارها.....ف انتظار ردك الكريم ....وشكرا لك.

زود 2 وهات ريجاتا

**lord23** · 22-03-2009 10:01 AM

انا رأي تزودهم شوية وتجيب ماروتي 2000 زي amrbakly ما قال

عربية ممتازة قطع غيارة متوفرة و حمالة اسية واعطالها بسيطة
اما لو مش قادر تزود فهات المحروسة اللي هيا 128
وربنا يكرمك بعربية كويسة

**amrbakly** · 22-03-2009 11:17 AM

بص يا سيدي
الماروتي لحد موديل 96 هي الشكل القديم و دة فوانيسة مربعة و بيعمل من 14 - 18 حسب الحالة، و في منه بتكييف بس قليل جدا و متتعبش قلبك بموضوع تكييفها لأنة ضعيف جدا و العربية اساسا 3 سلندر و 36 حصان، و علي فكرة الموديل دة فية منة ياباني نادر جدا و واحد صاحبي كان معاه واحدة.

من بعد كدة الشكل الجديد، حتلاقي فيها الشبكة متغيرة و الفوانيس، دة حتلاقي لحد موديل 2002 بيعمل من 19 - 25 و دة مستحيل تلاقي منة بتكييف إلا ما ندر

الكماليات في الماروتي صفر، مفيش اي حاجة، بس استهلاك بنزين مرعب تقريبا لو حطيت فيها بخمسة جنية 92 ممكن تاخد صلاح سالم كلة رايح جاي و يفضل فيها كمان، بتجري بطريقة معقولة يعني تقفيل عدادها اللي هو 140 سهل جدا لو حالة الموتور كويسة، قطع غيارها رخيصة لكن بتاتا مش زي الفيات

اما بقي الريجاتا معلوماتي عنها صفر بس اعرف انها بتعمل اكتر من 20 الف

علي العموم انت لازم تصبر شوية برضة علشان توقع حالة حلوة، و لو لاقيت حالة حلوة خلص فيها و متستخسرش في نفسك لأنك فعلا بتشتري نفسك من مرمطة اللف و الدوران و ما أدراك بالصنياعية و افعالهم

**maka** · 22-03-2009 03:48 PM

المشاركة الأصلية كتبت بواسطة amrbakly

الكماليات في الماروتي صفر، مفيش اي حاجة، بس استهلاك بنزين مرعب تقريبا لو حطيت فيها بخمسة جنية 92 ممكن تاخد صلاح سالم كلة رايح جاي و يفضل فيها كمان، بتجري بطريقة معقولة يعني تقفيل عدادها اللي هو 140 سهل جدا لو حالة الموتور كويسة، قطع غيارها رخيصة لكن بتاتا مش زي الفيات

بس اكيد بتبقى خفيفة جدا على الارض

مين اللى قلك ان قطع غيار الفيات غالية؟؟؟