الموضوع: فتيس ال 127

جارى التجربة...اتمنى لو فى حد معين حديعرفه انه كويس فى الفيات بالذات يقولى عليه فين عنوانه و تليفونه و شاكر مقدما

الموضوع ده عايز ميكانيكي ولا عفشجي ياشباب ؟؟؟

انا جربت امبارح كل الكلام اللى قال عليه م.احمد بس الحقيقة فى كل مرة كانت الطقة دى بتحصل و بعدين لاحظت حاجه ان انا لو رفعت رجلى بنعومة من على الدبرياج الطقة دى مش بتظهر انما لو رفعت رجلى عادى تظهر مع العلم ان سواقتى غير عنيفة بالمرة بالعكس انا بريح كل النقلات و بنقل براحتى و مش بنتش و الكلام ده

المشاركة الأصلية كتبت بواسطة amr_elrashidy

انا جربت امبارح كل الكلام اللى قال عليه م.احمد بس الحقيقة فى كل مرة كانت الطقة دى بتحصل و بعدين لاحظت حاجه ان انا لو رفعت رجلى بنعومة من على الدبرياج الطقة دى مش بتظهر انما لو رفعت رجلى عادى تظهر

غالباً المشكلة عندك هروب الصلايب من الفتيس نتيجة فتح الشاسيه
هتحتاج تحط ورد خلف الكوبلن في الناحية التي تفلت
روح للميكانيكي ونبهه لهذه النقطة وخليه يتأكد
ولو الكلام سليم حط ورد خلف الكوبلن

النهاردة روحت للميكانيكى تانى و طلع فعلا ان العيب بوش فى الفتيس..رفعلى العربية العجل الامامى عجلة عجلة و مسك كل عجلة على حدة وانا معشق الاول ففعلا كان فى بوش فى حركة العجل واضح و مداه كبير كمان مش صغيرو قالى انا عارف قصة الصلايب دى كويس اوى و شوفتها قبل ماقولك وكمان الشاسيه بتاعك سليم مفهوش اى مشاكل المشكلة مشكلة بوش..السؤال بقى..هو قالى ان ده بيتصلح طالما مفيش مشاكل فى التروس..هل الكلام ده مظبوط ولا الواحد يتجه للاستيراد..يعنى الفتيس لو اتعمل حيرجع سليم تماما ولا ممكن تظهرلى نفس المشكلة بعد فترة و يبقى ضاع عليا فلوس التصليح و اضطر اخش فى الاستيراد بعد ده كله

أنا عندي 128
وكان في مشكلة في الفتيس
وللأسف فكيت الفتيس وصلحتها ومجبتش إستيراد
والصراحة بقول ياريتني كنت جبت إستيراد وريحت دماغي لأن الفتيس بعد ما إتفك حوالي ثلاث مرات مش مريحني برضه

عموماً لو المشكلة عندك بسيطة ممكن تصلحها
لكن لو مشكلة كبيرة يبقى هات إستيراد وريح دماغك

وياريت مش أي ميكانيكي يشتغللك في الفتيس
يفضل تروح لمتخصص فتيس
وفي واحد متخصص فتيس أنا إتعاملت معاه بعد ما الميكانيكية عكولي في الفتيس
وهو في حدائق القبة بشارع متفرع بجوار المترو
ممكن تروحله وتاخد رأيه قبل ما تفك
وتلفونه:
أحمد 0102361915
سامح 0113627425