تمام كدا راس البر كان حلو دلوقتى زحمة ومش حلو خالص
عرض للطباعة
تمام كدا راس البر كان حلو دلوقتى زحمة ومش حلو خالص
انا ساكن حاليا فى دمياط الجديدة للدراسة بس عموما الشط بتاع راس البر احسن من دمياط الجديدة هههههههههه انا عمال الف ومش باذاكر هههههههه
اسمعوا بقى الكلام اللى من الاخر من واحد دمياطى ...
بما انى ساكن فى دمياط وكليتى وسكنى المستقبلى فى دمياط الجديده وخروجتى فى راس البر
اقولها بالفم الملياااااااااااااااااااا ان....راس البر ...
يا جماعه راس البر اتغيرت كتير جدا اجدا جدا عن زمان بجد المحافظ بتاعنا د/ محمد البرادعى عامل فيها احلى شغل وتقريبا المنصوره كلها بتصيف فيها مع دمياط غير الاعداد الكبيره اللى بدات تيجى من القاهره واسكندريه فى اخر سنتين وفئات عاليه شويه مش الطبقه المتوسطه بس يعنى اللى ماشاء الله راكبين اوكتافيا وجيتا وانت طالع
اولا.. جمصه دى مارحتهاش غير مره واحده فى حياتى ومع الاعتذار لاهلها عاديه جدا جايز بحرها انضف شويه من راس البر لانها بعيده عن المصب النيل وعن الميناء بس مافيهاش غير البحر والبلاج فقط ماتلاقيش اماكن كتير تروحها او اماكن للتسوق يعنى بليل هتزهق بعكس راس البر اللى ماتزهقش منها ابدا زى ماهاقول دلوقتى ... وعلى فكره بلطيم نفس الحوار بتاع جمصه مع ان الاتنين بصراحه ميه البحؤ بتاعتهم انضف من راس البر لان شاطىء راس البر بينه وبين ميناء دمياط اقل من 6 كم + المراكب الصيد اللى فى عوبه البرج مخليه الميه مش نضيفه اوى
دمياط الجديده اصلا مش مصيف خالص هى عباره عن مدينه جديده زى العبور و6 اكتوبر عادى خالص مساكن وعمارات اهالى وفيلات وفيها الكليات بتاعت فرع جامعه المنصوره بس فيها شريط ساحلى قصير عباره عن بلاج الميه فيه عاليه اوى وبرضه مش نضيفه اوى وتقريبا كازينوهين بس اللى على بلاجها يعنى بمعنى اصح بلاج قصير جدا لاهلها يادوبك ومتلاقيش حد جاى يصيف فيها انما ممكن حد من سكانها
نيجى بقى للاهم وهى راس البر عروس المصايف اللى بجد اتطورت جدا جدا وبقت حاجه تانيه ومعدتش زى زمان للطبقه المتوسطه بس بالعكس بعد التطور اللى حصل فيها سعار العشش اللى هى الشاليهات بنسميها العشه فى راس البر ضربت فى 5 يعنى عشه 2نوم وصاله ومطبخ وحمام وتراس كبير فى مكان معقول فى الوسط كانت ممكن تعمل 50000 من 5 سنين دلوقتى تعدى ال200000 مرتاحه واسعار العشش اللى على اللسان والبلاج بتعدى ال500000 واعلى بكتير
ميزه راس البر انها اى حد هيتبسط فيها على قده هيعرف يسكن وياكل ويتفسح متوسط برضه هيتبسط مستواه عالى شويه هيلاقى برضه اللى يبسطه
البلد دى على شكل مثلث على اليمين نهر النيل فرع دمياط وعلى الشمال البحر المتوسط وفوق عند راس المثلث احلى منظر ممكن تشوفه فى حياتك التقاء البحر بالنيل وعدم اختلاطهم ببعض تلاقى البحر عالى والنيل هادى جدا مع انهم على بعض
اول حاجه عندك البلاج بطول حوالى المدينه وانت داخلها على الشمال فى شوارع رئيسيه وبين كل شارع رئيسى والتانى حوالى 10 شوارع تراب مش مسفلته
الشوارع هى من اول دخولك للمصيف 107 . 101 . 89 . 77 . 63 . 51 . 33 .15 .شارع المديريه . 10 . وكل شارع من دول اخره البلاج ومليان كازينوهات بتاجر كراسى وشماسى وبتعرض بليل افلام على شاشات عرض كبيره يعنى البلاج بالنهار فى البحر وبليل حلو جدا القعده على البحر عليه حاجه روعه
فيه برضه شارع النيل وده من الداون تاون اللى جوه المصيف من عند ميدان الجامع او ميدان السوق وده شارع تجارى محلات ملابس واقمشه واداوت منزليه واكسسوارات ومطاعم وكازينوهات
طبعا راس البر مليانه اسواق اشهرهم سوقى 63 والسوق القديم وهتاكل احلى سمك وجمبرى هناك والفطير والبيتزا الدمياطى وطبعا الحلويات والمشبكده شىء اساسى يعنى الاكل متوفر هناك بكل انواعه
شارع بورسعيد اللى هو الشارع الرئيسى معمول بطريقه حلوه جدا ممشى فى النص وعلى الجنبين نجيله ونخل ويوصل للكورنيش البحر واللسان تلاقى هناك فنار فى الاخر عند التقاء البحر بالنيل
راس البر بها 3 سينمات صيفى ومجمع سينمات قاعات وفيها كافيهات واماكن سهر كتير
ودى شويه صور لراس البر
ده شارع بورسعيد الشارع الرئيسى بطول المدينه
http://www7.0zz0.com/2009/03/21/21/819222822.jpg
وده الكورنيش امتداد شارع بورسعيد
http://www8.0zz0.com/2009/03/21/21/836073254.jpg
وده شارع النيل
http://www4.0zz0.com/2009/03/21/21/687597274.jpg
ودى صور للسان راس البر وواضح ان النيل على اليمين والبحر على الشمال
http://www5.0zz0.com/2009/03/21/21/251122309.jpg
ودى صور من فوق الفنار وباين على الشمال مدينه عزبه البرج
http://www12.0zz0.com/2009/03/21/21/363831840.jpg
http://www11.0zz0.com/2009/03/21/21/910245194.jpg
http://www6.0zz0.com/2009/03/21/21/911658687.jpg
http://www5.0zz0.com/2009/03/21/21/237193413.jpg
http://www3.0zz0.com/2009/03/21/21/722016880.jpg
http://www3.0zz0.com/2009/03/21/21/144191499.jpg
http://www3.0zz0.com/2009/03/21/21/371673142.jpg
http://www4.0zz0.com/2009/03/21/21/505019401.jpg
http://www5.0zz0.com/2009/03/21/21/889375246.jpg
يارب الصور تعجبكم واى سؤال عن راس البر انا فى الخدمه
ايه ده؟؟؟؟؟؟؟؟
تعرفوا اني طول عمري باسمع عن راس البر و بصراحه كنت فاكراها عاديه اوي يعني
بس اول مرة اعرف انها حلوة و نضيفة اوي كده
ما شاء الله عن جد تجنن
ان شاء الله احاول اروحها السنة دي اشوفها علي الطبيعه مع العيله
يا سلام شوية صور تحفة تسلم ايدك يا نجم
و الي يروح هناك يبقى يسأل على دعدور..احلى فطير في البلد
انا من المنصوره يعنى خطوتين جمب جمصه و لو رحتها فى الصيف مره او يوم تبقى معجزه لانى من وانا صغير اتعودنا على راس البر
لكن جمصه اخر سنتين بقت حكايه و احلوت اوى والخدمات زادت ولسه
بس انا بحب راس البر اكتر
إيه ده ؟ معقول دي رأس البر ؟؟ دي حلوة قوي
آمال الناس لسه بتيجي اسكندرية ليه ؟
بس صاحب الموضوع غلطان غلط كبير إنه ميحطش مطروح في الاستفتاء
فعلا راس البر من أجمل المصايف اللي رحتها بلد وفسحه وتمشيه على اللسان وطبعا فطير دعدور وأبو العلا والمشبك وجبن عمري ما شوفتها غير هناك اظن السوبر ماركت كان اسمه سند بس الميه مش حلوه خالص يعني فسحه اه لكن نزول البحر مطروح رقم واحد عندي
كلام وصور من الاخر
احلى كلام يا باشا
وعلى فكره مش البرادعى بس اللى عامل الشغل ده
ماتنساش عبد العظيم وزير برده كانت دماغه تحفه
وعشان كده بقى محافظ القاهره حاليا
ده غير دمياط نفسها بقى الكورنيش بتاعها احلى من راس البر
بصراحه البلد اتغيرت خالص على ايديهم
http://askareia2006.jeeran.com/domiat1.jpg
http://blogs-static.maktoob.com/user...1211027811.jpg
انتى ورايا ورايا :Copy of majd(4):