تنورى يا بوسى
بس مين قالك انى هروحها؟
انا مقيم فيها اصلا :M_yes[1]:
انا واخدها ايجار قديم مش ملك على فكره
انتى تعالى بس وانا ليكى عليا هشوفلى مكان ابات فيه الكام اسبوع دول
عرض للطباعة
بصراحة جمصة كل سنة بتطور عن الاول
وخصوصا لما الطريق الجديد يكمل هتنشط اكتر
بس راس البر حاجة تانية
جمصة دي شيئ مش نضيف اطلاقا
فيها كمية ناموس غير طبيعي من النوع اللي بيفترس البني ادمين
وطريقها برضه غير ادمي
ربنا يسامحة اللي قاللي عليها بقي
كان من 5 سنين كدة
--------
راس البر ماكنتش رحتها من اكتر من 20 سنة
رحتها السنة اللي قبل الماضية
طريق زبالة بجد قعدت في الطريق اكتر من 4 ساعات وشوية لغاية ما العيال تعبت واتبهدلو
المدينة اقل من العادية وتزهق منها تاني يوم
يعني حلوة تتراح شهر 5 لكن الزحام المرعب ده حاجة مقززة
البحر شوفتة من بعيد والمنظر مشجعنيش اني اقرب منه اكتر خاصة مع الزحمة
كازينوهات النيل والجربي عادية ومستواها تحت المتوسط وحتى اللي فيها حمامات سباحة الاطفال ماكنوش مبسوطين فيها
اسواقها ومشايتها زحمة جدا والناموس حدث ولا حرج بيفترس بتوع القاهرة مخصوص ومش بيحوء معاه OFF ولا غيرة هايكلك يعني هايكلك وماتقوليش ازاي لابس جينز تقيل وتتقرص
وشوز وشراب وتتقرص في كعب رجليك !!!!!!!!!!!!!
انا عملت نقل دم للعيال بعد ما رجعت :-)
الحسنة الوحيدة هناك السمك والجمبري والبطيخ والجبن
غير كدة ماتنفعش مصيف خالص
ممكن فسحة يوم او اتنين
وطبعا الناس مزاجات ولو توحدت الاارء لبارت السلع
ده انت باين عليك اتعذبت تمام في رأس البر يا كريم ....
لكن انت اللي غلطان
الناموس هناك بيبقى حفظ طعم اهل البلد ... وعاوز يدوق حاجة مختلفة ....وطبعا انت رايح عادي جدا ومش ناقص غير انك تكتب يافطة انك قاهري ...
المفروض تتخفى في زي اهل البلد و تتكلم بلهجتهم ... وتحط نمر ملاكي دمياط .... كدة الناموس مش ح يقربلك :Oc_sun1[1]:
...
رأس البر انا آخر مرة روحتها من اكتر من 20 سنة لكن لها ذكرايات جميلة جدا ... كان زمان لها طابع مميز
العشش
الطفطف
اللسان
مش عارف دلوقت بقى شكلها اية
... عموما اعتقد ان الساحل الشمالي وسواحل البحر الاحمر بقت لها الكلمة العليا في المصايف
والله يا باشا ماكنش فاضل غير اني ادهن العيال بلاك او دوكو
ده بالنهار كنت بغرق جسم العيال بالزيت بتاع نيفيا بتاع الشمس عشان الناموس لو جه جنبهم يطفش من طعمة
طبعا اتخرب بيتي لان الازازة ب 65 جنية
بالليل بقي بخلص 3 علب مبيد
الناموس ما يموتش لكن يدروخ بس وانا اشتغل علية بالفوطة
هههههههههههههههه
واضح يا كريم ان الناموس كان مستقصدك انت بالذات
او اكيد عشان اولادك طعمين فالناموس قال نجرب الحاجات الجديده دى :hlopaet_prv:
ربنا يخليهوملك
من حيث الطريق اكيد انت اخدت الطريق الزراعى (فيه حوالى 27 مطب)
انا انصح اللى يروح دمياط - راس البر يروح عن طريق الاسماعيليه الصحرواى
هو اطول ب 65 كيلو تقريبا بس طريق مريح وسريع
عيبه ان فى بعض المناطق مفيهاش نور خالص (لو هتسافر بليل)
انا الطريق ده بجيب عليه مستريح 220 كم/س :B4_048:
بس انا شايف ان موضوع الناموس ده فى اغلب المصايف
وبرده مش ملاحظه بالصوره اللى كريم باليتكلم عليها
يمكن فعلا عشان قاهرى ؟؟ :Ob_mak1[1]:
طعمين مين يا عم دول تامر وشوقية
وقاهري مين انت صدقت
بس حتى ناموس العجمي اللي مشهور جدا بانه يخلص على ضحية في نص ساعة ماجاش حاجة جنب ناموس راس البر
بس طبعا عشان المسطحات المائية اكبر في راس البر نسبة الناموس اعلى
بس هو فعلا مصيف حلو بس فسحة
واكيد انت مقضيها في فسحة يوم او اتنين مش اكتر
انا زهقت من مطروح بعد 3 ايام وبقيت مش عارف اعمل ايه تاني في اليومين الاخرانين ولولا الاب توب والمودم الفودافون كان زماني نزل القاهرة
ههههههههههه
طيب بتضرب ليه يعنى؟ :k40:
ده كان يوم مسافر بدرى ولاقيت الطريق فاضى
وماشى والله ولا فى بالى
ببص على العداد لاقيته على 190
قولت يا واد ماتيجى نجرى شوية:hlopaet_prv:
يادوب وصلت ل 220 ولاقيت كوبرى على مرمى البصر
قولت بلاش نطير انهارده
خف رجلك احسن :Ob_mak1[1]:
بس اللى زعلنى على ما فتحت الكاميرا لتصوير العداد كان لازم اهدى عشان خلاص الكوبرى على وصول :B4_611:
وطلعت الصوره بالشكل ده
http://www9.0zz0.com/2008/09/23/11/397576127.jpg