الموضوع شيق بس نام مش عارف ليه
عرض للطباعة
الموضوع شيق بس نام مش عارف ليه
انا بقي مشكلتي مختلفة واكثر تعقيدا لاني مش باملك دخلي الشهري في نفس التوقيت فمثلا مرتب وزارة الصحة الجامد اوويييي لطبيب متخرج من 4 سنين واللي مابيكفيش بامبز اولادي بيجي يوم مثلا 25 و نظرا لذلك باعتمد على دخول متغيرة من مصادر شغل خاص وديه طبعا متغيرة القيمة شهريا و ميعاد قبضها ايضا مختلف(تقريبا 3 مواعيد شهريا).لذلك كل مابتحصل على فلوس الاقي نفسي مضطر اصرف منها و طبعا بتطير سريعا و استني الدخل اللي عليه الدور عشان اصرف منه يعني عشان تشيل حاجة او تعمل خطة مصاريف شهرية يعتبر من المستحيلات الاربعة!!!طبعا فهمتم الرابع تحيا مصر
أستاذ ihab الله ينور
ياخبر ابيض دا الموضوع كبير أوى الواحد شكلو هيكبر دماغة من الجواز خالص:pointi~2[2]::44:
ملحوقين بس على الجواز وخلاص:36_3_18[1]:
لأبس ألى بينوى بجد والله ربنا بيكرمة وبييسرلة كل شئ
موضوع رائع ياريت من الكل يحط افكار جديدة علشان نستفيد حتى ولو كانت وردية اكثر من اللازم(اللي ميناسبكش ممكن يناسب غيرك)
الكلمه الوحيده اللي شدتني وسط الموضوع
ممكن يا باشا تقولنا البواب بتاعكم راكب عربيه ايه ؟؟؟؟؟؟؟
وايه المؤهلات اللي معاه لان دا اكيد سوبر بواب
ولو محتاجين بواب ابقي ابعتلي رساله خاصه علشان دا كده باشا مش بواب
فكرتني ببواب العماره اللي جنبنا لو شاف حد من السكان شايل موبايل زي بتاعه يرميه ويجيب الاحدث علطول
كان نفسي اشارك معاكم بس انا لسه مدخلتش القفص
ينهار ابيض
انتو متجوزين ومحتاسين
اومال لما اتجوز هعمل ايه
في مقطع في اغنيه بيقول ايه
ماهو فعلا مصر ام الدنيا بلد ال 70 مليون
يوم ما تحوش جوه مصر اخرك تجيب تليفون
ههههههههههههه
ربنا معاكو
بس نصيحه من اخوكو الصغير
طلعوا مبلغ كل شهر يكون صدقه
وان شاء الله المرتب هيكفيكو وزياده
يا نهار منيل
دا انتوا هتخوفونى من الجواز كدة
دا انا باخد وانا فى القاهرة علشان الدراسة غربة يعنى وكدة
حوالى 1000 جنية بمصاريف السكن وكدة ومش بتكفى
امال لما اتجوز هعمل اية
أنا مرتبي 225 جنيه ( طبيب عقبال عندكم ) باخد صورة معاهم قبل ما يطيروا تاني يوم , لما أتجوز هبقي أشوف شغلانة تانية ( في فرع فودافون كده قريب عايزين بواب ب 2000 جنيه , يا خسارة التعليم و السنين اللي ضاعت ).
بقبض و أحط فلوسي في البيت ..
و مراتي بتاخد منها عادي .. و أنا لو أحتجت حاجه بستأذنها الأول ههههههههههههههههه
السلام عليكم ...... البركة من عند الله .....انا والجو بتاعي والولاد لينا طريقة مشابهه لبعض الزملاء لكن بحكم الأغتراب عاملين نظامين الأول في مصر وده اثناء الدراسة طبعا حسبنا الثوابت زي :
-الايجار و البواب
-الكهرباء والمياة
-المدارس والدروس علي شرط مع الولاد (عمر 16سنه ومريم 12 سنه ) اي مادة اساسية هيكون شاطر فيها ومش هياخد فيها درس... فلوس الدرس تتضاف لمصروفة الشهري او تحوشة ....مريم رصيدها وصل 2100 جنيه (: وعمر نصها تقريبا (:
-مصروف الشهر للولاد والجو بتاعي
-مصروف البيت
وحددنا رقم وده بيكون ثايت تستلمه الجو بتاعي مني اول كل شهر توزع المصروف وتتصرف وهي علشان شاطرة شهر بيشيل شهر ولو في عجز لأي طاريء انا بسدده ولو فيه زيادة طبعا ليها (:
النظام التاني في الأجازات لما بيكونو معايا في مكة هما يختارو وانا اللي بدفع كل حاجة .....اصلهم ناس جاية تتفسح بقي ...... وطبعا اللي بحوشة في وقت الدراسة بصرفة في الاجازة لأ واية بكون فرحان كمان .......اصلهم بيكونو وحشوني قوي........هانت كلها 6 اسابيع ويشرفوا للأجازة........تحياتي من مكة
الموضوع دة برغم انة قديم من 2009 بس متجدد وجميل لان مشاكلة مستمرة ومتجددة ,,,,,,, هاهاهاهاهاها
ورغم ان اكيد الناس ادربت وخدت خبرة من السنين اللى فاتت لان الاسعار اضاعفت مرتين وثلاثة والمرتب بدل ما بيزيد بالعكس ,,,,بيكش
وبما انى مشكلة الادارة المالية دة تخصصى فالواحد بيجى عند مشكلة البيت ومصاريفة وبيجرب كل الطرق الممكنة وغير الممكنة .
بس لازم نحدد الاول ان فية ثوابت وفية متغيرات وفية كمان اولويات
الثوابت دة زى المرتب مينفعش يتغير والا يبقى فية ديون وسحب على المكشوف
والثوابت كمان الايجار والكهرباء والمية والعلاج والدروس
المتغيرات بقى بتبقى متغيرات فى القيمة ومتغيرات فى مواعيد الدفع
بعد لما ترتب الخطة والاولويات وكل الكلام دة ......ابقى قابلنى لو عرفت تنام ,,,,,,
المشكله ان اى ذياده فى المرتب تلاقى ليها مليون باب علشان تنصرف فيه ....... بتاخد الف جنيه هينصرف بتاخد 10 الاف برضوا هينصرفوا ومش بيكفوا العيب فين فينا ولا فى الفلوس
الموضوع مش مستاهل كل واحد يقول هو بياخد كام وبيصرفهم ازاي..
لأن اللي معاه كتير بيصرفه واللي معاه قليل برضه بيصرفه..
الفكرة في طريقة التدبير نفسها هي دي اللي ممكن تفيد..
أنا شخصياً أول ما بمسك الفلوس بانزل اجيب خزين البيت كله اللي يكفي الشهر وادفع كل الفواتير اللي عليا..
وبعد كدة مصروف يومي قليل يدوب على قد الاحتياجات اليومية زي اللبن والعيش والزبادي وكدة..
واديني متجوز بقالي 6 سنين والحمد لله الطريقة دي مريحاني جدا وعمر ما حصلت مشكلة في البيت بسبب الفلوس :)
الميزة اللي بتريحني في الموضوع ده هي اني بدي الأولوية للبيت واضمن اني جبت كل حاجته الأول..
بعد كدة حتى لو معيش فلوس اجيب سجاير او احط بنزين معنديش مشكلة..
المهم حاجة البيت موجودة كلها ومش ناقصنا حاجة وبابنا مقفول علينا :)
العيب في الطريقة دي ان مفيش معدل ثابت للميزانية اللي بتتصرف في حاجة البيت..
يعني ممكن الشهر ده اشتري كرتونة زيت وكرتونة مكرونة فالشهر الجاي ماشتريش من الاصناف دي لأن بيكون لسه فيه باقي منها..
فالشهر اللي باصرف فيه كتير عالأساسيات بيتبقا مبلغ قليل للرفاهيات ويتعكس الوضع في الشهر اللي بعده ..
وبما اني عندي شغل خاص بخلاف مرتبي الثابت فعشان كدة معدل دخلي الشهري بيتغير من شهر للتاني..
فانا فيا عادة اني لو ربنا رزقني بأي مبلغ زيادة بحطة في البيت أول بأول وانزل اشتري بيه خزين زيادة..
يعني بحب فكرة اني أأمن مستلزمات البيت شهرين تلاتة قدام لأن أحيانا الشغل الخاص بيقل أو يتعطل ومابيكونش فيه دخل مساعد جنب المرتب الثابت.
لكن في الأول والآخر كله بيتصرف مفيش حاجة بتقعد ^_^
من الاراء مفيش حاجة ثابتة الموضوع مختلف من واحد للتانى
والله انا عن نفسى كنت بدى مراتى فلوس وهى تعمل كل حاجه ....طبعا لقيت الموضوع مش حلو لان المرتب ميتبقاش منه حاجه ومش عارف احوش ....غير كدا انا اصلا شغلى سفر فمش بقعد فى البيت وهى مبتصرفش حاجه ولكن طبعا مفيش ست بترجع فلوس.
علشان كدا فبقيت اشترى كل حاجه بنفسى على حسب الاستخدام ولما اجى اسافر اسيبلهم مبلغ .....طبعا الموضوع فرق خالص وبقيت انا اللى متحكم فى الليله كلها....طبعا الموضوع متعب عن الاول ولكن انا مبسوط كدا.
النصيحه : خليك انت الاساس ومتعدمتش على مراتك فى موضوع الفلوس دا....غير كدا انت اللى تخطط وتحدد الاولويات على حسب مانت شايفها
كارت ال atm مع المدام بتاخد اللى عاوزاه للبيت
اول حاجة انك لاتكتسب قرش حرام
ولاتدخل بيتك او تاكل اولادك من حرام
وان ترضى بما رزقك الله وتقنع به وتشكره عليه
لئن شكرتم لازيندكم
تانى شىء انك تخلص فى اداء عملك وتتقنه
ومن يتقى الله يجعل له مخرجا ويرزقه من حيث لايحتسب
وبكده ربنا راح يبارك لك فى رزقك وزوجتك واولادك وصحتك وحياتك
دى تجربة حياة زوجية 35 سنة
الزوجة الصالحة والطيبة هى رزق طيب ومكافا’ة لك من الله تعالى
اول شهر جواز تولت المدام وزارة المالية والتموين
يوم 10 فى الشهر طار المرتب قلت لها كده ماينفعش ولازم شىء من التدبير حتى
لانضطر للاستلاف والدين
تانى شهر يوم 15 طار المرتب كده عرفت انها لاتستطيع التدبير كما اتضح اصلا انها لاتعرف
ان تتسوق بنفسها وممكن تشترى الحاجة باغلى من المعروض بالسوق اضعاف
لذلك تولييت انا وزارة المالية (مرتبى + مرتبها) من تالت شهر ومن بعدها انتظمت الاموربعد تعلمها التدبير
بفضل الله وبركته طوال 35 سنة جواز
اشترى احتياجات الاكل مرة واحدة بما يكفى الشهر
يعنى اللحوم والاسماك والدواجن والعلافة والخضروات الخ
اشتريت ديب فريزر وماكينة لحام اكياس واكياس نايلون للحفظ متعددة المقاسات
للمساعدة فى تنفيذ تلك الخطة ولاننا نسكن فى اطراف المدينة
حين توفر الاسماك فى موسم الصيد مثلا تكون الاسماك طازة ورخيصة اشترى كميات وتوضع فى الفريزر
فى موسم توافر الخضروات كالبامية والبسلة والفاصوليا الخ تكون الاسعار رخيصة يتم شراء كميات
وتقوم الحاجة بتنظفها وحفظها وتقسيمها على وجبات
فى موسم توافر الزيتون او الليمون او الفلفل او الخيار الخ
يتم اجراء عمليات تخليل لها وحفظها بما يكفى طوال العام
فواتير الكهرباء والتليفون يتم سدادها اول باول فى مواعيدها
خلال مراحل حياتنا احنا واولادنا
يتم اقتطاع مصاريف الدروس اول باول ودخلنا مرحاة تقشف ابتداء من مرحلة الاعداية
حتى الثانوية
خلال مرحلة الجامعة زادت المصاريف للولدين لذلك تم الدخول فى جمعيات
يتم قبضها فى شهر 9 و 12 لتوفير اقساط المصاريف والرسوم الجامعية
الايجار يتم سداده مرة واحدة سنويا من فلوس الارباح من الشركة
لشراء اى جهاز يحتاجه البيت يتم عمل جمعية وشراؤه بدل موضوع التقسيط والفوائد
تم فتح حساب فى البنك لادخار الفائض
تم شراء شقة للاولاد من مال ورثته عن والدى الله يرحمهم
قفلتها مدة كبيرة ثم اجرتها مفروش وببركة الله تعالى
تم شراء شقة اخرى للولد التانى من الادخار وايجار المفروش بالاضافة لمكافأة المعاش
كمان طبق قاعدة اللى مامعوهش مايلزموش من اول يوم فى حياتك الزوجية
يعنى دبر حياتك على قد دخلك ولا تورط نفسك فى اقساط وديون لاشياء غير حيوية ولا لزوم لها
ووسع على بيتك كلما سنحت الفرصة وتوافر لك الرزق
ولاتنسى الصدقات والزكاة وصلة الرحم
وان تكون قدوة صالحة لاولادك اولا وعامل مساعد فى مساعدة
من حولك من الزملاء والاقارب والجيران فى قضاء حوائجهم والنصح والارشاد لما يرضى الله
وماتوفيقى الا بالله العلى العظيم
والحمد لله على نعمة الاسلام وكفى بها نعمة
متابع
كل واحد و ليه طريقته انا شايف افضل شئ يخلي الفوس معاه و يدي مراته مصروف شخصي ليها ملهوش دعوه بمصروف البيت و ينزل كل اسبوع يجيب حاجات البيت اللي محتاجها و لو عرف يجيب حاجات الشهر كله مره واحده يجبها و يخلص نفسه غير كده الفلوس هتروح مش بخل و لا حاجه بس ساعه ما الواحد بيوقع مش بيلاقي حد يسنده الا لو شايل قرشين للزمن