- بتاخد مصروفك وتدي مراتك الباقي للبيت
- بتخلي الفلوس كلها معاك وتديها يوم بيوم
- بتحط الفلوس في البيت واللي عايز ياخد
- بتشتري انت كل حاجة وهي تعمل بس
- طريقة اخري (بس علي شرط تقولنا عليه )
عرض للطباعة
- بتاخد مصروفك وتدي مراتك الباقي للبيت
- بتخلي الفلوس كلها معاك وتديها يوم بيوم
- بتحط الفلوس في البيت واللي عايز ياخد
- بتشتري انت كل حاجة وهي تعمل بس
- طريقة اخري (بس علي شرط تقولنا عليه )
بحط الفلوس في البيت و الي عايز ياخد
بس بصراحة فكرة فاشلة جداً
و في طريقي لاتباع اساليب اخرى
جربت كل الطرق اللى فوق
وكلها فشلت مش لاقى طريقة مناسبة
وحاليا ماشى على بحط الفلوس في البيت و الي عايز ياخد
حد عنده حل
دا حل كويس لكن متعب شويه
وانا بعمله.
بتشتري انت كل حاجة وهي تعمل بس
مرتبى بتاع الوظيفه كله للبيت وبيفيض منه احيانا
ومصاريفى من شغلى الخاص وبحط منه فى البيت كتير
ايوه كده عايزه اعرف الناس بتعمل ايه بجد والله مش تريقه
عشان لما ابقي اللاحقون باذن الله
بس انا شايفه ان اللي ياخد ياخد دي مجازفه قوييييييييي وبعد نص الشهر مش هنلاقي فلوس
انا عارفه هتقولو الموضوع للرجاله ايه اللي دخلك معلش بقي اختكو الصغيره وعايزه تتعلم
هقولكم حل بابا مطبقة وناجح جدا
بابة بيجيب اغلب 75 % من حاجات البيت وامى بتجيب الباقى
عن طريق ان هو بيديها مصرواف كويس كل شهر تقدر تجيب بيه الحاجات دى ويتبقا معها زيادة كمان
وبالنسبة للاولاد كل واحد ياخد مصرواف اسبوعى وبكدة يبقا العملية كلها فى التمام
قيمة المصرواف بقا بتاع الابناء او الام على حسب قدرة الاب وعلى حسب الدخل بتاعه طبعا
حعمل ايه يعني كله بيطير:stink[1]::stink[1]::stink[1]:
باقعد اعيط جنبه :K_crying[1]::K_crying[1]:
الحمد لله على كل حال
انا باحط الفلوس فى البيت واللى "يلحق" ياخد ياخد
باعطي زوجتي مصروف كل أسبوعين
وهي مسئولة عن كل شئ فيما يخص مصروف البيت
وكنت الأول بادفع كل أسبوع بس تيسيراً عليها في التخطيط بقيت بادفع كل أسبوعين
بتفرج عليه
وقول حسبي الله ونعم الوكيل
بما اني لسه الحمد لله طرازان مش متجوز يعني بحط المرتب الدرج و براحتي بقي
وبعدين يا اخوانا انا حاطط بند اخري وبين قوسين شرط انه يقولنا عليها عشان نستفيد
الاقي 3 لحد دلوقتي مصوطين علي اخري ومش كاتبين هم بيعملوا ايه
انجدونا وقولنا بتعملوا ايه يمكن نعمل زيكوا
لية ما انا كاتب الطريقة بتاعتى فى الصفحة الاولة راجع عليها
قعدنا 3 شهور نراقب البيت بيصرف كام كمتوسط في الشهر
المرتب بيتحط في البنك .......ونسحب فقط رقم حددناه للبيت .......
مابحاولش اطلاقا اعدي المبلغ ده بالنسبه للبيت ...ولما شهر بيفيض منه يترحل للي بعده........
اما كل واحد بيسحب مبلغ من اول الشهر لمصروفه الشخصي وبرده مايحاولش يخرج عنه
طبعا احيانا بيحصل مصاريف طوارئ او العربيه تسحب......بس الحمد لله ماشيه.
ملحوظه انا اولادي لسه صغيرين مالهموش مصروف(ربنا يستر ساعتها)
في الاول الفلوس كنا بنخليها في البيت واللي بيحتاج حاجة بيسحب منها لقينا المصاريف كتيرة اوي ومش بنبقه فاكرين اتصرفت في ايه
بعد كدة حددنا مبلغ لمصروف البيت ومبلغ للملابس ومبلغ للدروس وهكذا
الفلوس كلها معايا وبيبقى فيه مصروف شهري للبيت
متهيالي عن غير تجربه ان البيت يبقي ليه مصروف وهو ليه مصروف وهيا ربنا يتولاها والباقي يتشال لو فضل باقي اصلا المهم الموضوع ميبقاش مفتوح وطبعا لما المصاريف تزيد او الحاجات تغلي زي اللي بيحصلنا اليومين دول ان المصروف يزيد او تدبر ناخد من هنا نحط هناك وهكذا
المهم اني فالاخر عايزه اعرف برده ايه احسن الحلول من تجاربكو
اللهم لك الحمد كنت فاكر انا بس اللي بفكر في الموضوع ده
بالتجربة وصلنا لرقم تقريبى لاحتياجات البيت
المبلغ ده بيبقى فى البيت اول كل شهر مع المراقبة
اذا كان فية زيادة او عجز
بنشيل جزء كتحويش و نحط الباقي و اللي عايز فلوس بياخد منه...
علشان انا لسه ماعنديش غير بنوته صغيره فالحمد لله المصاريف مقدور عليها...
بس طبعاً مش بنقدر نحدد بالظبط ايه اتصرف فين...!!!
والله ياجماعة انا مرتبى حوالى 2500 جنيه بأستلمهم من الصراف عادةً يوم 26 فى الشهر.قبل يوم 1 فى الشهر بيكون بح خلاص ولا مليم ودا اللى بيحصل والله بدون مبالغة لأن بند الدروس الخصوصية لواحده بياخد 1600 جنيه والباقى 900 جنيه بيتصرفوا قبل يوم 1 لمرتب الشغالة والمصروف الشهرى للولدين بالعافية.وأبتداً من يوم 1 فى الشهر أبتدى أصرف من دخل تانى غير مرتب الوظيفة.
ان شاء الله الشهر الجاي حكمل اول سنه جواز
و علي الرغم من اني محلل مالي الا ان موضوع مصروف البيت ده غلب حماري فيه
انا ماشي علي نظام
اول ما بستلم المرتب بعمل قعده مع المدام و نعمل ميزانيه للشهر بنود و تواريخ و مبالغ و مين اللي عليه البند ده و نقسم كل واحد ياخد المبلغ بتاع بنوده
و طبعا البنود بتبقي اكتر من الفلوس و هنا بنبدا نشوف الاهم فالمهم
و بما اننا في مصر يبقي سلم لي علي بنودك يا اسماعين بيه لان كلنا في الهوا سوا
بص يا باشا
انا أول ما أقبض بطلع المصاريف الشهرية الثابتة ( قسط حاجة - فلوس جمعية - ايجار الخ ) ايا كانت المصاريف .
وبعد كده ننزل نزلة محترمة نجيب بيها تموين الشهر و ده بيغطي تقريبا 90 % و الباقي بقى بتبقى مصاريف يومية و غالبا بدور على حد مش متجوز استلف منه آخر كام يوم لحد القبض الجديد وهكذا
اطلع اول حاجه اللي بكون ساحبه من الشغل وبعد كده مصروف البيت وبعد كده الالتزامات الشهريه وبعد كده مصروفي ودايما مصروفي بيبق اقل من الي متفقين عليه وباجي من نص الشهر ببدا اسحب من الشغل تاني
موضوع حلو اوي اوي وزي الفل وانا النهارده جايبلكوا معايا ماتيريال حلو اوي الماتيريال ده هيجاوب عن كتير من اسئلتكوا
انا جايبلكوا موقع الحكومه الاستراليه لتعليم الناس كيفية انفاق اموالهم وتوجيهها في منحي الحياه المختلفه من ادخار واستثمار وتعليم اولا وصحه و تأمين وخلافه بيحتوي على معلومات غزيره فالموضوع ده للي هاوي وفاضي وعايز يقرا
اللينك اهه
http://www.understandingmoney.gov.au...t/default.aspx
احنا محددين مبلغ للاكل والمدام بتاخد المبلغ اول كل شهر وبيكون للاكل فقط للشهر كله ... وانا مقسم الدنيا التانيه " اقساط , كهرباء , عربيه ..."
انا لسة ماتجوزتش بس لما باخد المصروف باصرفة كلة والاقى نفسى اخر الاسبوع مفلسسسس زى دلوقتى كدة مفلس خالص
أنا باخد المرتب في أول الشهر وبخصم منو شويعة ثوابت كدة :
أول حاجة القسط بتاع العربية
وبعدين الجمعية
وبعدين البنزين بتاع العربية
والصيانة بتاعتها
نيجي باءة للبيت بحط مبلغ مصروف البيت باجزاء لشوية حاجات يعني مثلاً 2٠٠ لحمة ١٠٠ خضار
٥٠ فاكهة
١٠٠ كهربة وغاز
١٠٠ بواب
والباقي الاكل ٣٥٠
لسة باءة لم النونو يشرف هتبهدل بس أنا مش بفكر في الموضوع دة عشان ميجليش إكتئاب
انا بعمل حاجة كويس
بعمل ظرف لكل بند ثابت زى الاكل,قسط,بنزين,ايجار,كهربا وغيرة علشان مصرفش من بند لازم يدفع فبكدة بتاكد من البنود الثابتة و مبسحرش فى الحاجات التانية زى الخروج واللبس وغيرة.
طيب بتعملو ايه في ظروف الغلا اللي احنا عايشين فيه
امبارح كان الواحد يتغدي مثلا ب 10 انهاردة ب 15
والمرتب هو هو
اهم حاجة تبقى عارف التزاماتك و ميعاد دفعها
بالنسبة لى انا عامل الاتى :
اول كل شهر مع القبض عندى مجموعة اظرف فيها الاتى : رخص سيارة - تليفون - موبايل - مصاريف مدرسة - كهرباء - غاز - جراج - نادى - مصاريف صيانة السيارات - بند دكتور - صيانة الشقة - بنزين - 000000000
و محدد مبلغ شهرى بيتحط فى الاظرف دى و طبعا كل 3 او 4 شهور بتقيم الموقف تانى و تزود بند من البنود دى او ماتزودش و ده طبقا للزيادات اللى بتم فى الاسعار و الرسوم و خلافه
و بعدين بننزل نجيب حاجة الشهر كلها تقريبا مرة واحد و يتفضل حاجات اسبوعية بقى زى اللبن - الفاكهة - 0000000
ميزة حاجة زى كده مثلا فى بند مثل بند مصاريف الصيانة بتاعت العربية انك بتشيل مبلغ و ليكن 100 مثلا شهريا ممكن بتقعد 3 - 4 شهور ما بتعملش حاجة فى العربية و الشهر الخامس تيجى تعمل حاجة تلاقى معاك فى ظرف العربية 500 جنيه ( طبعا مبلغ مش بطال و مش حايخليك تجور على بند تانى )