الموضوع: كنت حتحبس يا رجالة

عندما تم وضع قانون المرور عليه و بغض النظر عن الخلاف حول بنود الحبس
و كنت اؤيدها اشد التاييد
حتى اكتشفت ان المفروض يطبق فياي دولة عدا مصر
يا جماعة انا مشيت مخالف تلات مرات
وولا مرة كنت عارف اني مخالف
وفيمرة لحقت نفسي وركنت قبل ما الامين ما ييجي
و فضل واقف مستنيني متحرك بسكنت رافع الكبوت و عملت نفسي بتكلم في الموبايل و ان العربية فيها حاجة
و قف عشر دقايق و فيالاخر زهق و مشي
المرة التانية و انا بعدي من تحت كوبري ستة اكتوبر
قدام الكورنيش مش عارف فين بالضبط
و بعد ما وصلت لاخره خالص و كنت ماشي ورا عربية
لحظت ان العربيات راكنة عكس مني
و اكتشفت ان انا كنت ماشي عكس الاتجاه ؟؟؟؟؟؟؟؟؟ظ
التالتة ديه بقى كانت كارثة
كنت معدي نفق احمد سعيد علشان اروح لتوكيل سكودا اللي في غمرة جنب دير الملاك
لقيت كام عربية ماشيين و كنت ماشي معاهم
وفجاة اكتشفت اني ماشي عكس الاتجاه و لقيت الاتجاه المعاكس ليا
4جحارات و الموضوع بقى صعب اوي و بالعافيه هربت في احد الحارات الجانبية
المشكلة يا جماعة بجد ان مكنش فيه و لا اشارة
ولا يافطة و لا حاجة و لقيت الناس عارفه ان ده مخالف و ده لأ كده
طبالوافدين يا جماعة يعملوا ايه
كفاية حرقة اعصابي بس كل ما اكتشف اني ماشي مخالف
لان طبيعتي بحبامشي مظبوط
اخر حاجة اتمسكت مخالفمن حوالي اكتر من شهرين فيالزقازيق بسبب عدم وجود يافطه تمنع دخول الشارع
؟؟؟؟؟؟؟؟؟؟؟؟؟؟؟؟؟؟؟؟؟؟
يا جماعة ايه الحل لكل الهبل ده
والا كده الواحد كل ما ينزل القاهرة و يروح حتت جديدة دمه حيتحرق و حيموت بالسكتة بجد

المشاركة الأصلية كتبت بواسطة eslamwega

حضرتك لو قريت القنوان كويس هتعرف ان عقوبة السير عكس الاتجاة هى
من 1000 الى 3000 جنية ولا يوجد اى عقوبة حبس نهائى

بعكس حزام الامان فى عقوبة حبس لو لم يتم دقع المخلفة

وانا بقول لحضرتك الكلام ده عن خبرة ان من شهرين كنت بلف حته عكس وقولت عادى الحته دى بيلف منها الف واحد عكس يوميا اشمعنا انا يعنى الى الف من اخر الدنيا
ودخلت خلاص فجاة لقيت فى وشى عربية ملاكى فيها ظابط نزل واخد الرخص منى وسلمها لاول اشارة كانت اشارة التجنيد فى جسر السويس واخدت الوصل بتاع السحب
طبعا انا كانت مرعوب قولت خلاص هبقا سوابق وهتحبس دخلت النات وفضلت اسائل الناس العقوبة اية وواحد منها جابلىنص قنوان المرور الجديد قريت البند بتاع السير عكس والحمدلله اطمنت قولت حتى لو هتدفع 10 تلف جنية اهم حاجة متدخلش السجن

وفعلا راحت بعديها المرور لقيت عليا مخلفة 1100 جنية قولت ربنا يخلى الحكومة الجميلة بتاعتنا وفضلت اعد 11 ورقة فئة 100 جنية ده طبعا غير ال 6جنية ونص العافية بتوع الموظف واخدت الرخصة وروحت وقولت الحمدلله على كل شيى

المشاركة الأصلية كتبت بواسطة crazylambada

اومال حضرتك اللي اتحبسوا بسبب الموضوع ده ايه
و النائب العام و الحوارات ديه كلها
المشكلة مش في العقوبة المشكلة الاساسية في العشوائية الشديدة جدا
و متشكر جدا على رد حضرتك
بس تفتكر الحل يبقى ايه

والله العظيم زى ما بقولك انا لسة ماشى عكس من قريب والله ومفيش حبس ولا حاجة مجرد غرامة كبيرة مش اكتر ويريت حضرتك تقراء القنون وانا ممكن اجبلك القنون لو عايز