السلام عليكم ورحمة الله وبركاته
طلب غريب فى موقع غريب بس المشاركة اللى موجوده فى المنتدى تخلى الجميع يشارك ويطلب اللى نفسه فيه
انا عاوز فسخانى كويس ومضمون فى القاهرة ، ياريت لو حد يعرف واحد كويس يكون مشكوووووووووور جدا
عرض للطباعة
السلام عليكم ورحمة الله وبركاته
طلب غريب فى موقع غريب بس المشاركة اللى موجوده فى المنتدى تخلى الجميع يشارك ويطلب اللى نفسه فيه
انا عاوز فسخانى كويس ومضمون فى القاهرة ، ياريت لو حد يعرف واحد كويس يكون مشكوووووووووور جدا
شاهين طبعا اللي في السيدة زينب:C_laugh[1]:
(الموديل باى اختاره انت )
شاهين له فرع فى باب اللوق فى عمارة استراند ممتاز جدا وعنده تشكيلة حلوة
كمان فيه فى السوبرماركتس الكبيرة فسيخ مغلف نظيف جدا وممتاز برضه
وبالهنا والشفا
ازى هيجيلك نفس تاكل البتاع ده
اول ما قريت الموضوع نفسى هفتنى على الفسيخ مع انى بقرف من ريحتة
اعوذ بالله من ده شيء ...
انا يوم شم النسيم لو العائلة معزومة هنا بسيب البيت لمدة اسبوع ولا حاجة ..
عموما فى فسخانى هنا اسمه الجمهورية ..
ده مشهوووور اووووووى اوووى والممثلين بيجيبوا من عنده كل سنة وبيبقي عليه زحمة ولا كانه ببلاش ..
هو فى شارع النزهة قريبا من ميدان الجيش يعنى ..
شاهين طبعا اللي في باب اللوق
مينفعش تقديها رنجة
اصل فسخانى مضمون دى رابع المستحيلات
انت يا باشا تشوف فسخانى جنب مستشفى كدة اضمن حاجة
هى اساسا الاكلة مش مضمونة
بس ماعتقدش ان فى فسخانى فى المنتدى العام :)
شارع المنيل جنب عنتر الكبابجي قبل تقاطع شارع الروضة عاليمين بس هات حتة متكولش لوحدك
اعوذ بالله ده كله ميكروبات وبكتريا
كده هتضحكوا الاجانب علينا :k32:
يا شباب
حفظ الاكل من زمان قبل التلاجه والاختراعات دى كان بيتم بطريقه من 2
اما التمليح (زى الفسخ)
او التدخين (زى الرنجه)
ودى طرق حفظ الطعام من زمان جدا
المهم تتعمل بطريقه نظيفه وسليمه
انا عن نفسى بحب الفسيخ وخصوصا السردين المملح
مشكور كل من ساهم أو عارض أكل الفسيخ
بس برده الفسيخ فسيخ
متوقعتش كل الردود دى ، بجد ألف شكرا
أنا هروح لشاهين أجيب الفسيخ :36_1_35[2]:
بحبكم يا أعضاء Nile Motors الجامدين قوى
اعمل الفسيخ بتاعك بنفسك في البيت هو بياخد 3 اسابيع تقريبا
تجيب السمك البوري الكبيرالكيلو بيبقي من سمكتين ل تلاته و هات ملح خشن ربع كيلو لكل كيلو و حط الملح تحت الخياشيم بتاعت السمكه و بعدين حط كل سمكتين في كيسه علي قدهم و رش عليهم ملح من بره من فوق وتحت السمكه و اقفل الكيس كويس و حط الكيس في كيس وبعدين لف الكيس في ورق لحمه (الكارتون) وبعين كيس كمان بتاع 5 - 8 طبقات من الاكياس و بعدين تحط الجثث في مكان دافي و تقلبه كل 3- 4 ايام علي جنب من الاجناب و بعدها تفتح عليه بعد 4 اسبيع و بالهنا و الشفا من غير زفاره و لا ريحه وحشه
ايه ده يا جماعة؟
حد ميحبش الفسيخ؟؟؟؟؟؟؟؟؟
دي اكله محصلتش اساسا
عموما للناس اللي بتقول انه سمك معفن
يا جماعه ما في هيك شي
ده مجرد سمك بيتملح بالطريقه لي قال عليها دكتور احمد هلأ
عموما بالنسبة للاستاذ اللي بيسال علي افضل محل
شاهين طبعا
اي فرع مش هتفرق بس احنا بنجيب من فرع المنيل
و الله يا درش من كتر حبي فيه و لا بشمله ريحه:k48:
بعدين النوع النضيف اوي منه ريحته مبتبقاش ريحه وحشه اوي يعني
بتبقي مجرد ريحه غريبه اقوي سنة من ريحه الرنجه مش اكتر.
لو جربت الفسيخ بتاع كفر الشيخ مثلا هتفهم انا شو قصدي:M_yes[1]:
عن جد احلي فسيخ.
ناس بتشتري اسوء و اقذر انواع الفسيخ اللي بيتساب في الشمس لحد ما يعفن.
انا شخصيا و كل عيلتي و اهلي و صحابي لازم ناكل فسيخ في شم النسيم مثلا
بس عمر ما حد فينا تعب او صارله شي الحمد الله
It depends علي المكان لي بتشتري منه الفسيخ اولا و اخيرا
لازم يكون مكان موثوق فيه و تعرف ناس بتتعامل معاه
و في الغالب علي فكرة بيكون غالي جدا.
انواع الفسيخ المسممة دي بتبقي رخيصه
زي لي بتتباع علي سور جنينه الحيوانات مثلا:Copy of majd(4):
لو قتلوووووووونى ما اكل الشيء ده ابدا :(
مالها الرنجة يا جماعة !!
حاجة نظيفة و لذيذة ولا رائحة ولا يحزنون ..
و كلها خوزعبلات اساساااااا ...
تقاليد الفراعنة دى ملهاش لازمة اصلا و كل واحد فينا اتولد لاقى الناس بتعمل المظاهر دى و يلونوا البيض و يرموه من الشباك بعد ما يخلصوا :)
عموماااا انا لم ولن ااكل الفسيخ طوال حياتى :p
لو هتكلى فسيخ يبقا معمول فى البيت وانا اعرف ناس كانت بتعمل الفسيخ فى البيت وكلت من عندهم فرق شاسع ولا تقوللى شاهين ولا عابدين لان بردوامهما كان المحل مش هيبقا ثقة ابدا وانا عمرى ما اكل فسيخ من عند اى محل فى العالم الحالة الوحيدة انه يكون معمول فى البيت وبعدين قوللى بتلقى حاجة اصلا فى الفسيخ تاكليها دة كله عبارة عن شوك وجلد انا فى راى الرنجة هى رقم 1 ومضمونة 100 100 وكلها لحم وطعمها روعة
طيب شوفت بقي
دامك قلت شوك و جلد يبقي ما جربت الفسيخ الحلو بجد.
انا ساعات اصلا مش باقدر اكمل من كتر ما السمكة بتبقي بجد كبيرة و من كتر ما طعمها يجنن.
اصلا السمكة الواحده ممكن ياكلها اربعه او شي من كتر ما بتبقي كلها لحم و الشوك و الجلد اكيد موجودين باي سمكة بس اكيد مش بيبانو في الوسط يعني.
برضه رايي لي ماشيين عليه طول عمرنا دام الفسيخ جايبينه من مكان مضمون و نضيف يبقي عمر ما في شي هيحصل ان شاء الله.
و التجربه خير دليل
باكله بقالي 23 سنة و ما صار شي الحمد الله:M_yes[1]:
و اهلي و اهلهم من قبلهم.
اكيد كل دي مو صدفه ابدا:N_no[1]:
برده الفسيخ البيتي لا يعلي عليه يليه الفسيخ المعمول في كفر الشيخ خصوصا الحامول السمكه الواحده بتأكل 2 رجاله طول بعرض :36_1_35[2]:
موضوع جه في وقتة تمام بس مش عشان اشتري
عشان عايز رايب
اصلي لسه ضارب كلابي النهاردة
من اسبوع كنت في افتتاح سوق القاهرة الدولي ولقيت جمعية سيدات اعمال اسوان
وجايبين عينات معاهم والسعر اصلا هدية حاجة مش طبيعية
برطمان تحول للاحمر من كتر الفلفل الاحمر الاسواني
ومفيش رائحة وسمكة كلابي تحففففففففة
مش محتاجة غير فص ليمون وشوية خل وعيش حياتك
قاعد على نايل موتورز مش شايف قدامي من الل يعملتة في نفسي من بعد الصلاة لغاية دلوقتي بدخل غيبوبة واصحى تاني
شارب بتاع 5 ايرل جراي على 3 شاي بالنعناع على نصبرميل ميه ومفيش فايدة
غير الرايب والزبادي
مشفتش حد بينتقم من نفسة زي البني ادام كدة !!!
بس بصراحة روعة ورفعلي الضغط شوية عشان ضغطى قليل
بالظبط كدة.......
وفي بعض الاحيان لما باكون مستعجل ...او يكون في مناسبة ما......ابن عمي بيشتري من مكان اسمة "سيدي سالم" .....دة بقي فسيخ زي ايلي بيتعمل في البيت بالظبط....مالوش ريحة ...مستوي كويس قوي...ملحة مظبوط....وملتهب.."من الشطة".....بس حكاية..
وبالهنا والشفا...
يعني ايه كلابي يا بشمهندس كريم؟:O_stupid[1]:
مش فاهمه بصراحة:8954[1]:
لاء كانت خناقة بيني وبين الكلابي
انا مشافتش سمكة حلوة جدا كدة
بس كانت غيبوبة وصحيت منها
استاذ سمير رد مشكورا
حسام
مالكش دعوة ابعت انت بص صفيحة بلاش برميل
وحياتك انزلك بيها مارينا واكون اول واحد يطفش الناس من بورتو
نيييييههههههههههههههههههه
انا مش عارف ايه اللى بيعجب الناس فى الشيء اللى اسمه الفسيخ ده ..اقتباس:
اعتاد المصريون منذ أيام الفراعنة حفظ الأسماك بطريقة خاصة تنتج ما يسمي بالفسيخ الذي تعتبره الدول الأخرى بخلاف مصر سمكا فاسدا, أو أسماكا ميتة كما يطلق عليه الإنجليز, وبالتالي فهو منتج ليس له مواصفات قياسية عالمية، ورغم ذلك فالمصريون يحبون الفسيخ ويتناولون منه كميات كبيرة في شم النسيم.
و لقد أثبتت الدراسات وجود بعض الطفيليات والبكتريا الممرضة في هذا المنتج, ويرجع وجود البكتريا في أسماك الفسيخ إلي الطريقة التي يتم بها تصنيعها حيث تترك الأسماك في الخلاء حتى يحدث لها بعض التحلل والانتفاخ وهو ما يسمي بعملية التفسيخ والتي قد يصاحبها حدوث تلوث بالبكتريا الممرضة عن طريق الذباب, وفي بعض الأحيان يتم التلوث ببعض البكتريا الخطيرة مثل الكلوستريديم بوتيولينم والذي يؤثر علي الجهاز العصبي ويسبب الوفاة إضافة إلي نوبات إسهال لفترات تتراوح بين12 و72 ساعة يصاحبها ضيق في التنفس وحدوث شلل للعضلات.
و في حالة إذا ما كانت هذه الأسماك مصابة ببعض الطفيليات, فقد تنتقل للإنسان إذا لم يتم تمليحها لفترة كافية، وهو ما يحدث كثيراً في شم النسيم حيث يتم عرض كميات من الفسيخ دون التمليح للفترة الكافية وهي ثلاثة أسابيع, نتيجة الطلب المتزايد عليه, فيتسبب في مغص وقيء, وقد يحدث تليف في صمامات القلب أو جلطات بالأوعية الدموية للمخ.
ده كفاية ريحته اصلا ..
واللى يقولك لا ده ملوش رائحة علشان يثبت لك ان الفسيخ ده بسبوسة :(
انظف محلات الفسيخ فى مصر بتبقى ريحتها زى الزفت ..
بلاش منافقة ..
بس انا عايز اعرف بقي من الناس اللى بتاكل البتاع ده بجد ..
ايه اللى بيعجبكم فيه !!
يعنى انا مثلا بحب الرنجة و مش باكلها الا فى شم النسيم ..
انتو بقي بتحبوا فى البتاع ده ايه !
انت بتحب الرنجة ليه؟
هو نفس السبب اللى بيخلينا نحب الفسخ والرنجه والفراخ واللحمه و و و و
كل حاجة وليها طعمها
وكل واحد وليه ذوقه
فى ناس مش بتحب الفراخ
وفى ناس مش بتحب السمك
وفى ناس مش بتحب الرز
وفى ناس مش بتحب اللحمة
وفى ناس تاكل سمك مقلى بس
وفى ياكل مشوى بس
وفى بياكل فسيخ
تقريبا كده كل واحد ودماغه :B4_592: