يعني مبروك بس مش أوي يعني ههههههههه حرام و الله الأسعار دي
انا صيانة ال 25 ألف قربت و انا بصراحة زهقت من مشوار العبور فا هتلكع بالعربية لحد ما أبو رواش يفتح ،و بعد ما يفتح هروح أعمل الصيانة برة عشان غالية .
عرض للطباعة
يعني مبروك بس مش أوي يعني ههههههههه حرام و الله الأسعار دي
انا صيانة ال 25 ألف قربت و انا بصراحة زهقت من مشوار العبور فا هتلكع بالعربية لحد ما أبو رواش يفتح ،و بعد ما يفتح هروح أعمل الصيانة برة عشان غالية .
ايه يارجاله هتخوفونى منها ليه بالكلام ده بس اعتقد والله اعلم ان نفس اللي بيحصل معاكو بيحصل فى كل مراكز الخدمة برة وكان الله فى العون
بلاش مبروك "اسف على التأخير" وخليها ربنا يعوض عليك
يا جماعة يا اخونا هو الموضوع إختراع اكيد لألألألألألألألألألألألأل ألألألألأ تويوتا موجودة من سنين واكيد اللى بيشتغلوا فيها مش اقل من العلماء العاملين بدايهاتسوا "من الحاجات الغربيه ان فرع اسكندريه فرع لخدمه تويوتا"وشوفوا فرق الاسعار فى العماله بين دايهاتسوا العبور ودايهاتسوا اسكندرية.
فى موضوع م/هيثم "احاث صيانه ال40 الف كم "كنت اقترحت عمل لجنه من اعضاء المنتدى الكرام وطلب مقابلة مجلس ادارة دايهاتسوا وعرض المشاكل الموجودة عليهم لحلها واعتقد ان دة مفيهوش حاجة تزعل احنا عندنا عربيات وعايزين نحافظ عليها وهما ليهم مصلحة ان احنا نروح لهم علشان نعمل الصيانة وفى نفس الوقت لو احنا مبسوطين هاكون مصدر دعاية كويسة "زى احمد السقا"ويبعوا اكتر وخصوصا ان فى ناس كتير زى انا كونت بدور على عربيه اقتصادية فى كل حاجة ...
اخيرا يا د/معاذ هل الدراسه دى متعملتش قبل ما يحددوا الاسعار دى اعتقد ان الكلام دة مش مظبوط ومفيش دراسة ولا حاجة هى تويوتا بتجيب قطع غيارها من السودان ودايهاتسوا بتجيب من اليابان ...
شكرا واسف للإطاله
حبيت اضيف اني سألت بره الزيت اللي في عبوات كل واحده لتر اللي بيستخدمة التوكيل بيتباع بره اللتر الواحد بــ 65 جنيهاقتباس:
260 جم زيت Mobil 1
يعني الأربعة لتر بــ 260 جنيه بالظبط
في حين ان الأربعة لتر مع بعض في العبوة الكبيرة بيتباعوا بــ 235 جنيه فقط
ومش عارف ليه الأختلافي في السعر ده بين العبوتين
معقولة علشان العلب البلاستيك ولا فيه حاجه تانيه
الف مبرووووووووووووووووووووك يا باشا و عقبال ما تكمل ال مليوووووووووووووون بدون الحاجة للتوكيل.. على فكره انا معايا ماتريكس 2007 عملت 57500 كم بدون صيانة فى التوكيل عدا اول صيانة و من ساعتها حرمت و الحمد لله العربية زى الجديدة مع تغيير الفلتر و الزيت بصفة دورية فى البنزينة (بدون تربيط عفشة او اى حاجه.....) و فى صيانة ال 60000 هشترى كل حاجه من التوكيل و اركبهم عند ميكانيكى كفاءة اعرفه من زماااااااااااااان لان الضمان اصلا خلص كده و التوكيل بجد بيعمل اى هبل يكسب على قفانا,,, كلام ممكن اى عيل صغير يعمله و انا قلت الكلام كده فى كذا موضوع فى قسم هيونداى و دايهاتسو و دى الظاهر انها سياية كل التوكيلات المصرية لان ال system نفسه مصرى.......... انا فى هيونداى كا قدامى فيرنا بتعمل صيانة ال 10,000 و قالوله تكلفتها 765 جنيه (منهم حوالى 280 مصنعيات) علشان الراجل كان بيشتكى من صوت الموتور انه عالى----> و كل اللى المهندس كتبه هو تغيير زيت و فلتر و الكشف (و كده كده هياخد عربيته زى ما هى او انيل). انا الحمد لله ناوى ال i10 اعملها كل حاجه بره باستخدام قطع الغيار الاصلية و هلتزم بمواعيد الصيانة الاساسية بالتوكيل علشان الضمان يستمر. و هما فى الاول و الاخر لازم يعملوا كده علشان يكسبواااااااااااااااااااا ااااااااااا هو ده هدفهم الاساسى و انت تولع و تروح و تيجى مشوار ملوش لزمه و تضيع فيه يوم.
و خلى بالك يا باشا من موضوع المياه ده مهم جداااااااااا.. اوعى تحط نقطة واحده من الحنفية,, بجد عن تجربة لانى بتعامل مع محركات تحت الاختبار و الدراسة فى الكلية و المحرك بيتبرد بمياه من الحنفية و بينزل مياه لونها احمر عند بداية تشغيله لفتره معينة و من ساعة لما شفتها و انا حريص انى ازود المياه بنفسى. و النصيحة ليك تحط المياه الخضراء بنفسك و متستعملش اى اضافات من اللى ممكن تسمع عنها لان معظمها بيكون ضار و ليس ليه فوائد اطلاقا.