ايه الي هموا بيعملوه ده بقي
ايه الي هموا بيعملوه ده بقي
بصراحة أنا أتمنى أن تكون عقوبة السير عكس الإتجاه هي الإعدام شنقا في ميدان عام
لأن السير عكس الإتجاه من وجهة نظري هو جريمة قتل أسوأ من الجرائم التي نسمع عنها و احنا للأسف فينا ناس كتير تخاف و لا تختشيش
أقولك مثلا لو اتجهت الى حلوان عن طريق الأوتستراد ستجدأن قرب حلوان على الأوتستراد يوجد مطلع عالي جدا يعقبه منزل بنفس الإنحدار مع ملف على نفس المنزل في هذا الملف و أنت تقود على سرعة لا تقل عن 80 الى 100 كم و الطريق منحدر بك ستفاجأ ببعض السيارات تأتي لك وجها بوجه (كل ده عشان يدخل من فتحة عكس ليصل الى الإتجاه الآخر من الطريق) مع أن الفتحة القانونية لن تكلفه ربع جنيه بنزين , و الغريب أن معظمهم بياخد الحتة العكس دي بسرعة غير عادية.
تخيل نفسك مع أسرتك 4 أفراد و الحمار اللي جاي عكس مع أسرته 4 آخرين ممكن 8 أرواح يهدر دمهم في ثواني عشان و احد متخلف حيوان أناني و غير مبالي عاوز يوفر شوية بنزين و بيمشي عكس إتجاه.
عشان كدة ماتستغربش لو أنا طالبت بلإعدام العلني لكل من يسير عكس اتجاه.
عكس الإتجاه يا سادة هو همجية و عدم تحضر و عدم احساس بالمسئولية و أنانية و نفسي قانون عكس الإتجاه يكون أكثر تطبيقا و اشد عقوبة.
يا جماعة أنظروا الى الدول العربية و شوفوا القانون بيطبق هناك ازاي و كفاية بقى نغمة احنا الريادة و احنا اللي علمناهم و الكلام الفاضي ده.