الناس الى بتقول ان السير عكس عقوبة السجن الكلام دة غلط ودة الدليل
السلام عليكم ورحمة الله
لاحظت ان فى ناس بتقول ان السير عكس عقوبة السجن والصراحة انا مش عارف جايبن الكلام ده منين
و دى كانت مشاركة ليا فى احد المواضيع الى بتقول ان السير عكس فيها سجن
اقتباس:
المشاركة الأصلية كتبت بواسطة eslamwega
حضرتك لو قريت القنوان كويس هتعرف ان عقوبة السير عكس الاتجاة هى
من 1000 الى 3000 جنية ولا يوجد اى عقوبة حبس نهائى
بعكس حزام الامان فى عقوبة حبس لو لم يتم دقع المخلفة
وانا بقول لحضرتك الكلام ده عن خبرة ان من شهرين كنت بلف حته عكس وقولت عادى الحته دى بيلف منها الف واحد عكس يوميا اشمعنا انا يعنى الى الف من اخر الدنيا
ودخلت خلاص فجاة لقيت فى وشى عربية ملاكى فيها ظابط نزل واخد الرخص منى وسلمها لاول اشارة كانت اشارة التجنيد فى جسر السويس واخدت الوصل بتاع السحب
طبعا انا كانت مرعوب قولت خلاص هبقا سوابق وهتحبس دخلت النات وفضلت اسائل الناس العقوبة اية وواحد منها جابلىنص قنوان المرور الجديد قريت البند بتاع السير عكس والحمدلله اطمنت قولت حتى لو هتدفع 10 تلف جنية اهم حاجة متدخلش السجن
وفعلا راحت بعديها المرور لقيت عليا مخلفة 1100 جنية قولت ربنا يخلى الحكومة الجميلة بتاعتنا وفضلت اعد 11 ورقة فئة 100 جنية ده طبعا غير ال 6جنية ونص العافية بتوع الموظف واخدت الرخصة وروحت وقولت الحمدلله على كل شيى
ودة يا جماعة النص بتاع المخلفات فى القنون
المخالفة : السير عكس الاتجاه
الغرامة : 1000 إلى 3000 جنيه
العقوبة : لا يوجد
وده المصدر http://www.contactcars.com/News_View...sp?NewsID=2145
وطبعا نص قنوان المرور الجديد منتشر جدا على النت وتقدروا تتاكدوا بنفسكم
واحب اقول حاجة اخيرة انى لما عملت الموضوع دة
مش لهدف اننا نمشى عكس لا طبعا لان دة مخالف وغلط
ولان احنا مش بنلقى الفلوس فى الارض عشان كل واحد يدفع كل شهر الفين ولا تلاتة مخلفات :Copy of majd(4):
بس عملت الموضوع لتوضيح النقطة بتاعت عقوبة الحبس ليس اكثر
وربنا يبعد عننا شر الطريق
