ارجو من الجميع الاهتمام

**matrix_rashed_8** · 05-05-2007 05:18 PM

انا دى اول مشارركة ليا فى المنتدى
بصراحة انا عندى عربيية كورسا 1600و واحدة تانية بيجو 504
و بعد ما جربت الكورسا ما بقتش عايز اسوق الدبابة التانية دى و
بصراحة ال504 مرفوعة 10 سنين و ماشية حوالى 200الف كيلو و كل حاجة فيها فبريكة غير
انى عملت عمرة كاملة و عملتها صح يعنى غيرت كل حاجة و جبت اصلى لكن للاسف
السيارة بها فتحة سقف و ادى ذلك الى تكون بارومة شديدة فى السقف وعندما سالت
اخبرنى الكثير ان هذه السيارة ستحتاج الى قطع للسقف
و ستحتاج الى عمرة سمكرة كاملة لوجود بارومة اسفل الزجاج الخلفى اعلى الشنطة
وبصراحة انا هاملها يعنى حتحتاج اربع فرد كوتش واربعة جنوط و تظبط عفشة الخ الخ
نيجى للسؤال انا صرفت على الموتور بس 6 الاف جنية
واسعار قطع غيار البيجو بقيت نااااااااار
السؤال بقى
اكملالعمرة دى و اشد العربية شدة صح و احط فيها و لا ابيعها و اخلص من ارفها و
لو حد يعرف ورشه كويسة فى اسكندريه يدلنى
و متاسف على الاطاله.................................... ............

**vooooo** · 05-05-2007 08:12 PM

يا مرحب بيك فى المنتدى

بس حاجه غريبه . العربيه مشيت 200 الف كيلو بس و عملت عمره كامله للموتور دى حتى مرفوعه 10 سنين
بس الأفضل انك تشد العربيه . هتغير السقف و تجيب جنوط جديده و اربع فرد كاوتش و تدخلها فرن بس ماتغيرش اللون
البيجو ده لما يتشد تبقى تحفه مع انى مش بحب البيجو أصلآ
و لو على ورشه انا اعرف ان فى الزقازيق او الشرقيه مش فاكر فين بالظبط بس تقريبآ الزقازيق
أسمه الدكتور . بتاع بيجو بس
لكن الأسكندريه ماعرفش
و خلى الكورسا جوه الأسكندريه و البيجو للسفر

**sh_masry** · 05-05-2007 09:12 PM

انا من رأيى تبعها و تجبلك حاجه تانيه مستعمله بس واقفه على رجلها , لأنك لو هاتشد العربيه اللى معاك و طبعا هاتصرف عليها كتير جدا اكتر ما انت عامل حسابك و فى الأخر مش هاتجبلك سعرها لما تيجى تبعها مع انك هاتكون صارف عليها كتير جدا .
و ده انا اللى هاعمله لو كنت مكانك و ده رأيي الشخصى .
و عموما فيه ورشه فى الأسكندريه فى سيدى بشر ( الراس السوده) و صاحبها اسمه منصور البنا و الراجل ده فعلا صوابعه تتلف فى حرير و لو عايز رقم تليفونه ابعتهولك .

a7'ook
Sherif

**Karim_Monir** · 06-05-2007 12:12 AM

الموضوع في كلمتين مع احترامي للي صرفتة
لو هاتقنيها 5 سنين او اكتر شدها وكمل صرف عليها
لو هاتبيع ما تشدش ولا حتي تلمها
لانكط مش هاتعرف تلمها تجاري زي التجار :arrow:

**matrix_rashed_8** · 07-05-2007 11:43 PM

متشكرين يا جماعة على الردود القيمة دى :D

**hazem_khidr** · 08-05-2007 05:30 AM

البارومه دي شئ عادي جدا و تحت الزجاج الخلفي دا طبيعي انك تلاقي تحتيه بارومه انت لو فكيبت زجاج خلفي او امامي لعربيه 2003 مش عاوز اوقلك 2005 كمان حتلاقي بارومه تحتيه علشان الميه بتاع الغسيل بتتجمع في الاماكن دي انت لو مافيهاش غير كده وديها لسمكري شاطر حيعمل الكلام دا بس خلي بالك قبل ما تمعجن و ترش خليه يقيش الزجاج بعد ما يخلص السمكره ممكن تكون محتاجه تعديل بسيط بدل ما تيجي تركب الزجاد بعد ما ترش تلاقيه ما بيركبش و تضطر انك تعيد الشغل من اول و جديد اما بالنسبه للبارومه اللي في السقف ما اععتقدش انها حتبقي شنيع بالمنظر دا ممكن تجيب بابا سقف استيراد و لو في حته صغيره في السق بتتعمل و يبقي كله تمام و لو العربيه مريحاك ما تبيعهاش و اطمن انت بتقول ان العربيه معاك من زمان يعني بعد ما تعمل الشغل اللي فيها و تيجي تبيعها اكيد مش حتحسر فيها حتي لو خسرت فيها مثلا 5الاف او 10 الاف اعتبرهم ركوبك الفتره دي اذا كنت بتقول مرفوعه 10 سنين يبقي اكيد بقالها معاك مده طويله
و زي ما استاذ كريم قالك لو مش ناوي تبيع اصرف ولو حتبيع بيعها علي وضعها بس كمان لو صرفت مش حتخسر

**Abdallah** · 08-05-2007 11:58 AM

ان بعت ما تشدش وان شديت متبعشى, هذه هى القاعدة وفعلا كلام الاخ علاء صحيح , ان فى بلقاس احسن صنايعية بيجو فى مصر والبيجو بالذات ومش قادر حتى الان افهم سر حبهم المبالغ فيه للعربية دى.

**matrix_rashed_8** · 08-05-2007 04:22 PM

ومش قادر حتى الان افهم سر حبهم المبالغ فيه للعربية دى.

هى عربيه تتحب بصراحة و شكرا يا جماعة على الردود القيمه دى

**Abdallah** · 08-05-2007 07:26 PM

يا باشا انا عارف انها تتحب بس فى حاجتين بلقاس مشهور بيهم
1 - البيجو ال 504 ( نصف بيوت بلقاس عندهم بيجو 504 سواء ملاكى او اجرة )
2 - التوك توك ( النصف الى معندوش بيجو عنده توك توك :D )

-

الموضوع: ارجو من الجميع الاهتمام

LinkBack

أدوات الموضوع

عرض

-

-

-

-

-

-

-

المواضيع المتشابهه

ارجو الاهتمام

ارجو الاهتمام

ارجو الاهتمام

الكلمات الدلالية لهذا الموضوع

المفضلات

المفضلات

ضوابط المشاركة