شكرا يا خالد - انا شوفتها انهارده و فعلا جميله اوي
شكرا يا خالد - انا شوفتها انهارده و فعلا جميله اوي
ممكن معلومات اضافية عن الأسترا السيدان 2009 من حيث الموتور و السحب و استهلاك البنزين و التفاصيل الفنية عموما لو حد معاه بروشور العربية و برضه قطع الغيار أخبارها ايه و توقعاتكوا للعربية دي كمبيعات ؟.
محمد
موتور +سحب+بنزين+تفاصيل فنيه =استرا هاتش باك مع تغير طفيف فى استهلاك البنزين و السحب (علشان الوزن اكيد اتقل علشان دى سيدان و دى هاتش)..
قطع غيار بصراحه معرفش ...
لكن كعاده الالمانى (و انت راكب المانى و عارف)..
لو بصيتهلها على انها فلوس بس هتلاقيها غاليه ..
لو بصيت على انها فلوس +عمر افتراضى هتلاقيها رخيصه..
مبيعات انا متوقع انها تبقى زى الاسترا الهاتش ...
العربيه دى علشان تكتسح انا شايف حاجه من 2 :
1-منصور يزود الكماليات زى زينون و حساسات و بخاخات و فتحه سقف و جنوط 16 ....
و تبدا فى السعر من 125 الف و تنتهى عند 155 الف للكامله ...
و بكده دخل مع اللانسر و الكورولا و المازدا و الفوكس...
و هيكتسح علشان هو الوحيد المانى و كماليات زيهم و سعر ممتاز ....
2-علشان تكتسح بطريقه تانيه سعرها ينزل ل 130 الف ....
انما ب 150 الف هتبيع كويس بس مش اكتساح ...
اى خدمه ...
دايما انا مترصد ليك هههههههههه
ألف شكر يا فينوس باشا و يجعله عامر.
أنا بسأل على العربية دي مش علشاني انت عارف طبعا علاقتي القوية بالأوبل
المبنية كلها على احترام شديد للفولكس ههههههه :Y_hi_3[1]:
أنا بس بحاول أعرف أخبار الجديد في السوق باستمرار و محاولات انقاذ أوبل من مصير جنرال موتورز :B4_611:
أنا فعلا متوقع مبيعات جيدة جدا للعربية دي لأنها تقريبا الألماني الوحيدة في فئتها بالسعر ده - باستثناء الفورد فوكس لظروف سمعتها علشان الكنترول يونيت -و الأسترا السيدان بتفكرني بأيام سنة 2000 مع نزول الأسترا ال 1200 سي سي ب 52000 جنيه اول فئة و عملت مبيعات موت لنهاية موديلها في 2002.
خالص احترامي للجميع.
محمدhttp://www.nilemotors.net
ازاي يا خالد تقول كده بس .
أنا بحترم كل العربيات الألماني بدون استثناء و خاصة الأوبل - بعد الفولكس طبعا - بس الفكرة كلها اعتمادية العربية بدون مشاكل زي الحرارة الشهيرة أو الفتيس الايزي ترونيك.
ده مش معناه ان الفولكس بدون عيوب و لكن التجربة العملية في مصر حاجة تانية خالص غير أوروبا. أنا شخصيا واثق ان كاتب المقال الشهير في مجلة أوتوبيلد لو جه مصر و حلل الموقف على الطبيعة أكيد هايقول ماشربتش من نيلها - طب جربت تغنيلها.
تحياتي ليك يا خالد ولكاتب الموضوع.
محمد
على فكره موضوع الحراره ده اشاعه و هقولهالك بمثل بسيط ...
لو روحت بالجيتا بتاعك لواحد مش متخصص فولكس و مش بيفهم يعملك حاجه فى التكييف او اى حاجه ليها علاقه بدوره التبريد و بعد فتره لقيت الرعبيه بتسخن !!
هتجيب العيب على مين ؟؟
والدى امتلك 6 عربيات اوبل ...
الوحيده الى سخنت هى الاسترا الى معايا و حصلت مره واحده بس لان المروحه كانت فصلت ...
بالنسبه للفتيس فده تعود و الملاك هنا عاجبهم الفتيس بس طبعا dsg احسن مبدئيا لانى لسه مجربتوش انما هو كتكنولوجى فهو اعلى فتيس موجود حتى الان ...
خالد ..
:Y_hi_3[1]:
انا اسف علي الرد المتاخر-كن عندي كورسات اعزروني-المهم هيه نزلت و شوفتها فعلا في توكيل منصور الي عند مسجد رابعه العدويه - اللون رمادي و كان تحفه عليها-الفرش معجبنيش كزوق شخصي بس عجب ناس كتير- حسب كلامهم مفهاش sport mode - و قالي انها 118 حصان-
بس انا فاكر ان كان فيها سبورت موود ..
يمكن انا ناسى اصل الكلام ده من كذا شهر ..
بالنسبه ل 118 حصان ...
لو هى كده فعلا يبقى موتورها غير الهاتش و غير الفيكترا ..
و هيبقى جبااااااااار عليها ..
118 حصان+فتيس مبنى على مانيوال =سحب رهيب ...
بس اعتقد انه غلط فى الرقم و انها 105 حصان زى الهاتش ...