الموضوع: رينو لوجان ام سيريون وان؟؟

المشاركة الأصلية كتبت بواسطة waelabdualla

اخوانى ان شاء الله بصدد شراء سيارة وكنت رسيت على سيريون وان لانها يابانية وشكلها لطيف وسعرها مناسب ليا قوى حةالى 70 الف لكن من يومين قريت اعلان عن رينو لوجان الجديدة بسعر 56 الف بصراحة احتارت عربية بالسعر ده ارجو الافادة من الخبراء وجزاهم الله خير

الرينو اللوجان اللي ب 56 ألف دي فاضية خالص. يعني من غير تكييف ولا باور ستيرنج.
الفل اوبشن ب 67 ألف.

حضرتك بتتكلم عن فئتين مختلفتين تماماً في العربيات. صحيح ليهم نفس السعر، بس السيريون عربية صغيرة نسبياً و 1000 سي سي (النسخة اللي ب 70 ألف). اللوجان عربية واسعة جداً من جوة و 1600 سي سي.
يعني عربية لفرد مقابل عربية عائلية واسعة.

من حيث الجودة، السيريون تكسب. كل الناس بتشكر فيها. اللوجان ولو ان جودتها احسن من مثيلاتها بس برضو مش زي الياباني. أكيد حتلاحظ الفرق لو ركبت العربيتين.

اللوجان تقارنها ب اللانوس والفيرنا تكسب باكتساح. تقارنها بالياباني تخسر.

اللوجان عائلية لكن السيريون شبابية