sahin vs daewoo

**mr_shims_49** · 23-03-2009 09:45 AM

يا جماعة براحة علي الراجل شوية هو برده اكيد متضايق يعني لو واحد جه اتريق علي عربية اي واحد فينا هايتضايق برده و حضرتك بردو يا استاذ ابو ربيع مش كده يا عم براحة شوية انت دخلت دخلة حسستني انها شاهين موستنج يا عم بص جرب الأول العربيتن و بعدين احكم مش تركب واحدة و تقول دي التانية دي وحشة من غير ماتركبها و مع احترامي ليك انا حتي لو معايا شاهين هابقي فاهم ان اكيد اللانوس و النوبيرا عربيات احسن من الشاهين و اكيد الأسباب معروفة وياريت تعتزر لأستاذ محمد ممدوح وياريت بردو كفاية الموضوع مكانه مش هنا اصلا و ملوش لزمة كتر كلام فيه بيتهيألي ياجماعة بعد اذنكوا طبعا

**nasroo** · 23-03-2009 02:42 PM

انا مش عارف ارد عليك يا ابو ربيع واقولك ايه انت داخل حامي اوي علينا انا عاوزك تهدى كده
انا قبل ما اشتري اللانوس من 3 شهور كنت بفكر في الشاهين بس طبعا طلعتها من المقارنة من اول ما جت في بالي وكان من ضمن الاسباب الكرسي بتاعها فعلا لاني كنت حاسس ان ظهرة ابلكاش
بس برضه زي مانا عارف ان الانوس احسن من الشاهين عارف انها اقل من المرسيدس
القصد انك ماتقرنش حاجة بحاجة تانيه اعلى منها سواء اقتنعت او لا فالانوس افضل من الشاهين بكل المقاييس

وحلوة حكاية امير الانتقام دي يا صبحي

**ahmad--ezzat** · 23-03-2009 02:47 PM

مش برضو ابو ربيع دة بتاع كشرى؟

**ahmedezzat78** · 23-03-2009 03:27 PM

تقريبا سمعت انه على الكورنيش فى اسكندريه

**badblood** · 23-03-2009 03:35 PM

:k48:
احسن حاجة في الموضوع ده
ان محمد ممدوح معبروش
تسلم ايدك يا ابو يوسف
تحياتي

**msobhy** · 23-03-2009 05:13 PM

يا جماعة مع احترامى الشديد لكل الاعضاء بلاش نتريق على الالقاب
حتى لو العضو الفاضل غلط فى عربيتنا (ده رأيه) ممكن نتريق على العربيات لكن بلاش الاعضاء اذا سمحتم

**zeka127** · 23-03-2009 05:39 PM

استاذ ممدوح دا راجل محترم وكلنا بنستفيد منه كتييييييير ومبيتأخرش على حد فى اى معلومه وعدم رده بيزيد من احترامه ربنا يخليه لينا يارب
اما غاب اسبوع قبل كده الكل كان مفتقده
وكفايه بقى على ابو ربيع كده لحد اما يبقى يظهر تانى ....