نكت يا ناس نكت

**wesam_salom** · 22-03-2009 09:13 PM

واحد صعيدي بيدهن الحيطة .. قالوله حط جرنال تحتيك .. قالهم لأ أنا كده طايل كويس

صعيدي بالغلط دخل متحف للفن الحديث
توقف عند احد اللوحات وسأل أحد المنظمين جنبه
ايه الشكل المرعب ده، هو ده الفن اللي بتسموه حديث؟
رد المنظم : دى مراية يا أستاذ

اتنين مساطيل طينة طلبت معاهم ان اول واحد هيعدى من الشارع
يقطعوا رقبته ويلعبوا بيها كورة فلقوا واحد معدى من الشارع اتارية مسطول اكتر منهم المهم وقفوه وقالوله احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم دا انا افسيها قبل ما تلعبوا بيها

وحدة تقول لحبيبها أهلى مسافرين والبيت فاضى قالها أقرئى قرأن ومتخافيش

مرة واحدة عجوزة راحت تخطب لابنها سالتها العروسة ابنك بيدخن ؟
قالتلها العجوزة احيانا لما بيكون سكران

واحد صعيدى جالس فى الباص معاة كيس سكر وكيس موز
يقشر الموز ويغمسة في السكر ويرمية من الشباك
يقشر الموز ويغمسة في السكر ويرمية من الشباك
شافة واحد قالة حرام عليك اللى بتعملة هدا
قالة مالك أنت أنا مابحب الموز أبو سكر

************
إ م - 6

مرة واحد سكران بيوقف تاكسي فسأله: فاضي ياسطة فقال له الأسطة: ايوة فاضي فقال له السكران طيب ماتيجي تقعد معايا شوية

شرطي صعيدي في الخدمة لقى قرد في الشارع وداه للضابط المسؤول عنه وقاله : يا باشا انا لقيت قرد أوديه على فين ؟
قال الضابط : على حديقة الحيوانات
غاب الشرطي الصعيدي ساعتين ورجع هو والقرد ، الضابط بيسأله ايه الي رجعك ؟
قاله يا باشا وديته على حديقة الحيوانات ، تحب أخده دلوقتي أفسحه في الملاهي؟

واحد قبل ما يموت جمع ولادة التلاتة وحب يوصيهم
يفضلوا ايد واحدة واعطى لكبيرهم عود خشب كسره بسهولة اعطاه اثنين كسرهم بسهولة اعطاه خمسين عود كسرهم بسهولة قالهم طالما معاكم البغل ده مفيش خوف عليكم

مره واحد اعمي فتح اتشل من الفرحه

*************
إ م -6

اتنين اغبيه واحد قال للتاني :الغرب يا اخويا عمالين يخترعوا حاجات جديدة ويطلعوا القمر وحتي المريخ واحنا اجدع ناس مش عارفين نعمل حاجة؟ قام التانى قاله :طب خلاص احنا نروح نطلع الشمس! الاول قاله: بس الشمس بتكون حامية قوي ...التاني قاله خلاص نطلعها بالليل

صعيدي أتفرج على إعلان مارلبورو تانى يوم راح أشترى حصان

***********
إ م - 6

**نور القمر** · 22-03-2009 09:22 PM

موبيتك خلي بالك احسن المنتدى مرشق صعايدة من بتوع النكت ممكن يطلعولك بالليل

**algeneral** · 22-03-2009 09:22 PM

جامده

**HeMa_LanCeR** · 22-03-2009 09:27 PM

جامدين قوي تسلم ايدك

**wesam_salom** · 22-03-2009 09:34 PM

المشاركة الأصلية كتبت بواسطة نور القمر

موبيتك خلي بالك احسن المنتدى مرشق صعايدة من بتوع النكت ممكن يطلعولك بالليل

مش احنا اتفقنا ان الصعايده بتوع النكت

غير الصعايده بتوع مصر

المقصود فى النكت بكلمه صعيدى واحد مخه مقفل حتى لو كان من طنطا او اسكندريه او حتى البرازيل

انما بتوع جنوب مصر دول على راسنا من فوق

بس هى منقوله كده

اوعى حد يزعل منى

**نور القمر** · 22-03-2009 09:40 PM

متقلقش مفيش زعل خالص ولا في حد مخه صغير علشان يزعل من نكته
انا بس بهزر معاك

**Mido80** · 22-03-2009 09:47 PM

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههجاا ااااااااااااااااااااااااا مدين مووووووت وبالذات بتاعة "صعيدي ألقى محاضرة دينية على مجموعة مكفوفين...موضوعها ( غض البصر )

تسلم ايدك

**AudiQ7** · 22-03-2009 10:28 PM

المشاركة الأصلية كتبت بواسطة mobitek

مش احنا اتفقنا ان الصعايده بتوع النكت

غير الصعايده بتوع مصر

المقصود فى النكت بكلمه صعيدى واحد مخه مقفل حتى لو كان من طنطا او اسكندريه او حتى البرازيل

انما بتوع جنوب مصر دول على راسنا من فوق

بس هى منقوله كده

اوعى حد يزعل منى

غير كلمه صعيدي و اكتبها واحد مخه تخين .. ا

**hegazi_arc** · 23-03-2009 12:40 AM

المشاركة الأصلية كتبت بواسطة mobitek

واحد شكله وحش قوى قوى قوى عايز يتزوج فراح و اتقدم لواحده فبيقول لابوها
انا يا عمى و بلا فخر عملت نفسى بنفسى
رد ابوها وقال : ما انا كمان بقول استحاله تكون خلقة ربنا

مرة خمسة صعايدة دخلو الجامع علشان يصلو و فى وسط الصلاة
قام واحد منهم عطس
فردعليه اللى جامبه وقال له يرحمكم الله
فقالهم التالت ماتتكلموش فى الصلاة
وقلهم الرابع على فكرة صلاتكم انتم التلاتة باطلة
قام الخامس قال الحمد لله انا ما تكلمتش

طبعا مش لاقي كلام اوصف بيه الهبل ده
ياريت قبل ما نبعت حاجة نقرائها كويس
او لو بطلنا استظراف يبقي احسن واحسن
ياريت الادارة لو تمسح اللخبطه ديه و تدي حاجه
علي الماشي للعضو الجامد

**KHALED AYMAN** · 23-03-2009 12:59 AM

المشاركة الأصلية كتبت بواسطة hegazi_arc

طبعا مش لاقي كلام اوصف بيه الهبل ده
ياريت قبل ما نبعت حاجة نقرائها كويس
او لو بطلنا استظراف يبقي احسن واحسن
ياريت الادارة لو تمسح اللخبطه ديه و تدي حاجه
علي الماشي للعضو الجامد

اخى الكريم ...
هدى نفسك ...
ايه الى حصل ؟؟
ممكن توضحلنا وجهه نظرك فى الكلام الى حضرتك خدته اقتباس ؟؟
و بعدين ميصحش كلمه هبل دى !!!
يعنى مثلا انا لو خدت كلامك اقتباس و قلت ايه الهبل ده هتفرح ...؟؟
اكيد هتزعل ...
حتى لو كلامك هبل انا ممكن اوصلهالك بطريقه الطف ...
و بعدين الاستظراف ايه مشكلته؟؟
عادى بنضحك و نهظر مفيهاش حاجه يعنى !!
و بعدين العضو الجامد ده مغلطش فى شخصك ..
يا ريت كلامى ميزعلكش و اعتبره من اخ صغير ليك ...
و اشرحلنا ايه المشكله