إذا سمحتو يجماعة ياريت اللى جرب العربيتين
انهى احسن التيدا ام السيراتو؟
المقارنة فى فئة الاوتو فول اوبشن
بعيدا عن انهم كورى او يابانى وبعيداً ايضاً عن السعر
المقارنة تكون فى القوة والامكانيات
عرض للطباعة
إذا سمحتو يجماعة ياريت اللى جرب العربيتين
انهى احسن التيدا ام السيراتو؟
المقارنة فى فئة الاوتو فول اوبشن
بعيدا عن انهم كورى او يابانى وبعيداً ايضاً عن السعر
المقارنة تكون فى القوة والامكانيات
صعب اوي اوي الموضوع ده علي فكره ياباشا انا دخلت علي الموضوع و مش لاقي كلام اقولوا يعني
بس حبيت اقولك ان المقارنه دي غلط اوي لانك بتظلم التيدا و بتعلي من شان السيراتو اوي اوي يعني
دا اللي اقدر اقولوا
التيدا احسن طبعا
السيراتو هي هي الإلنترا
وإحنا لو حنقارن بين الإلنترا/سيراتو اللي بتنزل مصر وبين التيدا اللي بتنزل مصر
يبقى مافيش مجال للمقارنة بجد وبدون تحيز فعلا التيدا أحسن بمراحــــــــــــــــــــ ل
أما لو نشوف الإلنترا/سيراتو اللي بتنزل في أميريكا ونقارنها بالتيدا ,هنا حيبقى لينا شوية كلام
غبور عمل الواجب مع الإلنترا وقص أجنحتها و خلها منظر بس
وكذلك توكيل الكيا مع السيراتو القديمة
اما النيو سيراتو (الفورتي) لما تنزل نبقى نشوف بعنينا وقتها ونحكم , مش حنقارن بين عربية مجرد صور على النت وعربية تانية ماشية في الشارع بقالها 3 سنين
بس اتوقع إن الكيا لن تستطيع أن تصمد في أي مقارنة مع الشركة اللي عملت الأرمادا و الباثفايندر والألتيما و الماكسيما والجي تي !!!
اكيد التيداااااا
كلام فى التمام
تيدا............ وعاتب عليك السؤال دا اصلا
التيدا دى عربيه اسطوريه بالنسبه للفئه السعريه بتاعتها
والله اعلى واعلم
ايه يا جماعه مالكو بتخبطو في السيراتو كده ليه . انا حاسيس اني راكب توكتوك .. بعد ازنكم عايز اعرف التيدا سعرها كام وايه امكانيتها انا للأسف مكنتش اعرفها قبل مجيب السيراتو . هيا مش منتشره لسه أعتقد ؟؟
لو هنتكلم عن قوة تحمل اعتقد الترتيب هيكون:
اوروبى
يابانى
كورى
يجماعة اعذرونى على المقارنة دى
طبعاً التيدا افضل بكتير
لكن اما دخلت منتدى الكيا لقيتهم بيتكلمو عن التيدا
حسيت انهم هايقارنو بينها وبين السيراتو وبالتالى كان عنوان موضوعى هوه فيه وجه مقارنه بين التيدا والسيراتو؟
كل اللى اقدر اقوله السيراتو احسن لما تحط فرق السعر، يعنى سيراتو ب 90000 و لا تيدا بـ 110000 مع اخذ مواصفات كل واحده بالنسبة لسعرها
علشان كده السيراتو / النترا احسن لما السعر يكون فى الاعتبار لكن التيدا هتكون افضل لو تغضيت عن السعر، انا السعر يفرق معايا فلقيت ان فرق السعر اكبر من فرق الامكانيات
و الله اعلم
منغير اى نوع من انواع التحيزاو التخبيط...التيداااااااا طبعا قلبا وقالبا وجرب الاتنين واحكم بنفسك حتى لو لم يكن لديك اى خبرة فى مجال السيارات حتقول التيدا من غير شك
لو برضه هنتغاضى عن موضوع السعر
فالسيراتو شكل احلى
وموتور اقوى
احنا بنقارن الكيا بالنسيان صنى وناس كتير بتأيد الصنى
التيدا عالية اوى على السيراتو
مافيش فايدة .... عمرنا ما هنكون موضوعيين فى مقارنة السيارات
ولا كأنها من بقية عليتنا ..!!!!!!
حد كان قلك ان السيراتو ان الناس طالعة بيها السما كأنها مرسيدس
الناس قالت تجربتها مع السيارة وايه اللى مرتاحة له فى السيارة وايه اللى يعيبها
يعنى تقيم موضوعى ,وكون انها لم تظهر عيوب جوهرية طول الفترة الماضية
فبالتالى كل اللى جربها شكر فيها لانها اعطته اداء كويس و فى فئة سعرية
معقولة ولا حد طلع بيها السما ولا كئنها مرسيدس او غيره _ واذا كنا بنقارن سيارة
سيدان من سعة لترية واحدة و بقيمة سعرية متقاربة (+/- 10%)
يبقى الناس مغلطتش فى البخارى انهم قارنو السيد بالعبد واكيد اللى بيحكم
المعادلة لشراء سيارة فى المقام الاول جيبك فيه كام...؟!!! يليه بعد ذلك ارتياحك
النفسى للسيارة واراء من امتلكها قبلك - والا كان كله راح اشترى مرسيدس
ومكانش حد غلب - يارجل ده انت حسستنا اننا راكبين توكتوك على رأى ايثان
يا ساتر..اية يا استاذ احمد براحة يعم علينا شوية
هو حد قال ان السيراتو وحشة
طب اية رايك بقا السيراتو دى من احسن مواتير ال 1600 ودة من تجربة الناس اللى اعرفهم سواء فى المنتدى او برة....
ولكن مينفعش اقارن السيراتو بالتيدا مش عشان سيد وعبد وكلام من دة لا بس التيدا فئة اعلى من السيراتو امكانيات اعلى وفرق السعر كمان يقلك ان دى حاجة ودى حاجة ..ولو عملنا المقارنة دى هنظلم السيراتو كتير
التيدا تتقارن بالمازدا 3
السيراتو تتقارن بالاوبترا والالنتر والصنى
الفيرنا بالنوبيرا
الادا بالشاهين
المقارنات تبقى كدة..وفيش زعل من الحق
ياباشا كلامك لا غبار عليه بس انا مع احمد باشا لأن فعلا انا لما شوفت المشاركات حسيت ان احنا في منتدي كيا شوية عيال مش فاهمة حاجه وفرحنين بالعربية وخلاص وده طبعا مش حاصل . الناس عندنا متكلمه عن مميزات وعيوب العربية بكل امانة ومش لاقي اي حاجه غريبة او مبالغ فيها في كلام الزملاء في منتدي كيا تستاهل لفظ سخرية ان احنا طالعين بيها السما.
احمد بك عزت
انا مش زعلان ولا حاجة ...
ان بتكلم فقط ان تكو ن دائما المقارنة موضوعية يعنى زى ماسعدتك بتقول
قدرة محرك - جودة خامات وتقفيل - اسم وسمعة شركة - .... الخ
وهكذا... فتكون المقارنة موضوعية وعمرى ماكنت متحيز لعربية علشان فقط اشترتها
معروف طبعا ان اكيد منتج يابانى من شركة ذات سمعة جودة
تقفيل وخامات ...كل ده له تمنه مش ببلاش والا اكون غير
منصف ولا موضوعى لو قلت غير كده - فقط - اعتراضى
على طريقة تناول المقارنة لا اكثر ولا اقل ...:M_yes[1]:
كنت متوفع ان الموضوع هياخد الطريق ده
فعلا عمرنا ما هنقيم عربيه لو كل واحد افتكر العربيه دى حد من اهله ممنوع الاقتراب او التصوير
الاخوة الاعزاء
بصراحه انا بتابع الموضوع من البدايه و بصراحه حبيت اتفرج ايه اللى ممكن يحصل
و كما هى العاده
مش هاقول عليها بس اكيد كله لاحظها
ما اود ان اقوله هو
*- كل عربه ولها مميزات و عيوب
مافيش حاجه نزلت من السما
*- عيوب قوم عند قوم ممكن تبقى فوائد
يعنى المايباخ مثلا انا لا اظن انى سأشتريها علشان غير عمليه فى الركنه و البنزين
ممكن ناس تانيه عندها ركنه و بئر بترول فالبنسبه لهم تلك ليست عيوب
*- اهم ما فى الموضوع
انا لا اذكر مزايا او عيب حاجه لم اجربها بنفسى و تحت اكثر من ظرف
يعنى انا مثلا لم اجرب السيراتو
كل معلوماتى عنها شكلها الخارجى
يبقى لما اتكلم اقول ان التيدا فيها
1 2 3
و السيراتو شكلها الخارجى كذا ...فقط
لا اخوض فى غمار حاجه سمعتها من واحد ساقها و ندخل فى الخناقه المشهورة
اليابانى و الكورى و البنجلاديشى
*- و يبقى شئ اخير
كل ما يقال هو وجهة نظر من حق صاحبها ان يقولها و يتنظر مناقشه هادئه موضوعيه لها بدون تجريح او عصبيه
بس خلاص
----------------
وجهة نـــــــظر
الله ينور يا باشمهندس محمد
هوه ده الكلام
مع احترامى لكل وجهات النظر والتى تستحق الاحترام
وخاصة كلام الاخ العزيز محمد طه والذى اوؤيده تماما
الموضوع لم يدخل من جانبى على الاقل فى اطارمخالف
للموضوعية ولم ولن اتطرق للموضوع بالمقارنة بهذه الطريقة فى المقارنة ....
الخ ..., ولكن كان تعليقى على جذءمن الحوار بان الناس فى الكيا طالعين
بالعربية السما ...الخ وكأن الناس هناك بتتكلم وخلاص فكان يجب الرد لا اكثر ولا اقل
لانى لا احب ان اشد الى هذه النوعية من المقارنات والدفاع
حتى الاستماتة بحق او غير حق
شكرا
تيدا الهاتشباك انما السيدان شكلها مش حلو
انت زي العسل والله يعين شم عارف اقولك ايه وعلي رائ سيد ابو حفيظه تتمسو بالعفيه موه (علشان مش لاقي شكل البوسه)
احمد باشا انت كل مره تحرجني كلامك علي طول زي الفل معلهوش غبار نفسي اعلق مره واحده علي كلامك يا اخي
بس يا استاز احمد (علشان اللغه العربيه عندك ماشاء الله انا مشوفتش حد بيتكلم كده واضح ان حضرتك مدرس لغه عربيه) واضح ان حضرتك انسان مثقف جدا وحصل سوء فهم في الموضوع اكيد مش حد بيقول ان السيراتو توك توك بالعكس السيراتو عربيه ممتازه جدا والحكايه مش حكايه سيد وعبد ابدا دي كلها اربع كوتشات مشين في الارض مش حاجه يعني بس تقدر تقول ان العربيات فئات التيدا فئه اعلي شويه من السيراتو ده مش بيقلل من السيراتو ولا بيزود للتيد ولولا اختلاف الفئات لبارت السلع
كل واحد لة راية طبعا يا جماعة والموضوع معمول اصلا عشان ناخذ بجميع الاراء الموجودة من اجل الوصول لاحسن عربية من الاتنين دول
وطبعا اكيد صاحب الموضوع عرف اجابة سؤالة
واضح انك واخض الموضوع عند وانا مش بحب اتكلم بالاسلوب ده وعموما الف مبروك عليك السراتو :B4_048::B4_048::B4_048::B4_048::B4_048::B4_048::B 4_048::B4_048::B4_048::B4_048::B4_048::B4_048::B4_ 048::B4_048::B4_048::B4_048::B4_048::B4_048::B4_04 8::B4_048::B4_048::B4_048::B4_048::B4_048::B4_048: :B4_048::B4_048::B4_048::B4_048::B4_048::B4_048::B 4_048::B4_048::B4_048::B4_048::B4_048::B4_048:
مش عند ولا حاجه
حضرتك اتريقت على كلامى كأنى عيل صغير بيهبل ويقول اى كلام
ومتحيز لعربيه فرحان بيها ومبيفهمش فى حاجه
كل ده عشان قلت ان السيراتو شكلها احلى وموتور اقوى
عموما الله يبارك فيك
مع انى مش راكب سيراتو
بدون تحيز ياجماعة وبدون زعل
النيسان افضل من الكيا
لو هنتكلم عن النيسان صنى فهى افضل من السيراتو ودة بشهادة الاعضاء هنا فى المنتدى وبرة المنتدى (معارفى انا )
لو هنتكلم على النيسان تيدا..اعلى من الصنى...بالتالى افضل من السيراتو بمراحل ومش عايزة كلام
الاتنين من بلادهم والاتنين تقفيل بلدهم والاتنين 1600 ونفس الاوبشن
بس اليبانى يتفوق فى الصناعة ودى النقطة اللى بنتكلم فيها
:fun_36_3_4[1]:
وكفاية بقا خنااااااق :)
ياباشا مش خناقه ولا حاجه
زى ما انت قلت كل واحد يقول رأيه عادى وحر فيه
وحتى لو اغلب الاعضاء واغلب الناس قالوا ان التيدا والصنى احسن من السيراتو
وانا قلت السيراتو احسن فده عادى انا مأجرمتش انى قلت رايى
وممكن تكونوا كلكم صح وانا غلط بس ده مجرد رأى
انا مبحبش شكل التيدا ومدفعش فيها 114 الف وبال 114 اجيب بدالها اى عربيه تانيه
لما جيت قلت ان السيراتو شكل احلى وموتور اقوى الاستاذ محمد تيدا وحضرتك اتريقتوا على كلامى
مع ان الشكل ده اذواق
ولما قلت ان السيراتو موتور اقوى دى حقيقه مش رأى
وكمان الاستاذ محمد تيدا بيقولى انت بتتكلم باسلوب عند
هو انا يا اما اقول التيدا احسن يا اما ابقى باعند ؟
عموما انا اسف انى رديت فى الموضوع وقلت رأيى ودخلت فى قسم النيسان وقلت انى بحب السيراتو مش التيدا
وحقكم عليا كلكم