هوندا سيفيك 1500 موديل 1996

**ymoniem** · 09-09-2007 10:18 AM

السلام عليكم ياريت حد يقولي تقريبا تساوي كام الهوندا سيفيك 1996 و هي 1500 حاله ممتازه فابريقه من الداخل و الخارج عامله 130 الف حيث انها معروضه بسعر 68 الف و اتوماتيك

**أبو عبدالله** · 09-09-2007 01:38 PM

ممكن صور

**Ahmed Anwer** · 09-09-2007 01:56 PM

كتير جدا جدا جدا طبعا
و تبقي غلطان لو دفعت المبلغ ده في عربية مستعملة 11 سنة

**ymoniem** · 09-09-2007 02:07 PM

للاسف صور مفيش بس السؤال هل هذا السعر مناسب لسعر السوق الحالي .

**Adham** · 09-09-2007 02:17 PM

لا مش كتير ودة سعرها في السوق و بيوصل فوق ال70 الف كمان

و مش موضوع عربية جديدة او مستعملة

ياباشا انت ممكن تشتري عربية مستعملة من 20 سنة و تمنها يجيب 5 عربيات زيرو

كل حاجة و ليها سعرها

**Ahmed Anwer** · 09-09-2007 02:54 PM

ماشي ، أكيد حضرتك أدري
يبقي ده من عجائب بلدنا
بس نصيحتي للشاري يحسب المصاريف اللي فيها ، صيانة دورية علي الأقل و تغيير أطقم الكهربا و السيور و الزيوت و مراجعات غير مصاريف نقل الملكية ده اللي أساسي لازم يعمله ده غير لو العربية عايزه كاوتش أو بطارية أو عفشة أو في حاجة في الموتور أو الفتيس و أكيد حتحتاج سمكرة و دوكو عشان العربية بقالها حداشر سنة فابريقة من الخارج !!!
و يزود المصاريف علي تمن العربية و يشوف هيوصل لسعر أيه زيرو مع العلم إنها مش هتبقي برده زيرو .

**3mr Farrag** · 09-09-2007 03:05 PM

طبعا كتير جدا......ده الموديل اللي بعديها اللي اعرفه انه في حدود 80 و حالتها هتكون انضف من كده .......انا رأيي انها اخرها اوي في اول ال 60 الف غير انها مش SI

**Nader** · 09-09-2007 04:14 PM

هو طبعاً السعر مبالغ فية حتى لو كانت فول اوبشن ومزود عليها اضافات اخرى كمان.

**ymoniem** · 09-09-2007 05:46 PM

شكرا لكل من قال رأيه و شكرا علي النصائح
العربيه مش محتاجه لاسمكره ولادوكوو لو شقتها هاتقول زيرو و الحاله اكثر من ممتازه و الموتور جيد بس انا محتاج القرار النهارده عشان اتوكل علي الله و اشتري